ڒخذايم 26:23 - ثريفيث 2020

²³ يعْنِي، لْمَسِيح وَا لَابُد اَذ يتْوَاعدّب اَذ يبشَّر لْأُمَّا نّغ س نُّوْر ذ مَارَّا يِنِّي وَار يدْجِين شَا زِي أَيث-إِسْرَائِيل لِأَنَّا ذ نتَّا إِي د غَا يكَّرن ذ اَمزْوَارُو زِي ڒْموْث."

ڒخذايم 26:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:53

فّْغن-د زݣ يمضْڒَان. (منْبَعْد إِ ثڒْتِييَّام اَذ د يكَّر عِيْسَى زِي ڒْموْث نِثْنِي اَذ اَذْفن غَار ثنْدِينْت ن لْقُدْس اَذ د مظْهَارن إِ وَاطَّاس ن يِوْذَان.)

لوقا 2:32

نتَّا ذ يجّن ن نُّوْر إِي ثسْمظْهَارذ إِ ڒݣْنُوْس، نتَّا ذ يجّن ن لْعَظَمَا ن شَّعْب نّش ن أَيْث-إِسْرَائِيل."

لوقا 24:26

تُوْغَا يتْخصَّا إِ لْمَسِيح اَذ يعدّب، سّنِّي اَذ يَاذف غَار لْعَظَمَا نّس."

لوقا 24:46

ينَّا-ٱسن: "أَمُّو إِي يُوْرَا ذِي لْكِتَاب قَا يتْخصَّا إِ لْمَسِيح اَذ يتْوَاعدّب اَذ د يكَّر زِي ڒْموْث وِيس ثڒْتِيَّام.

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 11:25

ينَّا-ٱس عِيْسَى: "نش ذ لْقِيَامَا نش ذ ثُوْذَارْث، ونِّي يتَامْنن زَّايي اَتَاف اَذ يدَّر وَاخَّا يمُّوْث.

ڒخذايم 13:34

فَا أربِّي يسكَّر-د عِيْسَى زِي ڒْموْث يعْنِي عمَّارص اَذ يكِيشّو. أَمنِّي يقَّار لْكِتَاب: <أَذَاوم ؤُشغ لْبَرَكَا ثَمْقدّسْت، لْبَرَكَا ذ صَّح إِي زِي وعْذغ نَّبِي دَاود.>

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

ڒخذايم 26:8

مَايمِّي ثنْوِيم قَا أَربِّـي وَار يتمْكِين شَا اَذ د يسْنكَّر يِنِّي يمُّوْثن زِي ڒْموْث؟

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

ڒخذايم 3:24

أَقَا نَّبِي صَامْوِيل ذ مَارَّا لْأَنْبِيَا إِي ثِيذ يذْفَارن خبَّارن خ وُوْسَّان-أَ يِيْنَا إِي ذِي ندْجَا.

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-كولوس 1:18

ذ نتَّا إِي يدْجَان ذ اَزدْجِيف ن دَّات يعْنِي ن جْمَاعث ن ڒْمُوْمِنِين. ذ نتَّا إِݣ يدْجَان ذ اَمزْوَارُو، ذ نتَّا إِݣ يدْجَان ذ اَمنْزُو زݣ يمتِّينن بَاش ذ نتَّا إِي غَا يِيڒِين ذ اَمزْوَارُو ذِي ثِمسْڒَايِين قَاع.

يعيبرانيين 2:10

زِي أَربِّـي إِي تِيڒِينْت مَارَّا ثِمسْڒَايِين-أَ أُو نتَّا ؤُمِي تِيڒِينْت. ذ أَربِّـي نتَّا إِي يَارِّين عِيْسَى وَار ذَايس بُو ڒْعِيب س ڒَعْذَاب نِّي نّس إِي خَاس يعْذُوْن حمَا أَربِّـي اَذ د يَاوِي اَطَّاس ن ثَارْوَا غَار لْعَظَمَا نّس. غَارس ڒْمَعْنَا مَانَايَا ڒَاحقَّاش عِيْسَى نتَّا ذ زَّعِيم ن وسنْجم ن ثَارْوَا-يَا.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.