ڒخذايم 26:13 - ثريفيث 2020

¹³ آ سِي اَزدْجِيذ، وَامِي ݣُّوْرغ غَار وزْين نْهَار ࢲْرِيغ يجّن ن نُّوْر ذݣ وجنَّا ثْفَاوْث نّس تْسقْسِيق كْتَار زِي ثْفُوْشْت، ئِنّض-اَيِي-د يتْشَعشِيع خَافِي نش ذ يِنِّي إِي كِذِي يݣُّوْرن.

ڒخذايم 26:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:2

ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر، أَغمْبُوْب نّس يتْشعْشِيع اَم ثْفُوْشْت. ئِذْوڒ وَارُّوْض نّس ذ اَشمْڒَاڒ يرقّ اَم ثْفَاوْث.

ڒخذايم 22:6

نش تُوْغَا ݣُّوْرغ ذݣ وبْرِيذ قَارّْبغ غَار دِمَشق، تُوْغَا عْڒَاين ذ اَزْين ن نْهَار. عْلَاغَفْلَا ينّض-اَيِي-د يجّن ن نُّوْر يتْشعْشِيع زݣ وجنَّا.

ڒخذايم 22:9

يِنِّي كِذِي يدْجَان ࢲْرِين نُّوْر نِّي وَلَكِن وَار فْهِيمن شَا إِ ثْمِيجَّا ن ونِّي إِي كِذِي د يسَّاوَاڒن.

ڒخذايم 26:12

س مَانَايَا إِي رُوْحغ يجّن ن نْهَار غَار ثنْدِينْت ن دِمَشق، يْسِيغ-د اَرُّوْخْصَا ن اَرُّوْيَاس ن ڒْفُقَهَا ذ تّسْرِيح نْسن.

ڒخذايم 26:14

نوْضَا مَارَّا غَار ثْمُوْرْث، سْرِيغ إِ يِجّن ن ثْمِيجَّا ثسَّاوَاڒ س لُّغَا لْعِبْرِيَا ثقَّار-ٱيِي-د: آ شَاوُل آ شَاوُل، مَايمِّي ذَايِي تْعدَّابذ؟ تݣّذ اَم ونِّي إِي ذِي ثدْجَا ثْغنَّانْت يسُوْݣُّوْر-يث أَربِّـي س ثْسنَّانْت.

ڒخذايم 9:3

وَامِي يݣُّوْر غَار دِمَشق يقِّيم-اَس شْوَايْت اَذ يَاوض، عْلَاغَفْلَا ينّض-اَس-د يجّن ن نُّوْر يتْشعْشِيع-د خَاس زݣ وجنَّا.

لواحي ن يوحنا 1:16

ذݣ وفُوْس نّس اَفُوْسِي غَارس سبْعَا ن يِيثْرَان. أَقمُّوْم نّس يتفّغ-د زَّايس يجّن ن سِّيف يقْضع خ ثْنَاين ن جِّهَاث، أَغمْبُوْب نّس يݣَّا اَم نُّوْر ن ثْفُوْشْت إِي يتْشعْشِعن اَطَّاس.

لواحي ن يوحنا 21:23

ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.