ڒخذايم 23:9 - ثريفيث 2020

⁹ ئِوْقع يجّن ن سّْدَع يمْغَار، كَّرن ڒبْعَاض زݣ يمْسڒْمَاذن ن شَّرِيعَا نِثْنِي ذ يفَرِّيسِيْين تمْنَاقَارن س جّْهذ قَّارن: "نشِّين وَار ذَاس نْتِيف بُو شَان لْغَالط ذِي بْنَاذم-أَ، يمْكن يسِّيوڒ اَكِذس شَان ن جّنّ نِغ ذ شَان ن لْمَلَائِكَا."

ڒخذايم 23:9 ပူးပေါင်းရင်းမြစ်များ

مرقس 2:16

شَان يمْسڒْمَاذن ن شَّرِيعَا زِي ڒْحِزب ن يفَرِّيسِيّْين ؤُفِين عِيْسَى يتتّ اَك يعشَّارن ذ يِنِّي يعصَّان زَعْمَا، نَّان إِ يمحْضَارن نّس: "مَايمِّي يتتّ نتَّا اَك يعشَّارن ذ يِنِّي يعصَّان؟"

لوقا 23:22

ئِسِّيوڒ اَكِذْسن وِيس ثڒْت-مَرَّاث ينَّا-ٱسن: "مَايمِّي؟ مَان لْجَرِيمَا إِݣ يݣَّا وَانِيتَا؟ نش وَار ذَايس ؤُفِيغ بُو شَان تُّهْمث إِي خف غَا يسْذَاهدْج ڒْموْث. نش اَذَاس ؤُشغ اَعْمُوْذ اَذَاس د ضڒْقغ."

لوقا 23:4

ينَّا-ٱسن بِيلَاطُوْس إِ اَرُّوْيَاس ن ڒْفُقَهَا ذ ڒْغَاشِي نِّي: "وَار خَاس تِيفغ بُو شَان تُّهْمث خ وثَرَّاس-أَ."

لوقا 5:30

شثْشَان زَّايس ڒْحِزب ن يفَرِّسِيْين ذ يمْسڒْمَاذن ن شَّرِيعَا نَّان-اَسن إِ يمحْضَارن نّس: "مَايمِّي تتّم ثْسسّم اَك يعشَّارن ذ يِنِّي يعصَّان؟"

يوحنا 12:29

ڒْغَاشِي نِّي تُوْغَا يبدّن تسْڒَان، نَّان اَقَا وَا ذ اَجَّاج. ينّغْنِي نَّان، اَقَا ثسِّيوڒ غَارس يجّن ن لْمَلَائِكَا.

ڒخذايم 11:17

إِيوَا مڒَا يُوْشَا-ٱسن أَربِّـي إِ نِثْنِي اَمشْنَاو مِين ذَانغ يُوْشَا إِ نشِّين وَامِي نُوْمن زِي سِيذِيثْنغ عِيْسَى لْمَسِيح، مِين عْنِيغ نش بَاش اَذ عَارّْضغ إِ أَربِّـي؟"

ڒخذايم 22:6

نش تُوْغَا ݣُّوْرغ ذݣ وبْرِيذ قَارّْبغ غَار دِمَشق، تُوْغَا عْڒَاين ذ اَزْين ن نْهَار. عْلَاغَفْلَا ينّض-اَيِي-د يجّن ن نُّوْر يتْشعْشِيع زݣ وجنَّا.

ڒخذايم 22:7

ؤُضِيغ غَار ثْمُوْرْث سْڒِيغ إِ يِجّن ن ثْمِيجَّا ثقَّار-اَيي-د: آ شَاوُل آ شَاوُل، مَايمِّي ذَايِي تْعدَّابذ؟

ڒخذايم 23:29

ؤُفِيغ تُّهْمَاث نِّي نِثنْتِي ذ شَان ثْمسْڒَايِين خ شَّرِيعَا نْسن وَاهَا. وَار خَاس ؤُفِيغ بُو شَان تُّهْمَا يسْذَاهدْج خَاس ڒْموْث نِغ ذ ڒحْبس.

ڒخذايم 23:8

(مِنْزِي يصَدُّوْقِيْين قَّارن قَا وَار ذِنِّي لَّا لْقِيَامَا، لَّا لْمَلَايْكَاث، لَّا جْنُوْن، وَلَكِن يفَرِّسِيْين قَّارن مَارَّا مَانَايَا يدْجَا.)

ڒخذايم 25:25

نش وَار خَاس ؤُفِيغ بُو شَان ڒْحَاجث يسْذَاهدْج خَاس ڒْموْث. وَامِي يسْتَانف دَّعْوث نّس غَار لْمَلِك قَيْصَر، خْسغ اَغَارس ث سّكّغ.

ڒخذايم 26:31

فّْغن، نَّان إِ وَايَاوْيَا قَا بْنَاذم-أَ وَار يتݣّ شَا مِينْخف يسْذَاهدْج ڒْموْث نِغ ذ ڒحْبس."

ڒخذايم 27:23

شُوْف، دْجِيڒث-أَ ثَانِيتَا قَا ثْمظْهَار-اَيِي-د يجّن ن لْمَلَائِكَا ن أَربِّـي، أَربِّـي ونِّي ؤُمِي خدّْمغ نتَّا ذ بَاب ينُو.

ڒخذايم 5:39

مڒَا مَانَايَا زِي أَربِّـي وَار ثْزمَّرم شَا اَخَاسن ثقْضَام. غَارْوم اَذ تَافم يخف نْوم تْمنْغَام اَك أَربِّـي!"

ڒخذايم 9:4

ئِوْضَا غَار ثْمُوْرْث، ئِتسْڒَا إِ يِجّن ن ثْمِيجَّا ثقَّار-اَس-د: "آ شَاوُل آ شَاوُل، مَايمِّي ذَايِي تْعدَّابذ؟"

1 أيث-كورينث 10:22

مَا نْرزُّو أَ نسْعصّب سِيذِيثْنغ س لْغِرَا؟ نِغ مَا نجْهذ خَاس نشِّين؟