ڒخذايم 22:5 - ثريفيث 2020

⁵ أَرَّايس ن ڒْفُقَهَا ذ مَارَّا جْمَاعث ن يمقّْرَانن ن أَيث-إِسْرَائِيل نِثْنِي ذ ڒشْهُوْذ خ مَانَاينِّي. ؤُشِين-اَيِي اَرُّخْصَاث اَثنْت سِّيوْضغ غَار اَيثْمَاثْسن ذِي ثنْدِينْت ن دِمَشق. رُوْحغ ذِنِّي اَذ طّْفغ يوْذَان ن وبْرِيذ-أَ اَثن د اَوِيغ غَار لْقُدْس بَاش اَذ تْوَاعَاقْبن.

ڒخذايم 22:5 ပူးပေါင်းရင်းမြစ်များ

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 2:29

آي اَيثْمَا، أَذَاوم ينِيِغ صَّرَاحَا: دَاود زِي سَّلَف صَّالِحِين، نتَّا يمُّوْث يتْوَانْضڒ. أَنْضڒ نّس اَقَّاث اَكِذْنغ اَڒ نْهَارَا.

ڒخذايم 22:1

"آي اَيثْمَا آي يمْغَارن، صنّْطث-اَيِي مْلِيح ڒخُّو بَاش اَذ ذَافْعغ خ يِيخف ينُو!"

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 23:6

وَامِي يسّن بُوْلُس قَا شَا زَّايْسن زِي ڒْحِزْب ن يصَدُّوْقِيْين شَا نّغْنِي زِي ڒْحِزب ن يفَرِّسِيْين، ئِكَّر يڒَاغَا-د س جّْهذ ذِي جْمَاعث نِّي ن لْحُكَّام جَارَاسن ينَّا-ٱسن: "آي اَيثْمَا، قَا نش ذ اَفَرِّيسِي مِّيس ن يفَرِّيسِيْين! أَقَا تْحَاكَامم خَافِي وَامِي نش غَارِي لْأَمَال اَذ د كَّرن يِوْذَان زِي ڒْموْث ذِي لْقِيَامَا."

ڒخذايم 26:10

أَمنِّي إِي ݣِّيغ ذِي ثنْدِينْت ن لْقُدْس. س اَرُّخْصَا ن اَرُّوْيَاس ن ڒْفُقَهَا تْحبَّاسغ اَطَّاس ن ڒْمُوْمِنِين صَّالِحِين. خْمِي خَاسن تَاحْكَامن س ڒْموْث، نش تَافَاقغ خ مَانَاينِّي.

ڒخذايم 26:11

مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.

ڒخذايم 26:12

س مَانَايَا إِي رُوْحغ يجّن ن نْهَار غَار ثنْدِينْت ن دِمَشق، يْسِيغ-د اَرُّوْخْصَا ن اَرُّوْيَاس ن ڒْفُقَهَا ذ تّسْرِيح نْسن.

ڒخذايم 28:17

ثعْذُو ثڒْتِيَّام، يڒَاغَا-د بُوْلُس خ يمقّْرَانن ن أَيث-إِسْرَائِيل. وَامِي د مُوْنن ينَّا-ٱسن: "آي اَيثْمَا، نش وَار ݣِّيغ وَالُو ضد إِ شَّعْب نّغ نِغ ضد إِ لْعَادَاث ن ڒجْذُوْذ نّغ. وَاخَّا اَمنِّي طّْفن-اَيِي ذِي لْقُدْس سلّْمن-اَيِي إِ يفَاسّن ن اَرُّوْمَانُوْس.

ڒخذايم 28:21

نَّان-اَس: "وَار ذَانغ ذ ثُوْوِيض خَاك ؤُڒَا ذ يجّن ن ثبْرَات زِي جْوَايه ن يَهُوْذِيَا. زݣ يِنِّي إِي د يُوْسِين زِي اَيثْمَاثْنغ سّنِّي وَار ذَانغ يسِّيوڒ حَدّ خَاش، وَار خَاك ينِّي حَدّ ڒْعِيب.

ڒخذايم 3:17

ڒخُّو سّْنغ آي أَيثْمَا بلِّي ثݣِّيم مَانَاينِّي إِ عِيْسَى س ڒقْفَاڒث نْوم كنِّيو ذ اَرُّوْيَاس نْوم.

ڒخذايم 4:5

ثِيوشَّا نّس مُوْنن ذِي لْقُدْس يمقّْرَانن ن أَيث-إِسْرَائِيل ذ اَرُّوْيَاس نْسن ذ يمْسڒْمَاذن ن شَّرِيعَا.

ڒخذايم 5:21

ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس.

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

أيث-ݣلاطيا 1:13

أَقَا ثسْڒِيم خَافِي مَامّش تُوْغَا تْعِيشغ زِي قْبڒ وَامِي تُوْغَا تْبَاعغ دِّين ن أَيث-إِسْرَائِيل، يعْنِي مَامّش تُوْغَا تْعدَّابغ جْمَاعث ن ڒْمُوْمِنِين ن أَربِّـي س ومنْغِي، رزُّوْغ اَخَاسن قْضِيغ.

أيث-فيليـپـي 3:6

عْلَاحْسَاب زْعَامث ينُو نش تُوْغَا تْعدَّابغ جْمَاعث ن ڒْمُوْمِنِين ن لْمَسِيح. عْلَاحْسَاب لْقَوَانِين إِي يدْجَان ذِي شَّرِيعَا تُوْغَايِي س بْڒَا ڒْعِيب.

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.