ڒخذايم 22:3 - ثريفيث 2020

³ "نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 22:3 ပူးပေါင်းရင်းမြစ်များ

لوقا 10:39

أَكِذس يجّن ن وتْشْمَاس نتَّاث قَّارن-اَس مَرْيَم ثْرُوْح ثقِّيم غَار يضَارن ن سِيذِيثْنغ ثبْذَا تْصنَّاط إِ وَاوَاڒ نّس.

لوقا 2:46

كِّين ثڒْتِيَّام أُوْشَا ؤُفِين-ث يقِّيم ذِي ثمْزِيذَا ثَمقّْرَانْت جَار يِنِّي يسڒْمَاذن، ئِتْسْڒَا-يَاسن يتْسقْسَا-ثن.

لوقا 8:35

فّْغن-د يِوْذَان حمَا اَذ ࢲرن مِين يوقْعن. ؤُسِين-د غَار عِيْسَى ؤُفِين اَرْيَاز نِّي فّْغن زَّايس جْنُوْن، ئِقِّيم غَار يضَارن ن عِيْسَى يَرض اَرُّوْض نّس يݣنْفَا يذْوڒ س ڒَعْقڒ نّس. أُوْشَا ݣّْوْذن اَطَّاس.

ڒخذايم 11:25

ئِرُوْح بَرْنَابا غَار ثنْدِينْت ن طَرْسُوْس يرزُّو خ شَاوُل.

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 15:41

ئِرُوْح غَار سُوْرْيَا ذ لْإِقْلِيم ن كِيلِيكْيَا يتݣّ ؤُر ذي ثْجُمَاع ن ڒْمُوْمِنِين.

ڒخذايم 21:20

وَامِي سْڒِين إِ مَانَاينِّي، حمْذن أَربِّـي نَّان-اَس إِ بُوْلُس: "شُوْف آي ؤُمَاثْنغ مشْحَاڒ ن ؤُڒُوْفَاث ن يسْرَائِيلِيْين إِي يُوْمْنن! مَارَّا إِذْسن رزُّوْن اَذ ݣّن لْوَاجِب عْلَاحْسَاب شَّريعا نّغ.

ڒخذايم 21:39

ينَّا-ٱس بُوْلُس: "لَّا، نش ذ اَئِسْرَائِيلِي، لْجِنْسِيَا ينُو زِي ثنْدِينْت مَعْرُوْفَا ن طَرْسُوْس ذِي لْإِقْلِيم ن كِيلِيكْيَا. تتَّارغ زَّايش اَذَايِي ثْسمْحذ اَذ سِّيوْڒغ اَك يِوْذَان-أَ."

ڒخذايم 23:34

وَامِي ت يغْرَا لْوَالِي ينَّا-ٱس إِ بُوْلُس مَان لْإِقْلِيم إِي غَار تْوَاحْسَابذ شك؟ وَامِي ذَاس ينَّا بُوْلُس نش زِي لْإِقْلِيم ن كِيلِيكْيَا ينَّا-ٱس لْوَالِي: "نش اَذ يڒِيغ خ لْجلْسَا نّش خْمِي د غَا اَوْضن يِنِّي إِي خَاك غَا ينِين تُّهْمَا." سّنِّي يُوْمَر اَخَاس عسّْسن ذِي ڒقْصَاڒ ن هِيرُوْدُوْس.

ڒخذايم 23:6

وَامِي يسّن بُوْلُس قَا شَا زَّايْسن زِي ڒْحِزْب ن يصَدُّوْقِيْين شَا نّغْنِي زِي ڒْحِزب ن يفَرِّسِيْين، ئِكَّر يڒَاغَا-د س جّْهذ ذِي جْمَاعث نِّي ن لْحُكَّام جَارَاسن ينَّا-ٱسن: "آي اَيثْمَا، قَا نش ذ اَفَرِّيسِي مِّيس ن يفَرِّيسِيْين! أَقَا تْحَاكَامم خَافِي وَامِي نش غَارِي لْأَمَال اَذ د كَّرن يِوْذَان زِي ڒْموْث ذِي لْقِيَامَا."

ڒخذايم 26:5

نِثْنِي سّْنن-اَيِي اَطَّاس زݣ وَامِي. مڒَا خْسن اَخَافِي شهْذن نش عِيشغ ذ اَفَرِّيسِي، ڒْحِزب نِّي يقسْحن اَطَّاس ذِي دِّين نّغ.

ڒخذايم 26:9

نش قنْعغ س يِيخف ينُو تُوْغَا ضَارُوْرِي اَذ ݣّغ مَارَّا مِين زمَّرغ بَاش اَذ عَارّْضغ إِ يِيْسم ن عِيْسَى زِي نَاصِرَا.

ڒخذايم 5:34

ئِكَّر-د يجّن ن وفَرِّسِي، نتَّا ذ اَمسڒْمَاذ ن شَّرِيعَا قَّارن-اَس ݣَامْلِيل يتحْتَارَام-يث شَّعْب مَارَّا. ئِبدّ ذِي ڒْوسْط ن جْمَاعث ن لْحُكَّام ن أَيث-إِسْرَائِيل، ئِتَّار-اَسن اَذ سُوْفْغن اَرُّسُل شْوَايْت ن ڒْوقْث غَار بَارَّا.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

ڒخذايم 9:1

شَاوْل عَاذ يتْهدَّاذ س ڒْموْث يمحْضَارن ن سِيذِيثْنغ. ئِكَّر يرُوْح غَار اَرَّايس ن ڒْفُقَهَا،

ڒخذايم 9:11

ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.

ڒخذايم 9:30

وَامِي د اَرِّين ڒخْبَار اَيثْمَاثْنغ، ؤُوِين-ث غَار قَيْصَارِيَا سّنِّي سّكّن-ث غَار ثنْدِينْت ن طَرْسُوْس.

أيث-روما 11:1

إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين.

22 أيث-كورينث 11:22

مڒَا نِثْنِي ذ يعِيبْرَانِيْين، ؤُڒَا ذ نش ذ اَعِيبْرَانِي. مڒَا نِثْنِي زِي أَيث-إِسْرَائِيل، ؤُڒَا ذ نش ذ اَئِسْرَائِيلِي. مڒَا نِثْنِي ؤُسِين-د زِي ثَارْوَا ن بْرَاهِيم، ؤُڒَا ذ نش ؤُسِيغ-د زِي ثَارْوَا ن بْرَاهِيم.

أيث-ݣلاطيا 1:14

تُوْغَا نش تْݣَعَّاذغ مْلِيح ذِي دِّين ن أَيث-إِسْرَائِيل عْڒَاين قَاع حْسن زݣ يقْرِينن ينُو. تُوْغَا نش رزُّوْغ اَطَّاس اَذ ݣّغ لْوَاجِب عْلَاحْسَاب لْعَادَاث ن ڒجْذُوْذ ينُو.

أيث-ݣلاطيا 1:21

منْبَعْذ رُوْحغ غَار سُوْرْيَا ذ لْإِقْلِيم ن كِلِيكْيَا.