ڒخذايم 22:14 - ثريفيث 2020

¹⁴ ينَّا-ٱيِي: أَربِّـي ن ڒجْذُوْذ نّغ يخْضَر-يشك نتَّا بَاش اَذ تسّْنذ مِين يخس، أَذ تْوَاڒِيذ س ثِيطَّاوِين نّش اَخدَّام نّس صَّالِح اَذ تْصنّْطذ إِ يِجّن ن وَاوَاڒ زݣ وقمُّوْم نّس.

ڒخذايم 22:14 ပူးပေါင်းရင်းမြစ်များ

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

ڒخذايم 13:17

فَا أَربِّـي إِي يدْجَان خ شَّعْب ن أَيث-إِسْرَائِيل يخْضَر نتَّا ڒجْذُوْذ نّغ، يَرْنِي لْعَدَد نْسن وَامِي نِثْنِي تُوْغَا زدّْغن ذِي مِصْرَا. ئِسُوْفغ-يثن سّنِّي س جّْهذ نّس.

ڒخذايم 22:15

شك اَخَاس ثِيڒِيذ ذ شَّاهذ غَار مَارَّا يوْذَان عْلَاحْسَاب مِين ثࢲْرِيذ ذ مِين ثسْڒِيذ.

ڒخذايم 22:18

ࢲْرِيغ سِيذِيثْنغ ينَّا-ٱيِي: كَّر فّغ ذغْيَا زِي لْقُدْس مِينْزِي شْهَاذث نّش خَافِي وَار ت قبّْڒن شَا.

ڒخذايم 24:14

وَلَكِن قَّارغ-اَش نش تَعْتَرَافغ زَّاثش عبّْذغ أَربِّـي ن ڒجْذُوْذ نّغ عْلَاحْسَاب اَبْرِيذ-أَ إِي حسّْبن نِثْنِي زَعْمَا ذ لْبِدْعَا. تَامْنغ س مَارَّا مِين يتَافَاقن اَك شَّرِيعَا ذ مِين د يُوْرِين ذِي لْكُتُب ن لْأَنْبِيَا.

ڒخذايم 26:16

ڒخُّو كَّر، بدّ خ يضَارن نّش. أَقَا نش مظْهَارغ-اَش-د بَاش اَش د يخْضَرغ اَذ تْذوْڒذ ذ اَخدَّام ينُو اَذ تِيڒِيذ ذ يجّن ن شَّاهذ خ مِين زَّايِي ثࢲْرِيذ ذ مِين عَاذ ذَاش د غَا سْبيّْنغ.

ڒخذايم 5:30

أَربِّـي ن ڒجْذُوْذ نّغ يسكَّر-د عِيْسَى ونِّي إِي ثنْغِيم كنِّيو ثْرفْعم-ث خ ثحْنَاشْت.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

1 أيث-كورينث 11:23

شُوْف، نش اَقَا مِين ذَايِي يُوْشَا سِيذِيثْنغ أُو ذ مَانَايَا إِي ذَاوم د سِّيوْضغ يعْنِي ذِي دْجِيڒْث نِّي إِي ذِي يمّنْز سِيذِيثْنغ عِيْسَى ييْسِي-د نتَّا اَغْرُوْم،

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

1 أيث-كورينث 15:8

غَار ونݣَّارُو قَاع يمظْهَار-اَيِي-د إِ نش، اَخْمِي نش عظْڒغ وَار د خْڒِيقغ شَا ذِي زْمَان ينُو نِيشَان.

1 أيث-كورينث 9:1

غَارِي لْحُرِّيَا يعْنِي نش مَاشِي ذ يسْمغ. نش ذ اَرَّسُوْل، ࢲْرِيغ سِيذِيثْنغ عِيْسَى. يَاش ذ كنِّيو إِي يدْجَان ذ نَّتِيجَا ن ڒْخذْمث ينُو ذِي سِيذِيثْنغ، نِغ لَّا؟

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ݣلاطيا 1:12

وَار ذَايِي د يُوْسِي زِي حَدّ، وَار ذَايِي ث سْڒمْذن شَا يِوْذَان؛ لَّا، نتَّا يهْوَا-د خَافِي ذ لْوَاحِي زِي عِيْسَى لْمَسِيح.

أيث-ݣلاطيا 1:15

وَلَكِن أَربِّـي زِي قْبڒ تُوْغَا يعْزڒ-اَيِي نش يعْنِي يخْضَر-اَيِي ذݣ وعدِّيس ن يمَّا سّنِّي يڒَاغَا-ٱيِي-د س اَرْضَا نّس. وَامِي خَافِي يَارْضَا نتَّا، يسضْهَار-اَيِي-د مِّيس حمَا اَزَّايس بشَّرغ جَار ڒݣْنُوْس. ڒخْدّنِّي وَار مْشَاوَارغ اَك حَدّ.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

1 بطرس 2:22

نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.