ڒخذايم 20:7 - ثريفيث 2020

⁷ ذݣ وَاسّ اَمزْوَارُو ن سِيمَانَا نْمُوْن نشِّين أَ نشّ اَغْرُوْم، ئِسِّيوڒ بُوْلُس اَك يِوْذَان. ئِقِّيم يسَّاوَاڒ اَڒ ؤُزْين ن دْجِيڒث مِينْزِي ثِيوشَّا نّس ينْوَا ٱذ يسَفَر.

ڒخذايم 20:7 ပူးပေါင်းရင်းမြစ်များ

مرقس 16:9

{عِيْسَى وَامِي د يكَّر زِي ڒْموْث زِيش نْهَار اَمزْوَارُو ن سِّيمَانَا يمظْهَار-د ذ اَمزْوَارُو إِ مَرْيَم ثَمَݣْدَالِيث ثنِّي إِي زِي تُوْغَا يسُوْفغ سبْعَا ن جْنُوْن.

لوقا 22:19

ئِيْسِي اَغْرُوْم يشكَّر أَربِّـي يرْزِي-ث يُوْشَا-ٱسن-ث ينَّا-ٱسن: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي ثْفكَّرم."

لوقا 24:35

تْخبَّرن-ثن س مِين يوقْعن ذݣ وبْرِيذ ذ مَامّش سّْنن سِيذِيثْسن وَامِي يرْزَا اَغْرُوْم.

يوحنا 20:1

ذِي نْهَار اَمزْوَارُو ن سِّيمَانَا، ثُوْسَا-د مَرْيَم ثَمَݣْدَالِيث غَار يِيفْرِي ن ونْضڒ ن عِيْسَى زِيش. تُوْغَا عَاذ ثَادْجسْت، ثُوْفَا اَزْرُو يتْوَاكّس خ يِيفْرِي ن ونْضڒ.

يوحنا 20:19

نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."

يوحنا 20:26

منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"

ڒخذايم 16:10

وَامِي صَافِي يࢲْرَا لْوَاحِي نِّي بُوْلُس، نكَّر نشِّين نْسوْجذ حمَا أَ نْسَفر ڒخْدّنِّي غَار لْإِقْلِيم ن مَاسِدُوْنْيَا. نفْهم بلِّي أَربِّـي يتْڒَاغَا-د خَانغ اَثن نْبشَّر س لْإِنْجِيل ذِنِّي.

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

ڒخذايم 2:46

تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن.

ڒخذايم 20:11

ئِرُوْح بُوْلُس يݣَعّذ سنّج، يرْزَا اَغْرُوْم يشَّا. ئِسِّيوڒ اَطَّاس اَڒ وَامِي ذ ڒفْجَر يكَّر يُوْيُوْر.

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

ڒخذايم 20:5

يِيْنَا يزْوَارن-اَنغ تْرَجَان-اَنغ ذِي ثنْدِينْت ن تْرَاوْس.

ڒخذايم 20:9

ذِنِّي يجّن ن وحنْجِير قَّارن-اَس يُوْتِكُوْس يقِّيم نتَّا خ ثنْهَارْث ن ثْبُوْرْجَات. يڒْهَا بُوْلُس يتمْهَارْوَاض، أَحنْجِير نِّي يطّف-يث يِضص يغلّب خَاس يِيضص نِّي أُوْشَا يوْضَا زِي ثْڒَاثَا ن طّْبَقَاث اَڒ ثْمُوْرْث ؤُفِين-ث يمُّوْث.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

1 أيث-كورينث 10:16

ڒْكَاس نِّي ن لْبَرَكَا إِي زِي نتْبَرَاك نشِّين، زَّايس إِي نْشَرّش ذݣ يذَامّن ن لْمَسِيح. أَغْرُوْم نِّي إِي نتْرزَّا، زَّايس إِي نْشَرّش ذِي دَّات ن لْمَسِيح.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 16:2

ذِي نْهَار اَمزْوَارُو ن كُڒ سِيمَانَا، كُڒ يجّن زَّايْوم يتْخصَّا-يَاس اَذ يكّس شَا ن تْمنْيَاث عْلَاحْسَاب لْمَنْضَا نّس اَثنْت يخمّڒ. مَاشِي اَڒ د غَا اَسغ نش عَاذ اَذ تبْذَام اَذ تسْمُوْنم تْمنْيَاث-أَ.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

لواحي ن يوحنا 1:10

ذِي نْهَار ن سِيذِيثْنغ تُوْغَا يهْوَا-د خَافِي أَرُّوح ن أَربِّـي، سْڒِيغ غَار ذفَّار ينُو يجّن ن ثْمِيجَّا ثمْغَار صُّوْت نّس يݣَّا اَم زَّمَّار.