ڒخذايم 20:6 - ثريفيث 2020

⁶ وَامِي يعْذُو ڒْعِيذ ن ثفْضِيرْث، ننْيَا ذݣ ؤُغَرَّابُو نفّغ زِي ثنْدِينْت ن فِيلِيپِّـي. منْبَعْد إِ خمْسِيَّام نذْفَار-يثن غَار ثنْدِينْت ن تْرَاوْس، نقِّيم ذِنِّي سبْعِيَّام.

ڒخذايم 20:6 ပူးပေါင်းရင်းမြစ်များ

ڒخذايم 12:3

وَامِي يُوْفَا مَانَاينِّي يعْجب-اَسن إِ أَيث-إِسْرَائِيل يكَّر يطّف ؤُڒَا ذ بُطْرُس. ذِي ڒِيَّام ن ڒْعِيذ ن ثفْضِيرْث إِي ذِي يوْقع مَانَاينِّي.

ڒخذايم 16:10

وَامِي صَافِي يࢲْرَا لْوَاحِي نِّي بُوْلُس، نكَّر نشِّين نْسوْجذ حمَا أَ نْسَفر ڒخْدّنِّي غَار لْإِقْلِيم ن مَاسِدُوْنْيَا. نفْهم بلِّي أَربِّـي يتْڒَاغَا-د خَانغ اَثن نْبشَّر س لْإِنْجِيل ذِنِّي.

ڒخذايم 16:12

سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 16:8

س مَانَايَا سمْحن ذِي مِيسْيَا هْوَان غَار ثنْدِينْت ن تْرَاوْس.

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 20:5

يِيْنَا يزْوَارن-اَنغ تْرَجَان-اَنغ ذِي ثنْدِينْت ن تْرَاوْس.

ڒخذايم 21:4

وَامِي نرْزُو خ يمحْضَارن، نُوْفِي-ثن ذِنِّي نقِّيم اَكِذْسن سبْعِيَّام. عْلَاحْسَاب مِين عڒْمن نِثْنِي زِي أَرُّوْح، قَّارن-اَس إِ بُوْلُس وَار تْݣَعَّاذ شا شك غَار ثنْدِينْت ن لْقُدْس.

ڒخذايم 21:8

ثِيوشَّا نّس نْرُوْح غَار ثنْدِينْت ن قَيْصَارِيَا نُوْذف نقِّيم ذِي ثدَّارْث ن لْمُبْشِر فِيلِيپَّـاس. نتَّا ذ يجّن زِي سبْعَا ن صَّحَابَا ن اَرُّسُل ن لْقُدْس.

ڒخذايم 28:14

نُوْفَا ذِنِّي ڒبْعَاض ن اَيثْمَاثْنغ، عَرْضن-اَنغ أَ نقِّيم اَكِذْسن سبْع-يَّام. أَمنِّي إِي نُوْوض غَار ثنْدِينْت ن رُوْمَا.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.

2 تيموتاوس 4:13

خْمِي د غَا ثَاسذ، أَوِي-د اَكِذش اَزدْجَاب ينُو ونِّي إِي جِّيغ اَك كَرْپُـوْس ذِي ثنْدِينْت ن تْرَاوْس ؤُڒَا ذ لْكُتُب ينُو خَاصَّتَان يِنِّي يدْجَان ن يڒمَاون.