ڒخذايم 20:32 - ثريفيث 2020

³² آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

ڒخذايم 20:32 ပူးပေါင်းရင်းမြစ်များ

مرقس 10:17

عِيْسَى وَامِي يݣُّوْر خ وبْرِيذ، يُوْسَا-د غَارس يجّن يتَازّڒ يوْضَا خ يفَادّن زَّاثس ينَّا-ٱس: "آ لْمُعَلِّم اَصبْحَان، مِين غَا ݣّغ حمَا اَغَارِي ثِيڒِي ثُوْذَارْث ن ڒبْدَا؟"

يوحنا 15:3

كنِّيو ذ يمنْقَاوِيْين ذݣ وسڒْمذ إِي ذَاوم نِّيغ.

يوحنا 17:17

صفَّا-ثن س لْحَقِيقَا، أَوَاڒ نّش نتَّا إِي يدْجَان ذ لْحَقِيقَا.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 14:26

وَامِي كمّْڒن ڒْخذْمث نِّي ذِنِّي، عقْبن سّنِّي ذݣ وغَرَّابُو غَار ثنْدِينْت ن وَانْطَاكْيَا مَانِيس د ؤُسِين قْبڒ، زِي مَانِيس تْوَاكلّْفن س ڒْخذْمث نِّي س اَرْضَا ن أَربِّـي.

ڒخذايم 14:3

بُوْلُس ذ بَرْنَابَا قِّيمن ذِنِّي اَطَّاس ن ڒْوقْث تْبشَّارن س سِيذِيثْنغ س يِجّن ن زْعَامث. يݣَّا سِيذِيثْنغ لْمُعْجِيزَاث ذ لْبُرْهَانَاث خ يفَاسّن ن بُوْلُس ذ بَرْنَابَا بَاش اَذ يسْبيّن اَوَاڒن نِّي إِي تْبشَّارن خ اَرْضَا ن سِيذِيثْنغ ذ صَّح.

ڒخذايم 15:40

بُوْلُس نتَّا يخْضَر سِيلَاس، فّْغن نِثْنِي كلّْفن-ثن ڒْمُوْمِنِين خ ڒْخذْمث نِّي نَّان اَخَاوم يَارْضَا سِيذِيثْنغ.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

1 أيث-كورينث 1:2

نتْسدْجَام خَاوم كنِّيو إِي يدْجَان ذ جْمَاعث ن ڒْمُوْمِنِين ن أَربِّـي ذِي ثنْدِينْت ن كُوْرِينْث. تْوَاسِّيصْفَام ذِي عِيْسَى لْمَسِيح، تْوَاخْضَرم بَاش اَذ تِيڒِيم ذ صَّالِحِين اَك مَارَّا يِنِّي يتْڒَاغَان خ يِيسم ن سِيذِيثْنغ عِيْسَى لْمَسِيح ذِي مَارَّا يمُوْشَان. نتَّا ذ سِيذِيثْنغ ذ سِيذِيثْسن.

1 أيث-كورينث 6:10

ذ يشفَّارن، ذ يضمَّاعن، ذ يِنِّي يسسّن اَطَّاس ن شّْرب، ذ يِنِّي يقَّارن ڒْبَاطڒ، ذ يغشَّاشن وَار تْوَارَاثن شَا ڒْمُلْك ن أَربِّـي.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

أيث-ؤفسوس 1:14

أَرُّوْح-أَ نتَّا ذ يجّن ن ڒْعَرْبُوْن يضمّن لْوَارث نّغ اَڒ غَا ث نطّف ثُمَّا أَ نحْمذ أَربِّـي خ لْعَظَمَا نّس.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-ؤفسوس 4:16

زَّايس زِي لْمَسِيح دَّات ثكْمَاڒ ن جْمَاعث ثْمُوْن اَقَات ذ يشْتن س قَاع ڒمْفَاسڒ نِّي إِي ذَايس. أُو كُڒ طَّارْف نّس مڒَا يخدّم نِيشَان اَتَاف اَذ يسمْغَار دَّات-أَ أُو س يِيخف نّس اَذ تبْنَا س ڒمْحِبّث.

أيث-ؤفسوس 5:5

لِأَنَّا ونِّي يتݣّن لْفَسَاد نِغ ذ مِين يسخْنِيزن نِغ ذ مِين يسظْمَاعن، يعْنِي نتَّا ذ ونِّي يعبّْذن لْأَصْنَام، أَقَا تسّْنم بْڒَا شّكّ بلِّي مَارَّا يِنِّي يتݣّن مَانَايَا وَار غَارْسن بُو لْوَارث ذِي ڒْمُلْك ن لْمَسِيح نِغ ذِي أَربِّـي.

أيث-كولوس 1:12

بَاش اَذ تْشكَّرم بَابَاثْنغ ونِّي إِي ذَاوم يُوْشِين ڒْحَقّ اَذ تْشَرْشم ذِي لْوَرث ن صَّالِحِين ذِي نُّوْر.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

أيث-كولوس 3:24

كنِّيو ثسّْنم لْجَائِزَا نْوم اَذ تِيڒِي ذ يجّن ن لْوَارث زِي سِيذِيثْنغ. نتَّا ؤُمِي ثْخدّْمم نتَّا ذ سِيذِيثْنغ لْمَسِيح.

يعيبرانيين 10:14

لِأَنَّا يِنِّي يتْذوَّاڒن ذ صَّالِحِين يسِّيصْفَا-ثن ذݣ يِجّن ن ثْوَاڒَا إِ ڒبْدَا س يِجّن ن دْبِيحث أُو صَافِي بَاش اَذ يڒِين بْڒَا ڒْعِيب.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

يعيبرانيين 2:11

أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.