ڒخذايم 2:46 - ثريفيث 2020

⁴⁶ تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن.

ڒخذايم 2:46 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:22

ثِيطَّاوِين اَم ثْفَاوْث إِ ثُوْذَارْث نّش. مڒَا غَارك ثِيطَّاوِين صحَّانْت، أَتَاف اَغَارك ثِيڒِي ثْفَاوْث مَارَّا ذِي ثُوْذَارْث نّش.

لوقا 11:41

صدّْقم مِين ذَايْوم غَار ذَاخڒ، أَتَاف مَارَّا اَذ يذْوڒ يسِيرذ إِ كنِّيو.

لوقا 24:30

وَامِي اَكِذْسن يقِّيم اَذ يشّ، ئِكَّر ييْسِي اَغْرُوْم يشكَّر أَربِّـي يرْزِي-ث يبْذَا يفَرّق-اَسن-ث.

لوقا 24:53

سّنِّي قِّيمن ذِي ثمْزِيذَا ثَمقّْرَانْت حمّْذن أَريِّي.

ڒخذايم 16:34

يُوْوِي-ثن غَار ثدَّارْث نّس يُوْشَا-اَسن اَذ شّن. ئِفَرح نتَّا ذ مَارَّا ڒحْبَاب نّس مِينْزِي ؤُمْنن زِي أَربِّـي.

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

ڒخذايم 20:7

ذݣ وَاسّ اَمزْوَارُو ن سِيمَانَا نْمُوْن نشِّين أَ نشّ اَغْرُوْم، ئِسِّيوڒ بُوْلُس اَك يِوْذَان. ئِقِّيم يسَّاوَاڒ اَڒ ؤُزْين ن دْجِيڒث مِينْزِي ثِيوشَّا نّس ينْوَا ٱذ يسَفَر.

ڒخذايم 3:1

ئِجّن ن نْهَار غَار ثْڒَاثَا وعشِّي ذي ڒْوقْث ن ثْࢲَادْجِيث، بُطْرُس ذ يُوْحَنَّا ݣَعّْذن غَار ثمْزِيذَا ثَمقّْرَانْت ن أَيث-إِسْرَائِيل.

ڒخذايم 5:21

ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس.

ڒخذايم 5:42

قِّيمن مكُڒ نْهَار تْرَاحن غَار ثمْزِيذَا ثَمقّْرَانْت، تْرَاحن زِي ثدَّارْث اَڒ ثدَّارْث سڒْمَاذن تْبشَّارن س عِيْسَى بلِّي نتَّا ذ لْمَسِيح.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

1 أيث-كورينث 10:16

ڒْكَاس نِّي ن لْبَرَكَا إِي زِي نتْبَرَاك نشِّين، زَّايس إِي نْشَرّش ذݣ يذَامّن ن لْمَسِيح. أَغْرُوْم نِّي إِي نتْرزَّا، زَّايس إِي نْشَرّش ذِي دَّات ن لْمَسِيح.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

أيث-ؤفسوس 6:5

آي يسمْغَان، طَاعم إِ أَيثْبَاب نْوم ذِي دُّنشْت-أَ، وقَّرم-ثن ݣّْوْذم-ثن س يِجّن ن وُوْڒ يصْفَا اَمشْنَاو مَّامش ثْطَاعَام إِ لْمَسِيح.

أيث-كولوس 3:22

آي يسمْغَان، طَاعث إِ أَيثْبَاب نْوم ن دُّنشْت-أَ ذِي مَارَّا ثِمسْڒَايِين. طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا حمَا اَذَاسن تْعجْبم؛ لَّا، طَاعم-اَسن س ڒْخَاضَر نْوم اَكِذْوم ثِيڒِي يجّن ن ثِيݣّْوْذِي ذِي سِيذِيثْنغ.