ڒخذايم 2:4 - ثريفيث 2020

⁴ شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 2:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:19

خْمِي كنِّيو غَا سلّْمن، بْڒَا مَا ٱذ تيْسِيم اَمْنُوْس ذِي ڒَعْقُوْڒَاث نْوم مِين غَا ثِينِيم نِغ ذ مَامّش إِي غَا ثسِّيوْڒم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي.

مرقس 16:17

ذ ثِيْنَا ذ لْعَلَامَاث إِي د غَا يمظْهَارن اَك يِنِّي يتَامْنن: أَقَّا نِثْنِي اَذ سُوْفْغن جْنُوْن عْلَاحْسَاب يسم ينُو، أَذ سِّيوْڒن س يِيڒسَاون ذ جْذِيذ.

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 1:41

وَامِي ثسْڒَا إِلِيزَابت إِ سْڒَام ن مَرْيَم، ئِنْهزّ وسيْمِي نِّي ذݣ وعدِّيس نّس، نتَّاث ثشُّوْر س أَرُّوْح يقدّْسن.

لوقا 1:67

زَكَرِيَا بَابَاس ن يَحْيَى، يشُّوْر س أَرُّوْح يقدّْسن، ئِسِّيوڒ س مِين يعْڒم زِي أَربِّـي ينَّا:

لوقا 12:12

مِينْزِي أَرُّوْح يقدّْسن اَذَاوم يُوْش مِين غَا ثِينِيم ذِي ثْسَعَّات نِّي."

لوقا 21:15

لَّا، أَذَاوم ؤُشغ اَوَاڒن ذ ڒفْهَامث حمَا مَارَّا يِنِّي كِذْوم يتْمنْغَان وَار زمَّرن شَا اَخَاوم د اَرّن.

لوقا 4:1

ئِذْوڒ-د عِيْسَى زݣ يِغْزَار ن لْأُرْدُن يشُّوْر س أَرُّوْح يقدّْسن، ڒخْدّنِّي يُوْوِي-ث أَرُّوْح نِّي غَار ڒخْڒَا.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 20:22

وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.

ڒخذايم 1:5

يعْنِي يَحْيَى يطهَّار إِ يِوْذَان س وَامَان، كنِّيو وَار ذَاوم يقِّيم شَا اَذ تْوَاطهَّارم س أَرُّوْح يقدّْسن."

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 10:46

ڒَاحقَّاش سْڒِين-اَسن سَّاوَاڒن س لُّغَاث وَار يدْجِين بُو نْسن حمّْذن أَربِّـي. أُوْشَا ينَّا بُطْرُس:

ڒخذايم 10:47

"مَا ذِنِّي شَان بْنَاذم إِي غَا يسْبدّن يوْذَان-أَ بَاش وَار تتْوَاطهِّيرن شَا س وَامَان؟ يِيْنَا يمُّوْش-اَسن أَرُّوْح يقدّْسن اَم نشِّين اَم نِثْنِي!"

ڒخذايم 11:15

ثُمَّا وَامِي بْذِيغ سَّاوَاڒغ، يُوْسَا-د أَرُّوْح يقدّْسن يهْوَا-د خَاسن مَامّش خَانغ د يهْوَا ذݣ ومزْوَارُو.

ڒخذايم 11:24

بَرْنَابَا نتَّا ذ يجّن ن ورْيَاز ذ اَصبْحَان يشُّوْر س أَرُّوْح يقدّْسن يتَامن اَطَّاس، خَربِّي ن يِوْذَان ؤُمْنن زِي سِيذِيثْنغ.

ڒخذايم 13:52

ئِمحْضَارن يدْجَان ذِنِّي شُّوْرن س ڒفْرَاحث ذ أَرُّوْح يقدّْسن.

ڒخذايم 13:9

ئِكَّر شَاوُل يعْنِي بُوْلُس يشُّوْر س أَرُّوْح يقدّْسن يخْزَر ذݣ وسحَّار نِّي مْلِيح؛

ڒخذايم 15:8

أَربِّـي ذ نتَّا إِݣ يسّْنن ؤُڒ ن بْنَاذم، يسظْهَار-د نتَّا بلِّي يقْبڒ-يثن يعْنِي يُوْشَا-ٱسن أَرُّوْح يقدّْسن مَامّش ذَانغ ث يُوْشَا إِ نشّْين.

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 2:11

ذ أَيث-إِسْرَائِيل ذ يِنِّي يسڒْمن ذِي دِّين ن أَيث-إِسْرَائِيل، ذ أَيث-كْرِيت ذ وَاعْرَابن. نشِّين مَارَّا نتْسْڒَا-يَاسن سَّاوَاڒن س لُّغَاث نّغ خ ثْمسْڒَايِين ثِمقّْرَانِين ن أَربِّـي."

ڒخذايم 2:3

ࢲْرِين يڒسَاون اَم يصْفضَاون ن ثْمسِّي يرُوْح كُڒ يِيڒس وَاحْذس يمَارْس يج يج خ كُڒ يجّن زَّايْسن.

ڒخذايم 4:31

وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

ڒخذايم 4:8

بُطْرُس يشُّوْر-د س أَرُّوْح يقدّْسن ڒخْدّنِّي ينَّا-ٱسن: "آ لْحُكَّام آي يمقّْرَانن ن شَّعْب!

ڒخذايم 6:3

آي اَيثْمَا، كَّرم اَوِيم-د سبْعَا ن يرْيَازن زَّايْوم اَذ تِيڒِي ثسّْنم-ثن اَقَاثن مْلِيح، أَذ يڒِين شُّوْرن س أَرُّوْح يقدّْسن ذ ڒفْهَامث. نشِّين اَثن نْكلّف س لْمُهِمَّا-يَا

ڒخذايم 6:5

ئِعْجب-اَسن ڒْحَاڒ إِ مَارَّا جْمَاعث. كَّرن يخْضَرن يجّن ن ورْيَاز قَّارن-اَس سْتِيفَان، نتَّا يشُّوْر س لْإِيمَان ذ أَرُّوْح يقدّْسن. ئِخْضَرن فِيلِيپَّـاس ذ بْرُوْكُوْرُس ذ نِيكَانُوْر ذ تِيمُوْن ذ پَـرْمِينَاس ذ نِيكُوْلَاس زݣ وَانْطَاكْيَا، تُوْغَا يسْڒم نتَّا ذِي دِّين ن أَيث-إِسْرَائِيل.

ڒخذايم 6:8

سْتِيفَان نِّي نتَّا يشُّوْر س لْبَرَكَا ن أَربِّـي ذ جّْهذ، ئِخدّم جَار يِوْذَان لْبُرْهَانَاث ذ لْمُعْجِيزَات ذ ثِمقّْرَانِين.

ڒخذايم 7:55

سْتِيفَان يشُّوْر س أَرُّوْح يقدّْسن، يخْزَر غَار وجنَّا يࢲْرَا لْعَظَمَا ن أَربِّـي يُوْفَا عِيْسَى يبدّ خ وفُوْسِي ن أَربِّـي.

ڒخذايم 8:17

ثُمَّا بُطْرُس ذ يُوْحَنَّا سرْسن خَافْسن يفَاسّن نْسن أُوْشَا يمُّوْش-اَسن أَرُّوْح يقدّْسن.

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 13:1

مَعْلِيك سَّاوَاڒغ س يِيڒسَاون ن يثَرَّاسن س لُّغَا، مَعْلِيك سَّاوَاڒغ س لُّغَا ن لْمَلَائِكَاث يعْنِي رُوْحِيَا، مَاشَا ڒمْحِبّث وَار ذَايِـي تِيڒِي شَا، إِڒِي تْسدَّاعغ اَم يِج ن دَرْبُوْݣَا، تمْقرْقَابغ اَم ڒقْرَاقب وَاهَا.

1 أيث-كورينث 13:8

ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.

1 أيث-كورينث 14:18

تْشكَّرغ أَربِّـي نش سَّاوَاڒغ س لُّغَاث رُوْحِيَاث كْتَار زَّايْوم مَارَّا.

1 أيث-كورينث 14:5

إِيوَا خْسغ مَارَّا كنِّيو اَذ تسِّيوْڒم س لُّغَاث رُوْحِيَاث، وَلَكِن مْلِيح عَاذ اَذ تسِّيوْڒم س وَاوَاڒن إِي ثْعڒْمم زِي أَربِّـي. ونِّي يسَّاوَاڒن س وَاوَاڒ إِݣ يعْڒم زِي أَربِّـي نتَّا يمْغَر خ ونِّي يسَّاوَاڒن س لُّغَاث رُوْحِيَاث، إِلَّا مڒَا شَان يِجّن اَذ يسْتَرْجم حمَا اَذ يسْتنْفع جْمَاعث ن ڒْمُوْمِنِين.

أيث-ؤفسوس 3:19

أَذ تسّْنم عَاوذ مْلِيح ڒمْحِبّث-أَ ثَانِيتَا ن لْمَسِيح مشْحَاڒ ثمْغر خ مَارَّا ثُوْسْنَا ذِي دُّنشْت-أَ بَاش اَذ تشَّارم س مِين يشُّوْر أَربِّـي.

أيث-ؤفسوس 5:18

وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

2 بطرس 1:21

لِأَنَّا اَوَاڒن ن لْأَنْبِيَا تُوْغَا عمَّارْص وَار تفِّيغن شَا زِي لْأَفْكَار نْسن؛ لَّا، نِثْنِي سَّاوَاڒن زِي مِين ذَاسن د يتَاسن زِي أَربِّـي مَامش إِي خَاسن د يهوَّا أَرُّوْح يقدّْسن.