ڒخذايم 2:23 - ثريفيث 2020

²³ ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

ڒخذايم 2:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:19

أَث سلّْمن إِ يِنِّي وَار يدْجِين شَا زِي أَيث-إِسْرَائِيل. أَخَاس ضحْشن، اَث ؤُوْثن س وسْغُوْن، اَث صلّْبن. نْهَار وِيس ثڒْتِيَّام اَذ د يتْوَاسْنكَّر زِي ڒْموْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:35

وَامِي ث صلّْبن، ݣِّين لْقُرْعَا خ وَارُّوْض نّس فرْقن-ث جَارَاسن.

مرقس 15:24

صلّْبن-ث، فرْقن اَرُّوْض نّس جَارَاسن. ݣِّين لْقُرْعَا حمَا كُڒ يجّن مين غَا ييْسِي.

لوقا 22:22

مِّيس ن بْنَاذم اَذَاس يوْقع عْلَاحْسَاب مَامْش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن."

لوقا 22:37

أَذَاوم ينِيغ: أُو لَابُد اَذَايِي يوْقع مِين يُوْرِين ذِي لْكِتَاب عْلَاحْسَاب مَامش يقَّار: <حسْبن-ث اَك لْمُجْرِمِين.> إِيوَا مِين خَافِي يُوْرِين صَافِي اَذ يوْقع."

لوقا 23:33

وَامِي ؤُوْضن غَار ومْشَان نِّي ؤُمِي قَّارن جُمْجُمَا، صلّْبن-ث ذِنِّي اَك ثْنَاين نِّي ن لْمُجْرِمِين، ئِجّن خ وفُوْسِي يجّن خ وࢲڒْمَاذ.

لوقا 24:20

طّْفن-ث اَرُّوْيَاس ن ڒْفُقَهَا ذ لْحُكَّام نّغ سلّْمن-ث اَث نْغن، صلّْبن-ث.

يوحنا 19:18

مَانِي ث صلّْبن، صلّْبن اَكِذس ثْنَاين نّغْنِي، سَّا ذ سَّا، عِيْسَى ذِي ڒْوسْط.

يوحنا 19:24

نَّان إِ وَايَاوْيَا، وَار ث نتْشَارِّيݣ شَا، أَخَاس نݣّ لْقُرْعَا بَاش أَ نسّن وِي ث غَا ييْسِين. أَمُّو يكمّڒ وَاوَاڒ ن لْكِتَاب: <بْضَان اَرُّوْض ينُو جَارَاسن، ݣِّين لْقُرْعَا خ ڒغْضَا ينُو.> أُو ذ مَانَايَا إِي ݣّين ڒْعَسْكَار.

ڒخذايم 13:27

قَا يمزْذَاغ ن لْقُدْس ذ اَرُّوْيَاس نْسن وَار عْقِيڒن شَا عِيْسَى-يَا، وَار فْهِيمن شَا اَوَاڒن ن لْأَنْبِيَا ذِي لْكُتُب إِي قَّارن ذِي ثمْزِيذَاوِين زِي سّبْث غَار سّبْث. وَامِي حكْمن خ عِيْسَى س ڒْموْث فّْغن-د وَاوَاڒن نِّي إِي نَّان لْأَنْبِيَا.

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

ڒخذايم 4:28

ݣِّين قَاع مِين تُوْغَا ثْزمّْمذ اَذ يوْقع س وفُوْس ذ ڒْخَاضَر نّش.

ڒخذايم 5:28

"نشِّين نُوْمَر-يكنِّيو وَار ثسڒْمَاذم شَا عْلَاحْسَاب يسم نِّي ن عِيْسَى. وَلَكِن كنِّيو ثْعمَّارم لْقُدْس س تَّعْلِيم نْوم. ثخْسم اَذ تݣّم ڒْموْث ن ورْيَاز-أَ خ يِيڒي نّغ."

ڒخذايم 5:30

أَربِّـي ن ڒجْذُوْذ نّغ يسكَّر-د عِيْسَى ونِّي إِي ثنْغِيم كنِّيو ثْرفْعم-ث خ ثحْنَاشْت.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.

أيث-روما 2:12

شُوْف، مَارَّا يِنِّي يعصَّان نِثْنِي وَار غَارْسن تِيڒِي بُو شَّرِيعَا، أَتَاف اَذ فْنَان بْڒَا شَّرِيعَا. وَلَكِن يِنِّي يعصَّان اَتَاف غَارْسن شَّرِيعَا، أَذ تْوَاحَاكْمن عْلَاحْسَاب شَّرِيعَا نِّي.

أيث-روما 4:17

مَامّش يقَّار لْكِتَاب: <أَرِّيغ-شك ذ جدِّيثْسن إِ وَاطَّاس ن ڒݣْنُوْس.> ذِنِّي بْرَاهِيم زَّاث إِ أَربِّـي إِي زِي يتَامن، يعْنِي ونِّي د يسْنكَّرن يِنِّي يمُّوْثن، يعْنِي ونِّي د يخڒْقن مِين عمَّارْص وَار يدْجِين.

1 أيث-سلونيك 2:15

نِثْنِي نْغِين سِيذِيثْنغ عِيْسَى ذ لْأَنْبِيَا، ؤُڒَا ذ نشِّين سُوْفْغن-اَنغ سّنِّي. وَار خَاسن يَارْضِي شَا أَربِّـي نِثْنِي تْعَارَّاضن إِ مَارَّا يوْذَان، ڒَاحقَّاش وَار ذَانغ تجِّين شَا أَ نسِّيوڒ اَك ڒݣْنُوْس بَاش أَذ نجْمن. أَمنِّي ڒْمُعْصِيَاث نْسن اَرنِّينْت تْعمَّرنْت، لْعِقَاب ن أَربِّـي يوْضَا خَاسن قَاع.

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 2:8

أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.