ڒخذايم 19:9 - ثريفيث 2020

⁹ ڒبْعَاض زَّايْسن طّْفن اَكِذس ثَغنَّانْت ؤُݣِين اَذ اَمْنن، تُوْكَّارن ذِي تَّعْلِيم ن سِيذِيثْنغ زَّاث إِ يِوْذَان. سّنِّي يفّغ-د بُوْلُس زِي ثمْزِيذَا نِّي يُوْوِي اَكِذس يمحْضَارن نّس، كُڒ نْهَار يسڒْمَاذ-يثن ذِي لْمَرْكز ن تِيرَانُّوْس.

ڒخذايم 19:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:14

اجّم-ثن! نِثْنِي ذ يضَرْغَاڒن تْجَرَّان يضَرْغَاڒن. مڒَا اَضَرْغَاڒ يجَرّ اَضَرْغَاڒ، أَتَاف اَذ وْضَان س ثْنَاين إِذْسن ذِي شَان ثسْرَافْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 16:4

ئِوْذَان يعفَّانن ن ڒْوقْث-أَ يخدّْعن أَربِّـي تتَّارن لْعَلَامَا ثَمقّْرَانْت، وَلَكِن وَار ذَاسن يتْمُوْشِي إِلَّا لْعَلَامَا نِّي ن نَّبِي يُوْنس." سّنِّي يرُوْح يجِّي-ثن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:55

ڒخْدّنِّي ينَّا-ٱسن عِيْسَى إِ يِوْذَان نِّي: "مَا تْغِير-اَوم قَا نش ذ لْمُجْرِم وَامِي د ثيْسِيم ڒسْيُوْف ذ يدبُّوْزن حمَا اَذَايِي ثطّْفم نِغ؟ تُوْغَا تْغِيمِيغ مْكُڒ نْهَار ذِي ثمْزِيذَا ثَمقّْرَانْت، سڒْمَاذغ ذِنِّي وَار ذَايِي ثطِّيفم شَا.

يوحنا 12:40

<ئِسْضرْغڒ-يثن زِي ثِيطَّاوِين نْسن، ئِسّقْسح-اَسن ؤُڒَاون نْسن، حمَا وَار تْوِيڒِين س ثِيطَّاوِين نْسن، حمَا وَار فهّْمن س وُوْڒَاون نْسن، بَاش وَار غَارِي د ذوِّيڒن نش اَثن سْݣنْفِيغ.>

ڒخذايم 11:26

وَامِي ث يُوْفَا يُوْوِي-ث-يذ اَكِذس غَار ثنْدِينْت-أَ ن وَانْطَاكْيَا. سعْذُوْن عَام يكْمَاڒ اَك جْمَاعث ن ڒْمُوْمِنِين، سڒْمَاذن اَطَّاس ن يِوْذَان. ذَانِيتَا ذِي وَانْطَاكْيَا-يَا إِي تْوَاسمَّان يمحْضَارن ثْوَاڒَا ثَمزْوَارُوْت س <ئِمَسِيْحِيْين.>

ڒخذايم 14:4

مسْفْرَاقن اَيثْبَاب ن ثنْدِينْت-أَ ن إِكُوْنْيَا خ ثْنَاين. ڒبْعَاض إِذْسن اَقَاثن اَك يسْرَائِيلِيْين، ڒبْعَاض إِذْسن اَقَاثن اَك اَرُّسُل.

ڒخذايم 17:4

قْتَانْعن ڒبْعَاض زَّايْسن مُوْنن اَك بُوْلُس ذ سِيلَاس. أَكِذْسن خَربِّي ن ييُوْنَانِيْين إِي يتݣّْوْذن أَربِّـي. أَكِذْسن عَاوذ اَطَّاس ن ثمْغَارِين زِي ثِنِّي إِي غَار ثدْجَا لْمَرْتَبَا.

ڒخذايم 19:23

ذِي ڒْوقْث نِّي ثوْقع يجّن ن ڒْفَوْضَا ثمْغَار خ سَّبَاب ن وبْرِيذ ن سِيذِيثْنغ.

ڒخذايم 19:30

يرزُّو بُوْلُس اَذ يحْضَار زَّاث إِ ڒْغَاشِي نِّي، وَار ث جِّين شَا يمحْضَارن نّس.

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

ڒخذايم 22:4

نش تُوْغَا تْعدَّابغ يِنِّي يذْفَارن اَبْرِيذ-أَ حتَّا وَامِي مُّوْثن. طّْفغ يرْيَازن ذ ثمْغَارِين ݣِّيغ-ثن ذِي ڒحْبس.

ڒخذايم 24:21

وَاش يمْكن خ وَاوَاڒ نِّي إِي نِّيغ س وڒَاغِي جَارَاسن وَامِي بدّغ ذِنِّي؟ نِّيغ-اَسن اَقَا كنِّيو تْحَاكَامم خَافِي نْهَارَا مِينْزِي تَامْنغ بلِّي يوْذَان اَذ د كَّرن زِي ڒْموْث ذِي لْقِيَامَا."

ڒخذايم 28:22

وَلَكِن نخْس اَذَاش نْصنّط لْأَفْكَار نّش، مِينْزِي نسّن اَطَّاس ن يِوْذَان ذِي مْكُڒ اَمْشَان تْعَارَّاضن إِ ڒْحِزب-أَ وَانِيتَا."

ڒخذايم 7:51

ينَّا-ٱسن سْتِيفَان: آ يِنِّي إِي ذِي ثدْجَا ثْغنَّانْت، قَا ؤُڒَاون نْوم ذ يمجَّان نْوم قّْنن! كنِّيو تݣّم مَامّش إِي ݣِّين ڒجْذُوْذ نْوم، كِيف-كِيف. ڒبْدَا تْعَارَّاضم-اَس إِ أَرُّوْح يقدّْسن.

ڒخذايم 9:2

ئِتَّار زَّايس اَرُّخْصَاث اَثنْت ييْسِي غَار ثمْزِيذَاوِين ن أَيث-إِسْرَائِيل ذِي دِمَشق بَاش يِنِّي غَا يَاف ذفَّارن اَبْرِيذ ن عِيْسَى س ثمْغَارِين ذ يرْيَازن اَثن يَاوِي ذ يمحْبَاس غَار لْقُدْس.

أيث-روما 11:7

إِذن، مِيخف رزُّوْن أَيث-إِسْرَائِيل وَار ث ؤُفِين شَا، يِنِّي يتْوَاخْضَرن ؤُفِين-ث. يِنِّي يقِّيمن، ؤُڒَاون نْسن تْوَاقْسْحن.

أيث-روما 9:18

فَلِهَذَا أَربِّـي يرحّم ونِّي يخس، ئِسْغَانَّان ونِّي يخس.

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 تيموتاوس 1:15

شك ثسّْنذ بلِّي مَارَّا يِنِّي يدْجَان ذِي لْإِقْلِيم ن آسْيَا سمْحن ذَايِي ؤُڒَا ذ فِيْخُوْلُوْس ذ هِيْرْمُوْجِيْنُوْس.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

يعيبرانيين 3:13

لَّا، مڒَا نْزمَّر أَ نِيْنِي <نْهَارَا>، أَتَاف اَذ تْشجّْعم اَيَاوْيَا كُڒ نْهَار بَاش وَار ذِنِّي يتِيڒِي حَدّ زَّايْوم اَذ يذْوڒ يقْسح وُوْڒ نّس اَث تخْذع ڒْمُعْصِيْث نّس.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:2

أَطَّاس إِي غَا يقلّْدن ڒقْبَاحث نْسن. خ سَّبَاب-أَ وَانِيتَان يوْذَان اَذ زبّْڒن ذݣ وبْرِيذ ن لْحَقِيقَا.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!