ڒخذايم 19:26 - ثريفيث 2020

²⁶ أَقَا تْوَاڒَام تسْڒَام بُوْلُس-أَ يسْقنّع اَطَّاس ن يِوْذَان ذِي ثنْدِينْت-أَ ن ؤُفَسُوْس عْڒَاين ؤُڒَا ذِي مَارَّا لْإِقْلِيم ن آسْيَا، ئِسُوْفُوْغ-يثن زݣ وبْرِيذ نّغ. ئِقَّار-اَنغ قَا لْأَصْنَام-أَ يتْوَاصنْعن س يفَاسّن قَا وَار دْجِين شَا ذ أَربِّـيثن.

ڒخذايم 19:26 ပူးပေါင်းရင်းမြစ်များ

1 أيث-كورينث 8:4

أَمَّا لْمَكْلَا يتْقدَّامن إِ لْأَصْنَام، نسّن لْأَصْنَام دْجَان ذِي دُّنشْت-أَ وَلَكِن ذ يخَرِّيقن وَاهَا. نسّن نشِّين يجّن ن أَربِّـي إِݣ يدْجَان، وَاحْذس.

ڒخذايم 17:29

شُوْف، نشِّين مڒَا ذ ثَارْوَا ن أَربِّـي، ئِتْخصَّا-يَانغ وَار نتْفكِّير شَا بلِّي ونِّي يُوْعْڒَان قَا نتَّا اَم دّْهب نِغ اَم نُّقَارْث نِغ اَم وزْرُو. أَربِّـي وَار يدْجِي شَا ذ لْأَصْنَام إِݣ يتْصنَّاع بْنَاذم س لْفِكْرَا نّس ذ ثْزمَّار نّس.

لواحي ن يوحنا 9:20

وَلَكِن يِوْذَان إِݣ ينجْمن زِي لْمُصِيبَاث-أَ وَار تُوْبن شَا س مِين ݣِّين س يفَّاسن نْسن. قِّيمن عَاذ عبّْذن شَّيَاطِن ذ لْأَصْنَام ن دّْهب ذ نُّقَارْث ذ نّحَّاس ذ وزْرُو ذ وكشُّوْض إِي وَار يتْوِيڒِين شَا إِي وَار يتْسْڒِين شَا إِي وَار يݣُّوْرن شَا.

ڒخذايم 19:10

ئِقِّيم بُوْلُس يتݣّ مَانَاينِّي عَامَاين. مَارَّا يمزْذَاغ ن لْإِقْلِيم ن آسْيَا سْڒِين إِ وَاوَاڒ ن سِيذِي أَربِّـي، أَيث-إِسْرَائِيل ذ ييُوْنَانِيْين س ثْنَاين إِذْسن.

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

1 أيث-سلونيك 1:9

ئِوْذَان نِّي س يِيخف نْسن سُوْفُوْغن خَاوم ڒخْبَار خ مَامش إِي ذَانغ ثْقبْڒم ذ مَامش إِي ثْسمْحم ذِي لْأَصْنَام بَاش اَذ تْعبْذم أَربِّـي يدَّرن إِي يدْجَان ذ صَّح.

أيث-ݣلاطيا 4:8

ذِي ڒْوقْث نِّي يعْذُوْن تُوْغَا وَار ثسِّيْنم شَا أَربِّـي، حكّْمن خَاوم لْأَصْنَام زَعْمَا، ذِي طَّبِيعَا نْسن نِثْنِي مَاشِي ذ أَربِّـيثن ن صَّح.

1 أيث-كورينث 12:2

قَا ثسّْنم بلِّي وَامِي تُوْغَا كنِّيو ذ لْكُفَّار تْوَاسُوْفْغم زݣ وبْرِيذ غَار لْأَصْنَام يزيْنُوْنن.

ڒخذايم 18:19

ؤُوْضن غَار ثنْدِينْت ن ؤُفَسُوْس، يجَّا بُوْلُس ذِنِّي پْـرِسْكِيلَا ذ وَاكِيلَاس، سّنِّي يُوْذف غَار ثمْزِيذَا بَاش اَذ يمْنَاقَاش اَك يسْرَائِيلِيْين.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 19:25

يڒَاغَا-د خ يِنِّي يخدّْمن ذِي مَانَاينِّي ذ يِنِّي يتْصنَّاعن ثِمسْڒَايِين نّغْنِي اَمنِّي. ينَّا-ٱسن: "آي يرْيَازن، ثسّْنم بلِّي نْربّح اَطَّاس ن تْمنْيَاث ذِي صّنْعَاث-أَ.