ڒخذايم 19:10 - ثريفيث 2020

¹⁰ ئِقِّيم بُوْلُس يتݣّ مَانَاينِّي عَامَاين. مَارَّا يمزْذَاغ ن لْإِقْلِيم ن آسْيَا سْڒِين إِ وَاوَاڒ ن سِيذِي أَربِّـي، أَيث-إِسْرَائِيل ذ ييُوْنَانِيْين س ثْنَاين إِذْسن.

ڒخذايم 19:10 ပူးပေါင်းရင်းမြစ်များ

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 18:11

ئِقِّيم ذِنِّي بُوْلُس عَام أُو ستّ-شْهُور يسڒْمَاذ نتَّا اَوَاڒ ن أَربِّـي إِ يِوْذَان.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 19:20

أَمنِّي اَوَاڒ ن سِيذِي أَربِّـي يتنْتَاشر يَرنِّي غَارس جّْهذ اَطَّاس.

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

ڒخذايم 19:8

سّنِّي بُوْلُس يُوْذف غَار ثمْزِيذَا ن أَيث-إِسْرَائِيل، ئِسَّاوَاڒ ذِنِّي س زْعَامث شَان ن ثڒْت-شْهُوْر. ئِتمْنَاقَاش اَكِذْسن بَاش اَثن يسقْنع خ ڒْمُلْك ن أَربِّـي.

ڒخذايم 2:9

يعْنِي ثَمُوْرْث ن بَارْدْيَا ذ مَادْيَا ذ عِيلَام، ذ يمزْذَاغ ن مِيسِيبُوْطَامْيَا ذ يَهُوْذِيَا ذ كَپْدُوْكْيَا، ذ پُـنْطُس ذ آسْيَا،

ڒخذايم 20:18

وَامِي غَارس د ؤُسِين يمقّْرَانن نِّي ينَّا-ٱسن: "كنِّيو قَا ثسّْنم مَامّش تْعِيْشغ مَارَّا ڒْوقْث نِّي إِي تُوْغَا ٱكِذْوم قِّيمغ، زِي نْهَار نِّي اَمزْوَارُو إِي د ؤُذْفغ غَار آسْيَا.

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 10:12

لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان.

أيث-روما 10:18

وَلَكِن نش تْسقْسِيغ، مَا وَار سْڒِين شَا؟ وَاه، سْڒِين. أَقَّا مِين يقَّار لْكِتَاب: <ذِي مَارَّا ثَمُوْرْث يفّغ-د صُّوْت نْسن، أَوَاڒن نْسن ؤُوْضن اَڒ ڒَاحدّ ن دُّنشْت.>

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

2 تيموتاوس 1:15

شك ثسّْنذ بلِّي مَارَّا يِنِّي يدْجَان ذِي لْإِقْلِيم ن آسْيَا سمْحن ذَايِي ؤُڒَا ذ فِيْخُوْلُوْس ذ هِيْرْمُوْجِيْنُوْس.

1 بطرس 1:1

نش ذ بُطْرُس ذ اَرَّسُوْل ن عِيْسَى لْمَسِيح. تْسكِّيغ-د ثَبْرَات-أَ إِ يِنِّي إِݣ يخْضَر أَربِّـي إِي يدْجَان ذ يعزَّابن يتمْزدْجَاعن ذِي لْإِقْلِيم ن پُـنْطُس ذ لْإِقْلِيم ن ݣَلَاطْيَا ذ لْإِقْلِيم ن كَفَدُوْسْيَا ذ لْإِقْلِيم ن آسْيَا ذ لْإِقْلِيم ن بِـيْثَانْيَا.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.