ڒخذايم 18:21 - ثريفيث 2020

²¹ وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 18:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

مرقس 6:46

وَامِي خَاسن يمْسَافَاض، نتَّا يرُوْح غَار وذْرَار اَذ يࢲَّادْج.

لوقا 9:61

يُوْسَا-د يجّن نّغْنِي ينَّا-ٱس إِ عِيْسَى: "أَشك ذْفَارغ آ سِيذِي، وَلَكِن ذ اَمزْوَارُو اجّ-اَيِي اَذ مْسَافَاضغ خ فَامِلْيَا ينُو."

ڒخذايم 15:29

يعْنِي اَذ تْبعّْذم خ لْمَكْلَا يتْوَاقدّْمن إِ لْأَصْنَام، ذ يذَامّن، ذ مِين يتْوَاجيّْفن، ذ لْفَسَاد. مڒَا ثْبعّْذم خ ثْمسْڒَايِين-أَ وَا اَتَاف ثݣِّيم مْلِيح. اَكنِّيو يعَاون أَربِّـي."

ڒخذايم 18:19

ؤُوْضن غَار ثنْدِينْت ن ؤُفَسُوْس، يجَّا بُوْلُس ذِنِّي پْـرِسْكِيلَا ذ وَاكِيلَاس، سّنِّي يُوْذف غَار ثمْزِيذَا بَاش اَذ يمْنَاقَاش اَك يسْرَائِيلِيْين.

ڒخذايم 18:20

تَّارن زَّايس يسْرَائِيلِيْين-أَ اَذ يقِّيم عَاذ كْتَار وَلَكِن نتَّا يُوْݣِي.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 19:17

أَرِّين-اَسن-د ڒخْبَار مَارَّا يمزْذَاغ ن ؤُفَسُوْس، يعْنِي أَيث-إِسْرَائِيل ذ ييُوْنَانِيْين س ثْنَاين إِذْسن. ثڒْقف-يثن ثِيݣّْوْذِي أُوْشَا يتْوَاسمْغَار يسم ن سِيذِيثْنغ عِيْسَى اَطَّاس.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 21:14

وَامِي نُوْفَا نشِّين وَار ث نْسقْنِيع شَا، نسْقَار ننَّا: مِين يخس سِيذِي أَربِّـي اَث يݣّ ذ ونِّي نتَّا!

ڒخذايم 21:29

نَّان مَانَاينِّي مِنْزِي تُوْغَا ࢲْرِين اَكِذس ذِي ثنْدِينْت يجّن ن بْنَاذم قَّارن-اَس تْرِيْفُوْمُو زِي أَيث-ؤُفَسُوْس، ئِتْغِيڒ-اَسن بُوْلُس يسِيذف-يث غَار ثمْزِيذَا ثَمقّْرَانْت.

أيث-روما 15:32

ڒخْدّنِّي، مڒَا يخس أَربِّـي اَغَارْوم د اَسغ س ڒفْرَاحث أَ نْريّح اَݣ وَايَاوْيَا.

1 أيث-كورينث 15:32

نش مڒَا عْلَاحْسَاب ثِمسْڒَايِين ن دُّنشْت-أَ وَاهَا، مَايمِّي منْغغ اَك ڒُوْحُوْش ذِي ثنْدِينْت ن ؤُفَسُوْس؟ مِين غَا ربْحغ؟ ئِمتِّينن، مڒَا وَار د تْنكَّارن شَا زِي ڒْموْث، ئِي مَايمِّي؟ "يَالَّاه أَ نشّث أَ نسْوث، قَا ثِيوشَّا أَ نمّث."

1 أيث-كورينث 16:7

ڒخُّو وَار خْسغ شَا اَكنِّيو ࢲْرغ مِينْزِي اَخَاوم د كّغ وَاهَا؛ لَّا، تْمنِّيغ عَاذ اَكِذْوم قِّيمغ يجّن ن لْمُدَّا يعْنِي مڒَا يخس أَربِّـي.

1 أيث-كورينث 16:8

نش اَذ قِّيمغ ذِي ثنْدِينْت ن ؤُفَسُوْس اَڒ غَا د يَاوض ڒْعِيذ ن نْهَار وِيس خمْسِين.

1 أيث-كورينث 4:19

لَّا، قَا عْڒَاين اَغَارْوم د اَسغ مڒَا يخس أَربِّـي. يِنِّي إِي ذِي يدْجَا تَّكبُّر اَثن سّْنغ نش. مَاشِي اَثن سّْنغ مِين قَّارن؛ لَّا، أَثن سّْنغ مَا ذَايْسن شَان جّْهذ مَا لَّا.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

يعيبرانيين 6:3

إِيوَا، أَ نُوْيُوْرث غَار زَّاث يعْنِي مڒَا يخس أَربِّـي.

ثبرات غار يعقوب 4:15

ئِتْخصَّا-يَاوم اَذ تِينِيم اَمُّو: <مڒَا يخس سِيذِي أَربِّـي أَ ندَّر، أَ نݣّ شّْغڒ-أَ نِغ ذ شّْغڒ-ين.>

1 بطرس 3:17

شُوْف، مڒَا يخس أَربِّـي اَتَاف حْسن اَذ تْوَاعدَّابم عْلَاحْسَاب ڒْخِير إِي تݣّم مَاشِي عْلَاحْسَاب شَّرّْ.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش: