ڒخذايم 18:19 - ثريفيث 2020

¹⁹ ؤُوْضن غَار ثنْدِينْت ن ؤُفَسُوْس، يجَّا بُوْلُس ذِنِّي پْـرِسْكِيلَا ذ وَاكِيلَاس، سّنِّي يُوْذف غَار ثمْزِيذَا بَاش اَذ يمْنَاقَاش اَك يسْرَائِيلِيْين.

ڒخذايم 18:19 ပူးပေါင်းရင်းမြစ်များ

ڒخذايم 18:20

تَّارن زَّايس يسْرَائِيلِيْين-أَ اَذ يقِّيم عَاذ كْتَار وَلَكِن نتَّا يُوْݣِي.

ڒخذايم 18:21

وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 19:17

أَرِّين-اَسن-د ڒخْبَار مَارَّا يمزْذَاغ ن ؤُفَسُوْس، يعْنِي أَيث-إِسْرَائِيل ذ ييُوْنَانِيْين س ثْنَاين إِذْسن. ثڒْقف-يثن ثِيݣّْوْذِي أُوْشَا يتْوَاسمْغَار يسم ن سِيذِيثْنغ عِيْسَى اَطَّاس.

ڒخذايم 19:26

أَقَا تْوَاڒَام تسْڒَام بُوْلُس-أَ يسْقنّع اَطَّاس ن يِوْذَان ذِي ثنْدِينْت-أَ ن ؤُفَسُوْس عْڒَاين ؤُڒَا ذِي مَارَّا لْإِقْلِيم ن آسْيَا، ئِسُوْفُوْغ-يثن زݣ وبْرِيذ نّغ. ئِقَّار-اَنغ قَا لْأَصْنَام-أَ يتْوَاصنْعن س يفَاسّن قَا وَار دْجِين شَا ذ أَربِّـيثن.

ڒخذايم 19:28

وَامِي سْڒِين إِ وَاوَاڒ-أَ، غضْبن اَطَّاس سْنكَّرن ثْغُوْيّث قَّارن ثَارْطَمِيسْت ن أَيث-ؤُفَسُوْس مشْحَاڒ ثمْغَار!

ڒخذايم 19:35

يُوْسَا-د نَائِب ن لْحَاكم ن ثنْدِينْت يهدّن ڒْغَاشِي نِّي ينَّا-ٱسن: "آي يرْيَازن ن ؤُفَسُوْس، مَا ذِنِّي شَا حَدّ إِي وَار يسِّينن شَا بلِّي ثَنْدِينْت-أَ ن ؤُفَسُوْس ذ نتَّاث إِي يحطَّان زَّاوْيِث ن ثَارْطَمِيسْت ثَمقّْرَانْت ذ وزْرُو نّس اَمْقدّس إِي د يوْضَان زݣ وجنَّا؟

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 21:29

نَّان مَانَاينِّي مِنْزِي تُوْغَا ࢲْرِين اَكِذس ذِي ثنْدِينْت يجّن ن بْنَاذم قَّارن-اَس تْرِيْفُوْمُو زِي أَيث-ؤُفَسُوْس، ئِتْغِيڒ-اَسن بُوْلُس يسِيذف-يث غَار ثمْزِيذَا ثَمقّْرَانْت.

1 أيث-كورينث 15:32

نش مڒَا عْلَاحْسَاب ثِمسْڒَايِين ن دُّنشْت-أَ وَاهَا، مَايمِّي منْغغ اَك ڒُوْحُوْش ذِي ثنْدِينْت ن ؤُفَسُوْس؟ مِين غَا ربْحغ؟ ئِمتِّينن، مڒَا وَار د تْنكَّارن شَا زِي ڒْموْث، ئِي مَايمِّي؟ "يَالَّاه أَ نشّث أَ نسْوث، قَا ثِيوشَّا أَ نمّث."

1 أيث-كورينث 16:8

نش اَذ قِّيمغ ذِي ثنْدِينْت ن ؤُفَسُوْس اَڒ غَا د يَاوض ڒْعِيذ ن نْهَار وِيس خمْسِين.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

2 تيموتاوس 1:18

أَث يجّ سِيذِيثْنغ حمَا اَذ يَاف اَرَّاحْمث زِي سِيذِي أَربِّـي ذِي نْهَار نِّي اَنݣَّارُو. شك عَاوذ ثسّْنذ مشْحَاڒ ن ثْوَاڒَاثِين إِي ذَايِي يعَاون ذِي ثنْدِينْت ن ؤُفَسُوْس.

2 تيموتاوس 4:12

سّكّغ تُوْشِيق غَار ثنْدِينْت ن ؤُفَسُوْس.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش: