ڒخذايم 18:18 - ثريفيث 2020

¹⁸ ئِقِّيم عَاذ بُوْلُس اَطَّاس ن وُوْسَّان ذِي ثنْدِينْت ن كُوْرِينْث. سّنِّي يمْسَافَاض خ اَيثْمَاس ذِنِّي، ئِنْيَا ذݣ ؤُغَرَّابُو يرُوْح غَار سُوْرْيَا اَكِذس پْـرِسْكِيلَا ذ وَاكِيلَاس. تُوْغَا يحفّ بُوْلُس اَشوَّاف نّس ذِي ڒمْوِيِّـي ؤُمِي قَّارن كَنْغَرْيَا مِينْزِي تُوْغَا خَاس ڒْعَهذ إِي يݣَّا اَك سِيذِي أَربِّـي.

ڒخذايم 18:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

مرقس 6:46

وَامِي خَاسن يمْسَافَاض، نتَّا يرُوْح غَار وذْرَار اَذ يࢲَّادْج.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 15:41

ئِرُوْح غَار سُوْرْيَا ذ لْإِقْلِيم ن كِيلِيكْيَا يتݣّ ؤُر ذي ثْجُمَاع ن ڒْمُوْمِنِين.

ڒخذايم 18:2

يُوْفَا ذِنِّي يجّن ن وئِسْرَائِيلِي نتَّا ذ مِّيس ن لْإِقْلِيم ن پُـنْطُس قَّارن-اَس أَكِيلَاس. نتَّا تُوْغَا يُوْسَا-د ذݣ وُوْسَّان نِّي زِي ثْمُوْرْث ن إِطَاليَا نتَّا ذ ثمْغَارْث نّس ؤُمي قَّارن پْـرِسْكِيلَا. لِأَنَّا لْمَلِك كْلُوْدْيُوْس تُوْغَا يُوْمَر خ مَارَّا أَيث-إِسْرَائِيل اَثن سُوْفْغن زِي رُوْمَا. ئِرُوْح بُوْلُس غَار وَاكِيلَاس ذ پْـرِسْكِيلَا اَثن يࢲر. ئِقِّيم اَكِذْسن، ئِخدّم اَكِذْسن مِنْزِي نِثْنِي ڒْخذْمث نْسن ذ يشْتن تݣّن يقِيظَان.

ڒخذايم 18:26

ئِبْذَا يسَّاوَاڒ ذِي ثمْزِيذَا ن أَيث-إِسْرَائِيل س زْعَامث. سْڒِين-اَس پْـرِسْكِيلا ذ وَاكِيلَاس، ؤُوِين-ث اَكِذْسن غَار ثدَّارْث نْسن بْذَان سْفهَّامن-ث حْسن خ وبْرِيذ ن أَربِّـي.

ڒخذايم 18:27

وَامِي يخس أَپُـوْلُوْس اَذ يسَفَر غَار لْإِقْلِيم ن ؤُخَايَا، شجّْعن-ث اَيثْمَاس ؤُرِين-اَسن يجّن ن ثبْرَات إِ يمحْضَارن نِّي ن ذِنِّي بَاش اَزَّايس رحْبن. وَامِي يُوْوض غَار لْإِقْلِيم نِّي يعَاون اَطَّاس يِنِّي يُوْمْنن س اَرْضَا ن أَربِّـي.

ڒخذايم 21:23

إِذن، مِين ذَاش غَا نِيْنِي اݣّ-يث. شُوْف، غَارْنغ اَرْبعَا ن يرْيَازن ݣِّين ڒْعَهذ اَك سِيذِي أَربِّـي.

ڒخذايم 21:24

أَوِي يِيْنَا خدْجس خَاسن اَخْمِي غَا ثݣّم مَارَّا كنِّيو ڒُوْضُو نِّي اَصبْحَان بَاش نِثْنِي اَذ حفّن اَذ ذوْڒن ذ يقشُّوْرَا. أَمُّو اَذ سّْنن مَارَّا مِين خَاك يتْوَانَّان وَار يدْجِي بُو ذ صَّح. شك س يِيخف نّش ثْذفَّارذ شَّرِيعَا نّغ.

ڒخذايم 21:3

ثْمظْهَار-اَنغ-د ثيْزِيرْث ن قُبْرُص خ وࢲڒْمَاض نّغ. نعْذُو-ت، نْرُوْح غَار سُوْرْيَا نظْرَا ذِي ثنْدِينْت ن صُوْر مِينْزِي اَغَرَّابُو يتْخصَّا اَذ يسرْس سّڒْعَث ذِنِّي.

أيث-روما 16:1

فَا تْوصِّيغ-كنِّيو خ وتْشْمَاثْنغ فِيفِي إِݣ يخدّْمن إِ جْمَاعْث ن ڒْمُوْمِنِين ذِي ثنْدِينْت ن كَنْخَرْيَا.

1 أيث-كورينث 9:20

نش اَرِّيغ يخف ينُو اَم يِجّن ذ اَئِسْرَائِيلِي غَار أَيث-إِسْرَائِيل بَاش اَتَاف اَثن ربْحغ. أَرِّيغ يخف ينُو اَم يِجّن مِينْخف ثْحكّم شَّرِيعَا ن مُوْسَى غَار يِنِّي مِينْخف ثْحكّم شَّرِيعَا ن مُوْسَى بَاش اَتَاف اَثن ربْحغ (وَاخَّا نش وَار خَافِي ثْحكّم شَا شَّرِيعَا نِّي).

أيث-ݣلاطيا 1:21

منْبَعْذ رُوْحغ غَار سُوْرْيَا ذ لْإِقْلِيم ن كِلِيكْيَا.