ڒخذايم 18:12 - ثريفيث 2020

¹² وَلَكِن ذِي ڒْوقْث نِّي ن ݣَالْيُوْن لْعَامِل ن لْإِقْلِيم ن ؤُخَايَا، مُوْنن يسْرَائِيلِيْين هجْمن خ بُوْلُس ؤُوِين-ث غَار لْمَحْكَامَا.

ڒخذايم 18:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:19

وَامِي يقِّيم لْحَاكم بِيلَاطُس خ ڒْكُرْسِي ن ڒحْكَام، ثسّكّ-د غَارس ثمْغَارْث نّس ثنَّا-ٱس: "تَارك-اَس إِ ورْيَاز-أَ يصْفَان ڒَاحقَّاش عدّْبغ اَطَّاس دْجِيڒث-أَ ذِي ثِيرْجِيث خ سَّبَاب نّس."

يوحنا 19:13

وَامِي يسْڒَا بِيلَاطُوْس اَوَاڒ-أَ يسُوْفغ عِيْسَى، ئِقِّيم بِيلَاطُوْس خ ڒْكُرْسِي ن ڒحْكَام ذݣ يِجّن ن ومْشَان قَّارن-اَس <سَّحَا ن وزْرُو.> س وَاوَاڒ ن يسْرَائِيلِيْين قّارن-اَس <ݣَبَّاطَا.>

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 13:50

وَلَكِن يسْرَائِيلِيْين سَامَرن ثِمْغَارِين إِي ذَايْسنْت دِّين غَارْسنْت لْمَرْتَبَا، عَاوذ سَامَرن يمقّْرَانن ن ثنْدِينْت. تݣّن سَّبَاب إِ يِوْذَان حمَا اَذ عدّْبن بُوْلُس ذ بَرْنَابَا أُوْشَا ؤُزّْڒن خَاسن زِي جِّهث نِّي.

ڒخذايم 13:7

ئِتِيڒِي اَك لْعَامِل ونِّي ؤُمِي قَّارن سَرْجْيُوْس بُوْلُس. لْعَامِل نِّي نتَّا ذ يجّن ن ورْيَاز ذ اَمِيغِيس، ئِڒَاغَا-د إِ بَرْنَابَا ذ شَاوُل يخس اَذَاس سْڒمْذن اَوَاڒ ن أَربِّـي.

ڒخذايم 13:8

وَلَكِن يعَارّض-اَسن ؤُسحَّار نِّي بنْيَشُوْع (ونِّي ؤُمِي قَّارن س ثْيُوْنَانِيث أُلِيمَاس). نتَّا يرزُّو اَذ يسْبعّذ لْعَامِل خ لْإِيمَان.

ڒخذايم 14:19

منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 17:5

وَلَكِن يسْرَائِيلِيْين نّغْنِي حسْذن-ثن، رُوْحن سْمُوْنن-د زِي سُّوْق يجّن ن لْمجْمُوْع ن يكْرُوْشَّارن يعفَّانن بَاش اَذ ݣّن سّْدَع، سْنكَّرن ڒْفَوْضَا ذِي ثنْدِينْت. هجْمن خ ثدَّارْث ن يِجّن قَّارن-اَس يَاسِين رزُّوْن خ بُوْلُس ذ سِيلَاس حمَا اَثن سلّْمن إِ ڒْغَاشِي.

ڒخذايم 18:11

ئِقِّيم ذِنِّي بُوْلُس عَام أُو ستّ-شْهُور يسڒْمَاذ نتَّا اَوَاڒ ن أَربِّـي إِ يِوْذَان.

ڒخذايم 18:27

وَامِي يخس أَپُـوْلُوْس اَذ يسَفَر غَار لْإِقْلِيم ن ؤُخَايَا، شجّْعن-ث اَيثْمَاس ؤُرِين-اَسن يجّن ن ثبْرَات إِ يمحْضَارن نِّي ن ذِنِّي بَاش اَزَّايس رحْبن. وَامِي يُوْوض غَار لْإِقْلِيم نِّي يعَاون اَطَّاس يِنِّي يُوْمْنن س اَرْضَا ن أَربِّـي.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 25:10

ينَّا-ٱس بُوْلُس: "نش اَقَايِي بدّغ ذِي لْمَحْكَامَا-يَا ن لْمَلِك قَيْصَر، ئِتْخصَّا ذَا إِي غَا تْوَاحَاكْمغ. قَا أَيث-إِسْرَائِيل وَار ذَايْسن خْضِيغ شَا، مَامّش ثسّْنذ شك.

أيث-روما 15:26

لِأَنَّا ڒْمُوْمِنِين إِي يدْجَان ذِي جْوَايه ن مَسِيدُوْنْيَا ذ وخَايَا تخْسن اَذ عَاوْنن يپُـوْبْرِيثن إِي يدْجَان جَار ڒْمُوْمِنِين صَّالِحِين ذِي ثنْدِينْت ن لْقُدْس.

أيث-روما 16:5

سِيوْضم-اَسن سْڒَام عَاوذ إِ جْمَاعْث ن ڒْمُوْمِنِين يتْمُوْنَان ذِي ثدَّارْث ن ثْنَاين-أَ. سِيوْضم-اَس سْڒَام إ ومْعِيزّ ينُو إِپَـانْتُوْس ونِّي إِي يُوْمْنن ذ اَمزْوَارُو س لْمَسِيح ذِي لْإِقْلِيم ن آسْيَا.

1 أيث-كورينث 16:15

أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس.

22 أيث-كورينث 1:1

ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

22 أيث-كورينث 11:10

س ڒْحَقّ ن لْمَسِيح إِي ذَايِي، ؤُڒَا ذ يجّن ذݣ يمُوْشَان ن ؤُخَايَا مَا ٱذ يكّس لْإِفْتِخَار-أَ ينُو.

22 أيث-كورينث 11:26

نش مشْحَاڒ ن ثْوَاڒَاثِين تِيڒِيغ تْسَفَرغ ذِي لْخَطَر ن يغزْرَان، ذ لْخَطَر ن يشفَّارن، ذ لْخَطَر ن ڒْقُم ينُو، ذ لْخَطَر ن ييُوْنَانِيْين، ذ لْخَطَر ذِي ثنْدِينْت، ذ لْخَطَر ذِي ڒخْڒَا، ذ لْخَطَر ذِي ڒبْحَر، ذ لْخَطَر ن يِنِّي يتَارَّان يخف نْسن ذ اَيثْمَا.

1 أيث-سلونيك 2:14

آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.

ثبرات غار يعقوب 2:6

وَلَكِن كنِّيو ثْحݣَّرم ڒْمُسَاكِين! مَا وَار ثسِّينم شَا ذ تْوَاجَر إِي كنِّيو إِي ضدْجْمن، تْجَرَّان-كنِّيو غَار لْمَحَاكِيم؟