ڒخذايم 17:5 - ثريفيث 2020

⁵ وَلَكِن يسْرَائِيلِيْين نّغْنِي حسْذن-ثن، رُوْحن سْمُوْنن-د زِي سُّوْق يجّن ن لْمجْمُوْع ن يكْرُوْشَّارن يعفَّانن بَاش اَذ ݣّن سّْدَع، سْنكَّرن ڒْفَوْضَا ذِي ثنْدِينْت. هجْمن خ ثدَّارْث ن يِجّن قَّارن-اَس يَاسِين رزُّوْن خ بُوْلُس ذ سِيلَاس حمَا اَثن سلّْمن إِ ڒْغَاشِي.

ڒخذايم 17:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:18

تُوْغَا يسّن بِيلَاطُس بلِّي سلّْمن-اَس عِيْسَى ڒَاحقَّاش حسْذن-ث.

ڒخذايم 13:45

أَيث-إِسْرَائِيل وَامِي ؤُفِين ڒْغَاشِي اَطَّاس بْذَان حسّْذن اَطَّاس اَرُّسُل بْذَان تْعَارَّاضن إِ وَاوَاڒ ن بُوْلُس، تُوْكَّرن-ث.

ڒخذايم 14:19

منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 17:6

وَامِي وَار ثن ؤُفِين شَا، جَرّن يَاسِين ذ ڒبْعَاض ن اَيثْمَاثْنغ غَار لْحُكَّام ن ثنْدِينْت. سْنكَّرن ثْغُوْيّث قَّارن: "يرْيَازن نِّي إِي ݣِّين لْفِتْنَا ذِي مَارَّا دُّنشْت، ڒخُّو اَقَاثن ذَا

ڒخذايم 17:7

ذ ينوْجِيون غَار يَاسِين وَانِيتَا. مَارَّا يِـيْنَا عصَّان ڒْقَانُوْن ن لْمَلِك قَيْصَر قَّارن قَا ذِنِّي يجّن ن وزدْجِيذ نّغْنِي قَّارن-اَس عِيْسَى."

ڒخذايم 17:9

سّنِّي طّْفن لْكَفَالَا زِي يَاسِين ذ ينّغْنِي، ضڒْقن-اَسن.

ڒخذايم 18:12

وَلَكِن ذِي ڒْوقْث نِّي ن ݣَالْيُوْن لْعَامِل ن لْإِقْلِيم ن ؤُخَايَا، مُوْنن يسْرَائِيلِيْين هجْمن خ بُوْلُس ؤُوِين-ث غَار لْمَحْكَامَا.

ڒخذايم 19:40

ڒخُّو اَقَانغ ذِي لْخَطَر أَ نتْوَاحْكم مَارَّا إِذْنغ خ ڒْفَوْضَا يتوْقِيعن نْهَارَا، نشِّين وَار غَارْنغ بُو شَان ن سَّبَاب خ سّْدَع-أَ."

ڒخذايم 7:9

ڒجْذُوْذ نّغ حسّْذن ؤُمَاثْسن يُوْسف، زّنْزن-ث اَذ يذْوڒ ذ يسْمغ ذِي مِصْرَا. وَلَكِن أَربِّـي اَقَاث اَكِذس،

أيث-روما 16:21

ئِسِّيوض-اَوم-د سْڒَام تِيْمُوْتَاوُس ونِّي يخدّْمن اَكِذِي، ذ ڒحْبَاب ينُو يعْنِي لُوْقْيُوْس ذ يَاسِين ذ سِبَاتْرُو.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

22 أيث-كورينث 11:26

نش مشْحَاڒ ن ثْوَاڒَاثِين تِيڒِيغ تْسَفَرغ ذِي لْخَطَر ن يغزْرَان، ذ لْخَطَر ن يشفَّارن، ذ لْخَطَر ن ڒْقُم ينُو، ذ لْخَطَر ن ييُوْنَانِيْين، ذ لْخَطَر ذِي ثنْدِينْت، ذ لْخَطَر ذِي ڒخْڒَا، ذ لْخَطَر ذِي ڒبْحَر، ذ لْخَطَر ن يِنِّي يتَارَّان يخف نْسن ذ اَيثْمَا.

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

1 أيث-سلونيك 1:6

كنِّيو ثبْذَام تݣّم مَامش نْتݣّ نشِّين ذ مَامش يتݣّ سِيذِيثْنغ لِأَنَّا كنِّيو ذِي ڒْوسْط ن وَاطَّاس ن تَمَارَا ثْقبْڒم اَوَاڒ نّغ س ڒفْرَاحث إِي د يُوْسِين زِي أَرُّوْح يقدّْسن.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟