ڒخذايم 17:23 - ثريفيث 2020

²³ أَخْمِي تْسَارِيغ نش، خزَّرغ مْلِيح ذِي زَّاوْيَاث نْوم مَانِي ثْعبّْذم. ࢲْرِيغ ذِنِّي يجّن ن ڒْمذْبَح ؤُرِينْت ذَايس ثِيْرَا، ثِيْرَا نِّي قَّارنْت: أَربِّـي نِّي إي وَار يتْوَاسّْنن شَا. شُوْف، أَربِّـي نِّي إِي ثْعبّْذم كنِّيو وَار ث ثسِّينم شَا، أَذَاوم ينِيغ نش مِين يعْنَا.

ڒخذايم 17:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:9

ئِوْذَان-أَ عبّْذن-اَيِي ذِي ڒْخَاوِي، ڒَاحقَّاش سڒْمَاذن ثِمسْڒَايِين يدْجَان ذ ڒُوْصِيَاث ن بْنَاذم وَاهَا.>"

يوحنا 17:25

آ بَابَا يدْجَان نِيشَان، دُّنشْت وَار ش ثسِّين شَا وَلَكِن نش قَا سّْنغ-ش. يِيْنَا اَكِذِي سّْنن قَا ثسّكّذ-اَيِي-د شك.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 4:22

كنِّيو ثْعبّْذم ونِّي وَار ثسِّينم شَا، نشِّين نْعبّذ ونِّي إِي نسّن مِينْزِي اَسنْجم يكَّا-د زݣ يسْرَائِيلِيْين.

يوحنا 8:54

ينَّا-ٱسن عِيْسَى: "نش مڒَا سمْغَارغ يخف ينُو، أَتَاف لْعَظَمَا ينُو وَار ثدْجِي ذ وَالُو. ذ بَابَا إِي ذَايِي يسمْغَارن، ذ ونِّي إِي ثقَّارم قَا ذ أَربِّـي نّغ.

ڒخذايم 17:30

مَانَايَا أَربِّـي وَار ت يُوْوِي شَا ذِي زْمَان ن ڒقْفَاڒث، وَلَكِن ڒخُّو يُوْمَر مَارَّا يوْذَان ذِي مْكُڒ اَمْشَان بَاش اَذ تُوْبن.

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

1 أيث-كورينث 8:5

وَاخَّا زَعْمَا قَّارن بلِّي ذِنِّي أَربِّـيثن ذݣ وجنَّا ذ ثْمُوْرْث، يعْنِي غَارْسن أَربِّـيثن نْسن مُجُوْدِين ذ سِّيَاذِيثْسن مُجُوْدِين.

أيث-ؤفسوس 2:12

عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.