ڒخذايم 17:2 - ثريفيث 2020

² يُوْذف بُوْلُس غَار ثمْزِيذَا نِّي مَامّش يتݣّ ڒبْدَا. ثْڒَاثَا ن سِيمَانَاث كُڒ نْهَار ن سّبْث ن لْعِبَادَا يتمْنَاقَاش اَكِذْسن يقَّار-اَسن مِين يُوْرِين ذِي لْكُتُب.

ڒخذايم 17:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

لوقا 4:16

يُوْسَا-د غَار وبِيلَاج ن نَاصِرَا مَانِي يربَّا. نْهَار ن سّبْث ن لْعِبَادَا يرُوْح غَار ثمْزِيذَا اَم ڒبْدَا، ئِكَّر حمَا اَذ يغَر.

يوحنا 18:20

ينَّا-ٱس عِيْسَى: "تْبشَّارغ زَّاث إِ يِوْذَان، سْڒْمَاذغ-ثن ڒبْدَا ذِي ثمْزِيذَاوِين ؤُڒَا ذِي ثمْزِيذَا ثَمقّْرَانْت مَانِي تْمُوْنن يسْرَائِيلِيْين مَارَّا. وَار سِّيوِيڒغ وَالُو س ثنُوْفْرَا.

ڒخذايم 13:14

نِثْنِي فّْغن زِي ثنْدِينْت ن بَارْجَا رُوْحن غَار ثنْدِينْت ن وَانْطَاكْيَا ذِي جْوَايه ن پِــيْسِيْدْيَا. ؤُذْفن قِّيمن ذِي ثمْزِيذَا ن أَيث-إِسْرَائِيل ذِي نْهَار ن سّبْث.

ڒخذايم 13:5

وَامِي ؤُوْضن غَار ثنْدِينْت ن سَلَامِيس بْذَان تْبشَّارن س وَاوَاڒ ن أَربِّـي ذِي ثمْزِيذَاوِين ن أَيث-إِسْرَائِيل، ئِتْعَاوَان-يثن يُوْحَنَّا نِّي.

ڒخذايم 14:1

ذِي ثنْدِينْت ن إِكُوْنْيَا ؤُذْفن بُوْلُس ذ بَرْنَابَا س ثْنَاين إِذْسن غَار ثمْزِيذَا ن أَيث-إِسْرَائِيل، ؤُمْنن اَطَّاس ن يسْرَائِيلِيْين ذ ييُوْنَانِيْين س تّبْشِير نْسن.

ڒخذايم 17:10

سّنِّي س دْجِيڒث نِّي اَيثْمَاثْنغ سّكّن بُوْلُس ذ سِيلَاس غَار ثنْدِينْت ؤُمِي قَّارن بِيرْيَا. وَامِي ؤُوْضن، ؤُذْفن غَار ثمْزِيذَا ن أَيث-إِسْرَائِيل.

ڒخذايم 17:17

ئِتمْنَاقَاش ذِي ثمْزِيذَا اَك يسْرَائِيلِيْين ذ ينّغْنِي يتݣّْوْذن أَربِّـي، ئِتمْنَاقَاش عَاوذ اَك يِنِّي إِي كذ يتمْسڒْقَا كُڒ نْهَار ذِي سَّاحَا ن ثنْدِينْت.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 19:8

سّنِّي بُوْلُس يُوْذف غَار ثمْزِيذَا ن أَيث-إِسْرَائِيل، ئِسَّاوَاڒ ذِنِّي س زْعَامث شَان ن ثڒْت-شْهُوْر. ئِتمْنَاقَاش اَكِذْسن بَاش اَثن يسقْنع خ ڒْمُلْك ن أَربِّـي.

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 8:35

ئِتْشَرَّاح-اَس فِيلِيپَّـاس، ئِبْذَا-يَاس زِي لْأَيَاث-أَ ذِي لْكِتَاب يتْبشَّار-يث س عِيْسَى.

ڒخذايم 9:20

ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.