ڒخذايم 17:1 - ثريفيث 2020

¹ عْذُوْن خ ثنْدِينْت ن ومْفِيپُـوْلِيس ذ ثنْدِينْت ن وپُـوْلُوْنْيَا، ؤُوْضن غَار ثنْدِينْت ن سَالُوْنِيك مَانِي ثدْجَا ذِنِّي يجّن ن ثمْزِيذَا ن أَيث-إِسْرَائِيل.

ڒخذايم 17:1 ပူးပေါင်းရင်းမြစ်များ

ڒخذايم 14:1

ذِي ثنْدِينْت ن إِكُوْنْيَا ؤُذْفن بُوْلُس ذ بَرْنَابَا س ثْنَاين إِذْسن غَار ثمْزِيذَا ن أَيث-إِسْرَائِيل، ؤُمْنن اَطَّاس ن يسْرَائِيلِيْين ذ ييُوْنَانِيْين س تّبْشِير نْسن.

ڒخذايم 15:21

لِأَنَّا زِي زْمَان تْحدَّاثن إِ يِوْذَان س شَّرِيعَا ن مُوْسَى ذِي مْكُڒ ثنْدِينْت، قَّارن-ت زِي سّبْث غَار سّبْث ذِي ثمزِيذَاوِين ن أَيث-إِسْرَائِيل."

ڒخذايم 16:13

ذِي نْهَار ن سّبْث ن لْعِبَادَا نفّغ زِي ثوَّارْث ن ثنْدِينْت نْرُوْح غَار طَّارف ن يِغْزَار، تْغِيڒ-اَنغ أَ نَاف ذِنِّي يجّن ن ومْشَان ن ثْࢲَادْجِيث. نقِّيم نسَّاوَاڒ اَك ثمْغَارِين نِّي إِي نُوْفَا ذِنِّي يمُوْنن.

ڒخذايم 17:10

سّنِّي س دْجِيڒث نِّي اَيثْمَاثْنغ سّكّن بُوْلُس ذ سِيلَاس غَار ثنْدِينْت ؤُمِي قَّارن بِيرْيَا. وَامِي ؤُوْضن، ؤُذْفن غَار ثمْزِيذَا ن أَيث-إِسْرَائِيل.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 20:4

ئِسَفَر اَكِذس سُوْپَـاتْرُوْس مِّيس ن پِـيْرُو زِي ثنْدِينْت ن بِيْرْيَا، ذ أَرِيسْتَارْخُوْس ذ سَاكُوْنْدُوْس نِثْنِي زِي ثنْدِينْت ن سَالُوْنِيك، ذ غَايُوْس زِي ثنْدِينْت ن دِرْبَا، ذ تِيْمُوْتَاوُس ذ تُوْشِيق ذ تْرِيْفُوْمُو نِثْنِي زِي لْإِقْلِيم ن آسْيَا.

ڒخذايم 27:2

نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

أيث-فيليـپـي 4:16

وَاخَّا وَامِي تُوْغَايِي ذِي ثنْدِنْت ن سَلُوْنِيك مِين حْذَاجغ ذِنِّي ثسّكّم-اَيِي-ث-يد اَطَّاس ن ثْوَاڒَاثِين.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 تيموتاوس 4:10

مِينْزِي دِيْمَاس يسْمح ذَايِي ثُوْوِي-ث ڒمْحِبّث ن دُّنشْت-أَ يرُوْح غَار ثنْدِينْت ن سَالُوْنِيك. ئِرُوْح كْرِيسْكُوْس غَار لْإِقْلِيم ن ݣَلَاطْيَا، ئِرُوْح تِيتُوْس غَار جِّهث ن دَلْمَاسْيَا.