ڒخذايم 16:9 - ثريفيث 2020

⁹ ذِي دْجِيڒث نِّي يهْوَا-د يجّن ن لْوَاحِي خ بُوْلُس يࢲْرَا ذَايس يجّن ن وثَرَّاس زِي لْإِقْلِيم ن مَاسِدُوْنْيَا يبدّ يتْطَلَاب-يث يقَّار-اَس زْوَا-د غَارْنغ غَار مَاسِدُوْنْيَا عَاوْن-اَنغ.

ڒخذايم 16:9 ပူးပေါင်းရင်းမြစ်များ

ڒخذايم 10:3

ئِجّن ن نْهَار غَار ثْڒَاثَا وعشِّي، يࢲْرَا نِيشَان ذِي لْوَحِي يجّن ن لْمَلَاك ن أَربِّـي يتَاذف-د خَاس يتْڒَاغَا-يَاس-د: "آ كُوْرْنِينْيُوْس."

ڒخذايم 10:30

ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.

ڒخذايم 16:10

وَامِي صَافِي يࢲْرَا لْوَاحِي نِّي بُوْلُس، نكَّر نشِّين نْسوْجذ حمَا أَ نْسَفر ڒخْدّنِّي غَار لْإِقْلِيم ن مَاسِدُوْنْيَا. نفْهم بلِّي أَربِّـي يتْڒَاغَا-د خَانغ اَثن نْبشَّر س لْإِنْجِيل ذِنِّي.

ڒخذايم 16:12

سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 20:1

ثْكمّڒ ڒْفَوْضَا نِّي، منْبَعْد بُوْلُس يڒَاغَا-د خ يمحْضَارن يشجّع-يثن. سّنِّي يمْسَافَاض خَاسن، ئِرُوْح يسَفَر غَار لْإِقْلِيم ن مَاسِدُوْنْيَا.

ڒخذايم 20:3

يكَّا ذِنِّي ثڒْت-شْهُوْر. وَامِي عْڒَاين اَذ ئِني بُوْلُس ذݣ وغَرَّابُو اَذ يرَاح غَار سُوْرْيَا، شِيطّْنن يسْرَائِيلِيْين بَاش اَث نْغن. خ مَانَايَا نتَّا يݣَّا اَذ يعْقب خ وبْرِيذ ن مَاسِدُوْنْيَا.

ڒخذايم 27:2

نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

ڒخذايم 9:38

سْڒِين يمحْضَارن ذِي ثنْدِينْت ن يَافَا بلِّي بُطْرُس اَقَاث ذݣ وبِيلَاج ن لُوْدَّا. لُوْدَّا ثُوْذس-د إِ يَافَا، سّكّن غَارس ثْنَاين ن يِوْذَان حشْمن-ث نَّان-اَس: "عَافك اَرْوَاح اَكِذْنغ ذغْيَا!"

أيث-روما 15:26

لِأَنَّا ڒْمُوْمِنِين إِي يدْجَان ذِي جْوَايه ن مَسِيدُوْنْيَا ذ وخَايَا تخْسن اَذ عَاوْنن يپُـوْبْرِيثن إِي يدْجَان جَار ڒْمُوْمِنِين صَّالِحِين ذِي ثنْدِينْت ن لْقُدْس.

22 أيث-كورينث 11:9

وَامِي حْضَارغ اَكِذْوم تُوْغَا نش تحْذَاجِيغ، وَار تْبسَّاڒغ خ حَدّ زَّايْوم؛ لَّا، ؤُشِين-اَيِي مِين تحْذَاجِيغ اَيثْمَاثْنغ ينِّي إِي د يُوْسِين زِي مَاسِدُوْنْيَا. أَمنِّي ؤُݣِيغ اَخَاوم بسّْڒغ، أَذ قِّيمغ مسْتَمّر اَمنِّي.

22 أيث-كورينث 12:7

إِذن يمُّوْش-اَيِي يجّن ن وسنَّان ذݣ ويْسُوْم ينُو، مَايمِّي؟ حمَا وَار سمْغَارغ شَا يخف ينُو عْلَاحْسَاب ثِمسْڒَايِين-أَ يسْتْعجِّيبن إِي ذَايِي د يسْبيّن أَربِّـي ذِي لْوَاحِي. أَسنَّان-أَ ونِّي إِي د يسّكّن شِّيطَان يتْعدَّاب-اَيِي بَاش وَار سمْغَارغ شَا يخف ينُو.

22 أيث-كورينث 7:5

شُوْف، نشِّين وَامِي د نُوْذف غَار لْإِقْلِيم ن مَاسِدُوْنْيَا دَّات نّغ وَار ثْرِيّح شَا، نتْوَازيَّار زِي مْكُڒ جِّهث اَمنْغِي غَار بَارَّا ذ ثِيݣّْوْذِي غَار ذَاخڒ.

22 أيث-كورينث 8:1

فَا آي أَيثْمَا، نخْس اَذ تسّْنم خ اَرْضَا نِّي إِي ذَاسنْت يُوْشَا أَربِّـي إِ ثْجُوْمَاع ن ڒْمُوْمِنِين إِݣ يدْجَان ذِي لْإِقْلِيم ن مَاسِدُوْنْيَا.

1 أيث-سلونيك 4:10

وَاه، ذ صَّح تخْسم مَارَّا أَيثْمَاثْوم إِي كِذْوم يتْعِيشن ذِي لْإِقْلِيم ن مَاسِدُوْنْيَا. وَلَكِن نتْوصَّا-كنِّيو آي أَيثْمَا اَذ تَرْنِيم عَاذ كْتَار.