ڒخذايم 16:17 - ثريفيث 2020

¹⁷ تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 16:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:16

سّكّن غَارس شَان يمحْضَارن نْسن اَك شَان يِوْذَان زِي ڒْحِزب ن وزدْجِيذ هِيرُوْدُس اَذَاس ينِين: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:29

عيّضن نَّان-اَس: "مِين ثخْسذ زَّايْنغ آ مِّيس ن أَربِّـي؟ مَا ثُوْسِيذ-د اَذَانغ ثْعدّْبذ قْبڒ إِ ڒْوقْث؟"

مرقس 1:24

ينَّا-ٱس: "مِين ثْرزُّوْذ زَّايْنغ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

مرقس 12:14

وَامِي د ؤُسِين غَار عِيْسَى نَّان-اَس: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش. إِنِي-يَانغ: مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟ مَا ذَاس ت نْخدْجس نِغ لَّا؟"

مرقس 5:7

ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

لوقا 1:77

عَاوذ اَذ تسْڒمْذذ إِ شَّعْب نّس خ وسنْجم، يعْنِي مَامش إِي غَا تْوَاغْفَرنْت ڒْمُعْصِيَاث نْسن.

لوقا 1:79

حمَا اَذ يُوْش ثْفَاوْث إِ يِنِّي يتْعِيشن ذِي ثَادْجسْت ذِي ثِيڒِي ن ڒْموْث، حمَا اَذَانغ يسُوْيُوْر يضَارن نّغ غَار وبْرِيذ ن ڒهْنَا."

لوقا 20:21

سّقْسَان-ث نَّان-اَس: "آ لْمُعَلِّم، نسّن بلِّي شك ثقَّارذ ڒْحَقّ ثْسڒْمَاذذ س ڒْحَقّ. وَار تݣّذ بُو ؤُذمَاون، ثْسڒْمَاذذ س ڒْحَقّ مَامّش يخس أَربِّـي أَ نْعِيش.

لوقا 4:34

ينَّا-ٱس إِ عِيْسَى: "مِين ذَايْنغ ثْرزُّوْذ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

لوقا 4:41

زݣ وَاطَّاس ن يِوْذَان عَاوذ تفّْغن جْنُوْن سْنكَّرن ثْغُوْيّث قَّارن-اَس قَا شك ذ مِّيس ن أَربِّـي." وَلَكِن نتَّا يتْزيَّار-يثن، وَار ثن يتجِّي شَا اَذ سِّيوْڒن مِينْزِي سّْنن نتَّا ذ لْمَسِيح.

لوقا 8:28

وَامِي يُوْفَا عِيْسَى ذِنِّي يبْذَا يسْنكَّر ثْغُوْيّث، ئِوْضَا غَار يضَارن ن عِيْسَى ينْدق-د س يِجّن ن ثْمِيجَّا ثُوْعْڒَا ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك حمَا وَار ذَايِي تْعدِّيبذ شَا!"

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

ڒخذايم 18:26

ئِبْذَا يسَّاوَاڒ ذِي ثمْزِيذَا ن أَيث-إِسْرَائِيل س زْعَامث. سْڒِين-اَس پْـرِسْكِيلا ذ وَاكِيلَاس، ؤُوِين-ث اَكِذْسن غَار ثدَّارْث نْسن بْذَان سْفهَّامن-ث حْسن خ وبْرِيذ ن أَربِّـي.

ڒخذايم 19:13

ذِنِّي شَان يسْرَائِيلِيْين نِثْنِي ذ يسحَّارن تْرَاحن زݣ ومْشَان غَار ومْشَان. تْجَرَّابن اَذ سْخذْمن يسم ن سِيذِيثْنغ عِيْسَى بَاش اَذ سُوْفْغن جْنُوْن يعفَّانن زݣ يِوْذَان. نَّان-اَسن قَا تْأَمَرغ-كنِّيو عْلَاحْسَاب يسم ن عِيْسَى إِي زِي يتْحدَّاث بُوْلُس، فّْغث!

1 بطرس 2:16

عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.

2 بطرس 2:2

أَطَّاس إِي غَا يقلّْدن ڒقْبَاحث نْسن. خ سَّبَاب-أَ وَانِيتَان يوْذَان اَذ زبّْڒن ذݣ وبْرِيذ ن لْحَقِيقَا.