ڒخذايم 16:16 - ثريفيث 2020

¹⁶ ئِجّن ن نْهَار وَامِي نْرُوْح غَار ومْشَان نِّي مَانِي تْࢲَادْجَان يِوْذَان، ثْمڒْقَا ٱكِذْنغ يجّن ن ثِيسْمغْث نتَّات ذ ثَكهَّانْت تَاوِي-د س سِّحر نّس اَطَّاس ن تْمنْيَاث إِ اَيثْبَاب نّس.

ڒخذايم 16:16 ပူးပေါင်းရင်းမြစ်များ

ڒخذايم 16:13

ذِي نْهَار ن سّبْث ن لْعِبَادَا نفّغ زِي ثوَّارْث ن ثنْدِينْت نْرُوْح غَار طَّارف ن يِغْزَار، تْغِيڒ-اَنغ أَ نَاف ذِنِّي يجّن ن ومْشَان ن ثْࢲَادْجِيث. نقِّيم نسَّاوَاڒ اَك ثمْغَارِين نِّي إِي نُوْفَا ذِنِّي يمُوْنن.

ڒخذايم 16:18

ثݣَّا مَانَاينِّي اَطَّاس ن نْهُوْرَاث، بُوْلُس وَار ذَاس يعْجِيب بُو ڒْحَاڒ. ئِنقْڒب-د غَارس ينَّا-ٱس إِ جّنّ نِّي إِي ذَايس: "نش تَامَرغ-شك عْلَاحْسَاب يسم ن عِيْسَى لْمَسِيح اَزَّايس ثفّْغذ." ڒخْدّنِّي يفّغ جّنّ نِّي زَّايس ذݣ ومْشَان.

ڒخذايم 16:19

أَيثْبَاب ن ثِيسْمغْث نِّي وَامِي ؤُفِين ثَوَّارْث ن لْمَنْدَا نْسن صَافِي ثْبلّْع خَاسن، كَّرن طّْفن بُوْلُس ذ سِيلَاس جَرّن-ثن غَار سَّاحَا غَار لْحُكَّام.

ڒخذايم 19:24

ذِنِّي يجّن ن ورْيَاز قَّارن-اَس دِمِيتْرِيُوْس. نتَّا يضبَّاع نُّقَارْث، ئِتْصنَّاع مُوْنِيكُوْث س نُّقَارْث يتمْشَابَّاهن ذِي زَّاوْيِث ن لْأَصْنَام ؤُمِي قَّارن ثَارْطَمِيسْت. دِمِيتْرِيُوْس-أَ يسْربَّاح اَطَّاس يِيْنَا يتْصنَّاعن مُوْنِيكُوْث-أَ.

أيث-ݣلاطيا 5:20

ذ لْعِبَادَا ن لْأَصْنَام ذ سّْحُوْر ذ لْعَدَاوَا ذ ؤُمنْغِي ذ لْغِيرَا ذ ؤُغْضَاب ذ لْأَنَانِيَا ذ لْخِلَافَاث ذ لْأَحْزَاب،

1 تيموتاوس 6:10

لِأَنَّا ڒمْحِبّث ن تْمنْيَاث نتَّا ذ لْأَصل ن وَاطَّاس ن لْأَنْوَاع ن شَّرّْ. ڒبْعَاض ن يِوْذَان إِݣ يتخْسن تْمنْيَاث اَقَا فّْغن اَبْرِيذ سْنُوْقُّوْبن يخف نْسن س وَاطَّاس ن ڒحْرِيقَاث.

2 تيموتاوس 3:8

مَامّش يَانِيس ذ يَامْپْـرِيس نِّي تْعَارَّاضن إِ مُوْسَى، أَمنِّي عَاوذ ؤُڒَا ذ يرْيَازن-أَ تْعَارَّاضن إِ لْحَقِيقَا. ڒَعْقُوْرَاث نْسن عوّْجن، لْإِيمَان نْسن يخْوَا.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.