ڒخذايم 16:12 - ثريفيث 2020

¹² سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 16:12 ပူးပေါင်းရင်းမြစ်များ

ڒخذايم 16:10

وَامِي صَافِي يࢲْرَا لْوَاحِي نِّي بُوْلُس، نكَّر نشِّين نْسوْجذ حمَا أَ نْسَفر ڒخْدّنِّي غَار لْإِقْلِيم ن مَاسِدُوْنْيَا. نفْهم بلِّي أَربِّـي يتْڒَاغَا-د خَانغ اَثن نْبشَّر س لْإِنْجِيل ذِنِّي.

ڒخذايم 16:21

سڒْمَاذن لْعَادَاث وَار نْزمَّر شَا اَثنْت نقْبڒ نِغ اَزَّايْسنْت نخْذم مِنْزِي نشِّين ذ يرُوْمَانِيْين."

ڒخذايم 16:9

ذِي دْجِيڒث نِّي يهْوَا-د يجّن ن لْوَاحِي خ بُوْلُس يࢲْرَا ذَايس يجّن ن وثَرَّاس زِي لْإِقْلِيم ن مَاسِدُوْنْيَا يبدّ يتْطَلَاب-يث يقَّار-اَس زْوَا-د غَارْنغ غَار مَاسِدُوْنْيَا عَاوْن-اَنغ.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 20:1

ثْكمّڒ ڒْفَوْضَا نِّي، منْبَعْد بُوْلُس يڒَاغَا-د خ يمحْضَارن يشجّع-يثن. سّنِّي يمْسَافَاض خَاسن، ئِرُوْح يسَفَر غَار لْإِقْلِيم ن مَاسِدُوْنْيَا.

ڒخذايم 20:3

يكَّا ذِنِّي ثڒْت-شْهُوْر. وَامِي عْڒَاين اَذ ئِني بُوْلُس ذݣ وغَرَّابُو اَذ يرَاح غَار سُوْرْيَا، شِيطّْنن يسْرَائِيلِيْين بَاش اَث نْغن. خ مَانَايَا نتَّا يݣَّا اَذ يعْقب خ وبْرِيذ ن مَاسِدُوْنْيَا.

ڒخذايم 20:6

وَامِي يعْذُو ڒْعِيذ ن ثفْضِيرْث، ننْيَا ذݣ ؤُغَرَّابُو نفّغ زِي ثنْدِينْت ن فِيلِيپِّـي. منْبَعْد إِ خمْسِيَّام نذْفَار-يثن غَار ثنْدِينْت ن تْرَاوْس، نقِّيم ذِنِّي سبْعِيَّام.

ڒخذايم 27:2

نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

أيث-روما 15:26

لِأَنَّا ڒْمُوْمِنِين إِي يدْجَان ذِي جْوَايه ن مَسِيدُوْنْيَا ذ وخَايَا تخْسن اَذ عَاوْنن يپُـوْبْرِيثن إِي يدْجَان جَار ڒْمُوْمِنِين صَّالِحِين ذِي ثنْدِينْت ن لْقُدْس.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-فيليـپـي 1:5

ڒَاحقَّاش ثْشَرّْشم اَكِذِي ذِي لْإِنْجِيل زِي نْهَار اَمزْوَارُو اَڒ ڒخُّو.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.