ڒخذايم 15:6 - ثريفيث 2020

⁶ مُوْنن اَرُّسُل ذ يمقّْرَانن ن جْمَاعث ن ڒْمُوْمِنِين حمَا اَذ خْزَرن ذِي لْخِلَاف-أَ.

ڒخذايم 15:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:20

ڒَاحقَّاش مَانِي غَا مُوْنن ثْنَاين نِغ ثْڒَاثَا خ سَّبَاب ينُو، نش اَڒ ذِين يڒِيغ ذِي ڒْوسْط نْسن."

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 15:2

ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 15:22

خ مَانَايَا اَرُّسُل ذ يمقّْرَانن ن جْمَاعث ن ڒْمُوْمِنِين ذ مَارَّا جْمَاعث ن ڒْمُوْمِنِين ݣِّين اَذ يخْضَرن شَان ن يرْيَازن نْسن، أَثن سّكّن اَك بُوْلُس ذ بَرْنَابَا غَار ثنْدِينْت ن وَانْطَاكْيَا. ئِخْضَرن يجّن ؤُمِي قَّارن سِيلَاس ذ يِجّن قَّارن-اَس يَهُوْذَا يعْنِي ونِّي ؤُمِي قَّارن بَارْسَابَا، غَارْسن يجّن ن ومْشَان ذ اَمقّْرَان جَار ڒْمُوْمِنِين.

ڒخذايم 15:25

نشِّين مَارَّا نْتَافق، نِيخْضَر شَان ن يرْيَازن اَثن د نسّكّ غَارْوم اَك يمْعِيزّن نّغ بَرْنَابَا ذ بُوْلُس.

ڒخذايم 15:4

وَامِي ؤُوْضن غَار لْقُدْس، رحّْبن زَّايْسن جْمَاعث ن ڒْمُوْمِنِين ذ يمقّْرَانن ن جْمَاعث-أَ ذ ارُّسُل. ذِنِّي بُوْلُس ذ بَرْنَابَا عَاوْذن-اَسن إِ نِثْنِي مَارَّا مِين يݣَّا أَربِّـي خ وفُوْس نْسن.

ڒخذايم 16:4

خْمِي يݣُّوْر بُوْلُس ذ يمدُّوْكَاڒ نّس زݣ وبِيلَاج غَار وبِيلَاج يقَّار-اَسن ڒُوْصِيَاث نِّي ثِنِّي إِي ݣِّين اَرُّسُل ذ يمقّْرَانن ن جْمَاعث ن ڒْمُوْمِنِين ذِي لْقُدْس حمَا ٱثنْت ذْفَارن يِوْذَان.

ڒخذايم 21:18

ثِيوشَّا نّس يُوْذف اَكِذْنغ بُوْلُس غَار اَرَّسُوْل يَعْقُوْب، حْضَارن ذِنِّي مَارَّا يمقّْرَانن ن جْمَاعث ن ڒْمُوْمِنِين.

ڒخذايم 6:2

كَّرن ثنْعَاش نِّي ن اَرُّسُل سْمُوْنن مَارَّا يمحْضَارن نَّان-اَسن: "نشِّين اَرُّسُل مَاشِي مَعْقُوْل أَ نسْمح ذݣ وَاوَاڒ ن أَربِّـي بَاش أَ نفرق لْمُعْوَانَا.

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.