ڒخذايم 15:22 - ثريفيث 2020

²² خ مَانَايَا اَرُّسُل ذ يمقّْرَانن ن جْمَاعث ن ڒْمُوْمِنِين ذ مَارَّا جْمَاعث ن ڒْمُوْمِنِين ݣِّين اَذ يخْضَرن شَان ن يرْيَازن نْسن، أَثن سّكّن اَك بُوْلُس ذ بَرْنَابَا غَار ثنْدِينْت ن وَانْطَاكْيَا. ئِخْضَرن يجّن ؤُمِي قَّارن سِيلَاس ذ يِجّن قَّارن-اَس يَهُوْذَا يعْنِي ونِّي ؤُمِي قَّارن بَارْسَابَا، غَارْسن يجّن ن ومْشَان ذ اَمقّْرَان جَار ڒْمُوْمِنِين.

ڒخذايم 15:22 ပူးပေါင်းရင်းမြစ်များ

ڒخذايم 1:23

كَّرن قدّْمن ثْنَاين ن يِوْذَان: يجّن قَّارن-اَس مَاتْيَاس يجّن قَّارن-اَس يُوْسف. يُوْسف نِّي عَاوذ قَّارن-اَس بَارْسَابَا نِغ يُوْسْتُوْس.

ڒخذايم 11:19

عْلَاحْسَاب اَعدّب نِّي إِي يوقْعن وَامِي يتْوَانغ سْتِيفَان، ڒْمُوْمِنِين كُڒ يجّن مَانِي يرُوْح: ئِجّن يرُوْح ٱڒ فِينِيقْيَا، ئِجّن يرُوْح اَڒ قُبْرُص، ئِجّن يرُوْح اَڒ وَانْطَاكْيَا. وَار تْبشِّيرن ذِنِّي حَدّ س وَاوَاڒ ن أَربِّـي إِلَّا يسْرَائِيلِيْين.

ڒخذايم 11:20

وَلَكِن ڒبْعَاض ن يرْيَازن زِي قُبْرُص ذ لْقُرِينَا ؤُسِين-د غَار وَانْطَاكْيَا بْذَان سَّاوَاڒن اَك ييُوْنَانِيْين تْبشَّارن-ثن س سِيذِيثْنغ عِيْسَى.

ڒخذايم 11:22

يُوْوض ڒخْبَار-أَ غَار جْمَاعث ن ڒْمُوْمِنِين ذِي لْقُدْس، كَّرن سّكّن بَرْنَابَا غَار وَانْطَاكْيَا.

ڒخذايم 11:27

ذِي ڒِيَّام نِّي هْوَان-د شَان ن لْأَنْبِيَا زِي لْقُدْس غَار وَانْطَاكْيَا.

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 15:25

نشِّين مَارَّا نْتَافق، نِيخْضَر شَان ن يرْيَازن اَثن د نسّكّ غَارْوم اَك يمْعِيزّن نّغ بَرْنَابَا ذ بُوْلُس.

ڒخذايم 15:27

خ مَانَايَا نسّكّ-اَوم-د ؤُڒَا ذ يَهُوْذَا-يَا ذ سِيلَاس-أَ بَاش اَذَاوم ينِين س وقمُّوْم نْسن مِين ذَاوم د نُوْرَا ذِي ثبْرَات-أَ.

ڒخذايم 15:30

يِيْنَا يتْوَاسّكّن غَار وَانْطَاكْيَا صَافِي ؤُوْضن ذِنِّي، سْمُوْنن جْمَاعث ن ڒْمُوْمِنِين ؤُشِين-اَسن ثَبْرَات نِّي.

ڒخذايم 15:32

يَهُوْذَا ذ سِيلَاس نِثْنِي ذ لْأَنْبِيَا، تْشجَّاعن ڒْمُوْمِنِين س وَاطَّاس ن وَاوَاڒن، ݣِّين ذَايْسن ؤُڒ.

ڒخذايم 15:40

بُوْلُس نتَّا يخْضَر سِيلَاس، فّْغن نِثْنِي كلّْفن-ثن ڒْمُوْمِنِين خ ڒْخذْمث نِّي نَّان اَخَاوم يَارْضَا سِيذِيثْنغ.

ڒخذايم 16:19

أَيثْبَاب ن ثِيسْمغْث نِّي وَامِي ؤُفِين ثَوَّارْث ن لْمَنْدَا نْسن صَافِي ثْبلّْع خَاسن، كَّرن طّْفن بُوْلُس ذ سِيلَاس جَرّن-ثن غَار سَّاحَا غَار لْحُكَّام.

ڒخذايم 16:25

غَار ڒْوسْط ن دْجِيڒث بُوْلُس ذ سِيلَاس تْࢲَادْجَان تْغنَّاجن يزْڒَان إِ أَربِّـي، تسْڒَان-اَسن يمحْبَاس.

ڒخذايم 16:29

ينَّا لْحَارِس ن ڒحْبس شعّْڒم ڒفْنَارَاث. ئِرُوْح يتَازّڒ غَار بُوْلُس ذ سِيلَاس يسجّذ-اَسن غَار يضَارن نْسن يبْذَا يترْجِيجِي.

ڒخذايم 17:10

سّنِّي س دْجِيڒث نِّي اَيثْمَاثْنغ سّكّن بُوْلُس ذ سِيلَاس غَار ثنْدِينْت ؤُمِي قَّارن بِيرْيَا. وَامِي ؤُوْضن، ؤُذْفن غَار ثمْزِيذَا ن أَيث-إِسْرَائِيل.

ڒخذايم 17:14

ڒخْدّنِّي اَيثْمَاثْنغ سّكّن بُوْلُس غَار ڒبْحَر، ئِقِّيم سِيلَاس ذ تِيْمُوْتَاوُس ذِي ثنْدِينْت ن بِيرْيَا.

ڒخذايم 17:4

قْتَانْعن ڒبْعَاض زَّايْسن مُوْنن اَك بُوْلُس ذ سِيلَاس. أَكِذْسن خَربِّي ن ييُوْنَانِيْين إِي يتݣّْوْذن أَربِّـي. أَكِذْسن عَاوذ اَطَّاس ن ثمْغَارِين زِي ثِنِّي إِي غَار ثدْجَا لْمَرْتَبَا.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 8:14

وَامِي د اَرِّين ڒخْبَر اَرُّسُل ذِي لْقُدْس قَا اَيث-سَامَرْيَا قبْڒن اَوَاڒ ن أَربِّـي، كَّرن سّكّن غَارْسن بُطْرُس ذ يُوْحَنَّا.

22 أيث-كورينث 1:19

لِأَنَّا مِّيس ن أَربِّـي يعْنِي عِيْسَى لْمَسِيح نْبشَّر-يث جَارَاوم نش ؤُڒَا ذ سِيلَاس ؤُڒَا ذ تِيْمُوْتَاوُس. لْمَسِيح وَار يدْجِي بُو ذ وَاه اَكذ لَّا، نتَّا يدْجَا ڒبْدَا ذ <وَاه> أُو صَافِي.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.