ڒخذايم 15:1 - ثريفيث 2020

¹ ؤُسِينْ-د شَا ن يرْيَازن زِي يَهُوْذِيَا سڒْمَاذن اَيثْمَاثْنغ ذݣ وَانْطَاكْيَا نَّان-اَسن: "وَار ثْزمَّرم شَا اَذ تْنجْمم إِلَّا مڒَا ثݣِّيم طَّهَارث عْلَاحْسَاب شَّرِيعَا ن مُوْسَى."

ڒخذايم 15:1 ပူးပေါင်းရင်းမြစ်များ

يوحنا 7:22

شُوْف، يجَّا-ٱوم-د مُوْسَى طَّهَارث أُو طَّهَارث-أَ وَار ثدْجِي بُو زِي مُوْسَى لَّا، زِي سَّلَاف صَّالِحِين. خ مَانَايَا كنِّيو وَاخَّا ذِي نْهَار ن سّبْث ن لعِبَادَا تْطهَّارم إِ يحَرْمُوْشن.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 15:22

خ مَانَايَا اَرُّسُل ذ يمقّْرَانن ن جْمَاعث ن ڒْمُوْمِنِين ذ مَارَّا جْمَاعث ن ڒْمُوْمِنِين ݣِّين اَذ يخْضَرن شَان ن يرْيَازن نْسن، أَثن سّكّن اَك بُوْلُس ذ بَرْنَابَا غَار ثنْدِينْت ن وَانْطَاكْيَا. ئِخْضَرن يجّن ؤُمِي قَّارن سِيلَاس ذ يِجّن قَّارن-اَس يَهُوْذَا يعْنِي ونِّي ؤُمِي قَّارن بَارْسَابَا، غَارْسن يجّن ن ومْشَان ذ اَمقّْرَان جَار ڒْمُوْمِنِين.

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 15:24

نتْسْڒَا بلِّي شَان يِوْذَان زَّايْنغ ؤُسِين-د غَارْوم بْڒَا لْإِذن نّغ، سدّْعن-كنِّيو، سِيذْفن ذَايْوم شّكّ س وَاوَاڒ نْسن.

ڒخذايم 15:32

يَهُوْذَا ذ سِيلَاس نِثْنِي ذ لْأَنْبِيَا، تْشجَّاعن ڒْمُوْمِنِين س وَاطَّاس ن وَاوَاڒن، ݣِّين ذَايْسن ؤُڒ.

ڒخذايم 15:5

وَلَكِن كَّرن شَان ن ڒْمُوْمِنِين ڒْحِزب نْسن زݣ يفَرِّيسِيْين نَّان: ئِتْخصَّا وَا لَابُد اَذ طهَّارن يِنِّي وَار يدْجِين شَا زِي أَيث-إِسْرَائِيل، أَثن ثْوصَّام اَذ طَاعن إِ شَّرِيعا ن مُوْسَى.

ڒخذايم 21:20

وَامِي سْڒِين إِ مَانَاينِّي، حمْذن أَربِّـي نَّان-اَس إِ بُوْلُس: "شُوْف آي ؤُمَاثْنغ مشْحَاڒ ن ؤُڒُوْفَاث ن يسْرَائِيلِيْين إِي يُوْمْنن! مَارَّا إِذْسن رزُّوْن اَذ ݣّن لْوَاجِب عْلَاحْسَاب شَّريعا نّغ.

ڒخذايم 6:14

نسْڒَا-يَاس يقَّار بلِّي عِيْسَى زِي نَاصِرَا اَذ يهْذم اَمْشَان-أَ اَذ يبدّڒ لْعَادَاث نِّي إِي ذَانغ د يجَّا مُوْسَى."

أيث-ݣلاطيا 2:1

وَامِي ثعْذُو يجّن اَرْبعْطَاشَر سْنَا، ݣَعّْذغ عَاوذ غَار ثنْدِينْت ن لْقُدْس اَك بَرْنَابَا، ؤُوِيغ اَكِذِي ؤُڒَا ذ ؤُمَاثْنغ تِيتُوْس.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ݣلاطيا 6:12

يِنِّي يرزُّوْن اَذ فْتَخَرن زِي دَّات، يعْنِي مِين وَار يدْجِين شَا زِي أَرُّوْح يقدّْسن، نِثْنِي تْبسَّاڒن خَاوم بَاش اَذ تݣّم طَّهَارث ن مُوْسَى. مَايمِّي؟ غِير رزُّوْن نِثْنِي وَار تْعدِّيبن شَا خ سَّبَاب ن صَّلِيب ن لْمَسِيح.

أيث-كولوس 2:16

إِذن وَار تجَّام حَدّ اَكنِّيو يعيّب خ مِين تتّم نِغ خ مِين ثْسسّم نِغ خ شَا ن ڒعْيُوْذَاث إِي تِيڒِين كُڒ عَام نِغ كُڒ شْهَار نِغ خ نْهَار ن سّبْث ن لْعِبَادَا.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.