ڒخذايم 14:3 - ثريفيث 2020

³ بُوْلُس ذ بَرْنَابَا قِّيمن ذِنِّي اَطَّاس ن ڒْوقْث تْبشَّارن س سِيذِيثْنغ س يِجّن ن زْعَامث. يݣَّا سِيذِيثْنغ لْمُعْجِيزَاث ذ لْبُرْهَانَاث خ يفَاسّن ن بُوْلُس ذ بَرْنَابَا بَاش اَذ يسْبيّن اَوَاڒن نِّي إِي تْبشَّارن خ اَرْضَا ن سِيذِيثْنغ ذ صَّح.

ڒخذايم 14:3 ပူးပေါင်းရင်းမြစ်များ

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

يوحنا 4:48

ينَّا-ٱس عِيْسَى: "كنِّيو، مَا وَار تِيمْنم شَا حتَّا ٱذ ثࢲرم لْمُعْجِيزَاث ذ لْبُرْهَانَاث؟"

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

ڒخذايم 2:22

آي يرْيَازن ن أَيث-إِسْرَائِيل، صنّْطث إِ مِين ذَاوم غَا ينِيغ. عِيْسَى-يَا زِي نَاصِرَا مِين يعْنَا نتَّا؟ نتَّا ذ يجّن ن ورْيَاز يتْوَاظْهَار-د زِي أَربِّـي إِ كنِّيو س لْمُعْجِيزَاث ذ لْبُرْهَانَاث ذ لْعَلَامَاث إِݣ يݣَّا أَربِّـي خ وفُوْس ن عِيْسَى جَارَاوم مَامّش ثسّْنم.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 20:32

آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

ڒخذايم 4:31

وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

ڒخذايم 5:32

خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.