ڒخذايم 14:21 - ثريفيث 2020

²¹ بشَّارن ذِي ثنْدِينْت نِّي ن دِرْبَا، أَرِّين اَطَّاس ن يِوْذَان ذ يمحْضَارن. سّنِّي ذوْڒن غَار ثنْدِينْت ن لِيسْتْرَا ذ إِكُوْنْيَا ذ وَانْطَاكْيَا.

ڒخذايم 14:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

ڒخذايم 13:14

نِثْنِي فّْغن زِي ثنْدِينْت ن بَارْجَا رُوْحن غَار ثنْدِينْت ن وَانْطَاكْيَا ذِي جْوَايه ن پِــيْسِيْدْيَا. ؤُذْفن قِّيمن ذِي ثمْزِيذَا ن أَيث-إِسْرَائِيل ذِي نْهَار ن سّبْث.

ڒخذايم 13:51

كَّرن بُوْلُس ذ بَرْنَابَا مسْحن ثَعجَّاشْت زݣ يضَارن نْسن اَم يِجّن ن شْهَاذث خَاسن، رُوْحن غَار ثنْدِينْت ن إِكُوْنْيَا.

ڒخذايم 14:1

ذِي ثنْدِينْت ن إِكُوْنْيَا ؤُذْفن بُوْلُس ذ بَرْنَابَا س ثْنَاين إِذْسن غَار ثمْزِيذَا ن أَيث-إِسْرَائِيل، ؤُمْنن اَطَّاس ن يسْرَائِيلِيْين ذ ييُوْنَانِيْين س تّبْشِير نْسن.

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

ڒخذايم 14:19

منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:26

وَامِي كمّْڒن ڒْخذْمث نِّي ذِنِّي، عقْبن سّنِّي ذݣ وغَرَّابُو غَار ثنْدِينْت ن وَانْطَاكْيَا مَانِيس د ؤُسِين قْبڒ، زِي مَانِيس تْوَاكلّْفن س ڒْخذْمث نِّي س اَرْضَا ن أَربِّـي.

ڒخذايم 14:6

اَرِّين-د ڒخْبَار اَرُّسُل، اَروْڒن غَار ثنْدِينْت ن لِيسْتْرَا ذ ثنْدِينْت ن دِرْبَا ذ مَارَّا جْوَايه إِي ذَاسنْت د يُوْذْسن تْبشَّارن ذِنِّي ذِي لْوِلَايَا ن لِيكَاوْنِيَا.

ڒخذايم 14:8

ذِي ثنْدِينْت ن لِيسْتْرَا ذِنِّي يجّن ن ورْيَاز ذ اَنشْرُوْف مُّوْثن-اَس يضَارن، زݣ وَامِي د يخْڒق عمَّارْص مَا يُوْيُوْر.

ڒخذايم 15:36

ثعْذُو يجّن ن ڒْوقْث، ينَّا-ٱس بُوْلُس إِ بَرْنَابَا: يَالَّاه، أَ نذْوڒ غَار اَيثْمَاثْنغ ذِي كُڒ ثنْدِينْت مَانِي نْبشَّر س وَاوَاڒ ن سِيذِي أَربِّـي أَ نࢲر مَامّش دْجَان.

ڒخذايم 16:2

أَيثْمَاثْنغ إِي يدْجَان ذِي ثنْدِينْت ن إِكُوْنْيَا ذ لِيسْتْرَا سِّيوْڒن مْلِيح خ تِيْمُوْتَاوُس.

ڒخذايم 2:47

حمّْذن أَربِّـي، رطَّان خَاسن يِوْذَان مَارَّا. كُڒ نْهَار يَرنِّي-يَاسن سِيذِي أَربِّـي ذِي لْعَدَد ن يِنِّي ينجّْمن.

2 تيموتاوس 3:11

ذ وعدّب ينُو ذ تَمَارَا ينُو. ثسّْنذ مِين ذَايِي يوقْعن ذِي ثنْدِينْت ن وَانْطَاكْيَا ذ إِكُوْنْيَا ذ لِيْسْتْرَا ذ مِين تْوَاعدّْبغ ذݣ يمُوْشَان نِّي. إِنَّمَا، ئِسفْڒث-اَيِي-د سِيذِيثْنغ زِي مَارَّا مَانَاينِّي.