ڒخذايم 14:19 - ثريفيث 2020

¹⁹ منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:19 ပူးပေါင်းရင်းမြစ်များ

ڒخذايم 13:14

نِثْنِي فّْغن زِي ثنْدِينْت ن بَارْجَا رُوْحن غَار ثنْدِينْت ن وَانْطَاكْيَا ذِي جْوَايه ن پِــيْسِيْدْيَا. ؤُذْفن قِّيمن ذِي ثمْزِيذَا ن أَيث-إِسْرَائِيل ذِي نْهَار ن سّبْث.

ڒخذايم 13:45

أَيث-إِسْرَائِيل وَامِي ؤُفِين ڒْغَاشِي اَطَّاس بْذَان حسّْذن اَطَّاس اَرُّسُل بْذَان تْعَارَّاضن إِ وَاوَاڒ ن بُوْلُس، تُوْكَّرن-ث.

ڒخذايم 14:1

ذِي ثنْدِينْت ن إِكُوْنْيَا ؤُذْفن بُوْلُس ذ بَرْنَابَا س ثْنَاين إِذْسن غَار ثمْزِيذَا ن أَيث-إِسْرَائِيل، ؤُمْنن اَطَّاس ن يسْرَائِيلِيْين ذ ييُوْنَانِيْين س تّبْشِير نْسن.

ڒخذايم 14:18

س وَاوَاڒ-أَ بُوْلُس ذ بَرْنَابَا سْبدّن-ثن، وَلَكِن ڒْغَاشِي نِّي قسْحن س وَاطَّاس عْڒَاين قدّْمن-اَسن دْبِيحث.

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 14:21

بشَّارن ذِي ثنْدِينْت نِّي ن دِرْبَا، أَرِّين اَطَّاس ن يِوْذَان ذ يمحْضَارن. سّنِّي ذوْڒن غَار ثنْدِينْت ن لِيسْتْرَا ذ إِكُوْنْيَا ذ وَانْطَاكْيَا.

ڒخذايم 14:26

وَامِي كمّْڒن ڒْخذْمث نِّي ذِنِّي، عقْبن سّنِّي ذݣ وغَرَّابُو غَار ثنْدِينْت ن وَانْطَاكْيَا مَانِيس د ؤُسِين قْبڒ، زِي مَانِيس تْوَاكلّْفن س ڒْخذْمث نِّي س اَرْضَا ن أَربِّـي.

ڒخذايم 14:4

مسْفْرَاقن اَيثْبَاب ن ثنْدِينْت-أَ ن إِكُوْنْيَا خ ثْنَاين. ڒبْعَاض إِذْسن اَقَاثن اَك يسْرَائِيلِيْين، ڒبْعَاض إِذْسن اَقَاثن اَك اَرُّسُل.

ڒخذايم 14:5

كَّرن يسْرَائِيلِيْين ذ يِنِّي وَار يدْجِين شَا زِي أَيث-إِسْرَائِيل تَافْقن اَك اَرُّوْيَاس نْسن بَاش اَذ عدّن خ اَرُّسُل اَثن رجْمن س وزْرُو.

ڒخذايم 15:26

يرْيَازن-أَ غَامَرن س ثُوْذَارْث نْسن خ يِيسم ن سِيذِيثْنغ عِيْسَى لْمَسِيح.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 22:20

حْضَارغ نش وَامِي سِيزّْڒن يذَامّن ن سْتِيفَان ونِّي خَاك يشهّْذن. وَافْقغ خ ڒْموْث نّس، حْضِيغ-اَسن ؤُڒَا ذ اَرُّوْض ن يِنِّي إِي ث ينْغِين.

ڒخذايم 7:58

سُوْفْغن-ث بَارَّا إِ ثنْدِينْت بْذَان رجّْمن-ث س وزْرُو. سرْسن يزدْجُوْبَا نْسن غَار يضَارن ن يِجّن ن شَّاب قَّارن-اَس شَاوُل.

ڒخذايم 9:16

نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."

1 أيث-كورينث 15:31

آي أَيثْمَا، تْوَاجَاهغ ڒْموْث كُڒ نْهَار! قَّارغ-اَوم مَانَايَا س لْإِفْتِخَار-أَ إِي غَارِي ذَايْوم عْلَاحْسَاب ثُوْذَارْث-أَ نّغ إِي غَارْنغ ذ يْشْتن اَك سِيذِيثْنغ عِيْسَى لْمَسِيح.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 11:25

ثْڒَاثَا ن ثْوَاڒَاثِين تْمَارَّاثن-اَيِي س وعْمُوْذ. ئِجّن ن ثْوَاڒَا رجْمن-اَيِي س وزْرُو. ثْڒَاثَا ن ثْوَاڒَاثِين يغْرق زَّايِي وغَرَّابُو سعْذُوْغ يجّن وَاسّ ن ذ يِجّن ن دْجِيڒث ذِي ڒبْحَر.

22 أيث-كورينث 11:26

نش مشْحَاڒ ن ثْوَاڒَاثِين تِيڒِيغ تْسَفَرغ ذِي لْخَطَر ن يغزْرَان، ذ لْخَطَر ن يشفَّارن، ذ لْخَطَر ن ڒْقُم ينُو، ذ لْخَطَر ن ييُوْنَانِيْين، ذ لْخَطَر ذِي ثنْدِينْت، ذ لْخَطَر ذِي ڒخْڒَا، ذ لْخَطَر ذِي ڒبْحَر، ذ لْخَطَر ن يِنِّي يتَارَّان يخف نْسن ذ اَيثْمَا.

1 أيث-سلونيك 2:14

آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.

2 تيموتاوس 3:11

ذ وعدّب ينُو ذ تَمَارَا ينُو. ثسّْنذ مِين ذَايِي يوقْعن ذِي ثنْدِينْت ن وَانْطَاكْيَا ذ إِكُوْنْيَا ذ لِيْسْتْرَا ذ مِين تْوَاعدّْبغ ذݣ يمُوْشَان نِّي. إِنَّمَا، ئِسفْڒث-اَيِي-د سِيذِيثْنغ زِي مَارَّا مَانَاينِّي.