ڒخذايم 14:1 - ثريفيث 2020

¹ ذِي ثنْدِينْت ن إِكُوْنْيَا ؤُذْفن بُوْلُس ذ بَرْنَابَا س ثْنَاين إِذْسن غَار ثمْزِيذَا ن أَيث-إِسْرَائِيل، ؤُمْنن اَطَّاس ن يسْرَائِيلِيْين ذ ييُوْنَانِيْين س تّبْشِير نْسن.

ڒخذايم 14:1 ပူးပေါင်းရင်းမြစ်များ

مرقس 7:26

ثَمْغَارْث نِّي ذ ثَيُوْنَانِيث، لْأَصل نّس زِي سُوْرْيَا فِنِيقْيَا. ثتَّار زَّايس اَطَّاس حمَا اَذ يسُوْفغ جّنّ نِّي اَعفَّان زݣ يدْجِيس.

يوحنا 12:20

يِنِّي يݣَعّْذن اَذ عبْذن ذِي ڒْعِيذ اَكِذْسن ڒبْعَاض ن ييُوْنَانيْين.

يوحنا 7:35

مْسقْسَان يسْرَائِيلِيْين جَارَاسن نَّان: "مَانِي غَا يرَاح وَانِيتَا وَار ث نْتِيف شَا؟ مَا ٱذ يرَاح غَار يسْرَائِيْلِيْين إِي يتمْزدْجَاعن ذِي ثْمُوْرَا ن ييُوْنَانِيْين بَاش اَذ يسڒْمذ ييُوْنَانِيْين؟

ڒخذايم 11:21

سِيذِي أَربِّـي اَقَاث اَكِذْسن، اَطَّاس ن يِوْذَان ؤُمْنن ذوْڒن-د غَار سِيذِيثْنغ.

ڒخذايم 13:43

وَامِي د تفّْغن زِي ثمْزِيذَا، ذْفَارن-ثن اَطَّاس ن يسْرَائِيلِيْين ذ يِنِّي يسڒْمن ذِي دِّين ن أَيث-إِسْرَائِيل إِي تݣّْوْذن أَربِّـي. بُوْلُس ذ بَرْنَابَا سِّيوْڒن اَكِذْسن شجّْعن-ثن حمَا اَذ ارْنِين ذي اَرْضَا ن أَربِّـي.

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

ڒخذايم 13:5

وَامِي ؤُوْضن غَار ثنْدِينْت ن سَلَامِيس بْذَان تْبشَّارن س وَاوَاڒ ن أَربِّـي ذِي ثمْزِيذَاوِين ن أَيث-إِسْرَائِيل، ئِتْعَاوَان-يثن يُوْحَنَّا نِّي.

ڒخذايم 13:51

كَّرن بُوْلُس ذ بَرْنَابَا مسْحن ثَعجَّاشْت زݣ يضَارن نْسن اَم يِجّن ن شْهَاذث خَاسن، رُوْحن غَار ثنْدِينْت ن إِكُوْنْيَا.

ڒخذايم 14:19

منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 14:21

بشَّارن ذِي ثنْدِينْت نِّي ن دِرْبَا، أَرِّين اَطَّاس ن يِوْذَان ذ يمحْضَارن. سّنِّي ذوْڒن غَار ثنْدِينْت ن لِيسْتْرَا ذ إِكُوْنْيَا ذ وَانْطَاكْيَا.

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

ڒخذايم 16:2

أَيثْمَاثْنغ إِي يدْجَان ذِي ثنْدِينْت ن إِكُوْنْيَا ذ لِيسْتْرَا سِّيوْڒن مْلِيح خ تِيْمُوْتَاوُس.

ڒخذايم 17:12

ؤُمْنن اَطَّاس زَّايْسن. ؤُمْننْت خَربِّي ن ثمْغَارِين ثِيُوْنَانِيِين غَارْسنْت لْمَرْتَبَا، ؤُمْنن عَاوذ اَطَّاس ن ييُوْنَانِيْين.

ڒخذايم 17:17

ئِتمْنَاقَاش ذِي ثمْزِيذَا اَك يسْرَائِيلِيْين ذ ينّغْنِي يتݣّْوْذن أَربِّـي، ئِتمْنَاقَاش عَاوذ اَك يِنِّي إِي كذ يتمْسڒْقَا كُڒ نْهَار ذِي سَّاحَا ن ثنْدِينْت.

ڒخذايم 17:4

قْتَانْعن ڒبْعَاض زَّايْسن مُوْنن اَك بُوْلُس ذ سِيلَاس. أَكِذْسن خَربِّي ن ييُوْنَانِيْين إِي يتݣّْوْذن أَربِّـي. أَكِذْسن عَاوذ اَطَّاس ن ثمْغَارِين زِي ثِنِّي إِي غَار ثدْجَا لْمَرْتَبَا.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

ڒخذايم 19:10

ئِقِّيم بُوْلُس يتݣّ مَانَاينِّي عَامَاين. مَارَّا يمزْذَاغ ن لْإِقْلِيم ن آسْيَا سْڒِين إِ وَاوَاڒ ن سِيذِي أَربِّـي، أَيث-إِسْرَائِيل ذ ييُوْنَانِيْين س ثْنَاين إِذْسن.

ڒخذايم 19:17

أَرِّين-اَسن-د ڒخْبَار مَارَّا يمزْذَاغ ن ؤُفَسُوْس، يعْنِي أَيث-إِسْرَائِيل ذ ييُوْنَانِيْين س ثْنَاين إِذْسن. ثڒْقف-يثن ثِيݣّْوْذِي أُوْشَا يتْوَاسمْغَار يسم ن سِيذِيثْنغ عِيْسَى اَطَّاس.

ڒخذايم 19:8

سّنِّي بُوْلُس يُوْذف غَار ثمْزِيذَا ن أَيث-إِسْرَائِيل، ئِسَّاوَاڒ ذِنِّي س زْعَامث شَان ن ثڒْت-شْهُوْر. ئِتمْنَاقَاش اَكِذْسن بَاش اَثن يسقْنع خ ڒْمُلْك ن أَربِّـي.

ڒخذايم 2:47

حمّْذن أَربِّـي، رطَّان خَاسن يِوْذَان مَارَّا. كُڒ نْهَار يَرنِّي-يَاسن سِيذِي أَربِّـي ذِي لْعَدَد ن يِنِّي ينجّْمن.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 21:28

سْنكَّرن ثْغُوْيّث قَّارن: "آي يرْيَازن ن أَيث-إِسْرَائِيل! قَا اَرْيَاز-أَ ونِّي يسڒْمَاذن يوْذَان مَارَّا ذِي مْكُڒ اَمْشَان يرزُّو اَذ عَارّْضن شَّعْب نّغ ذ شَّرِيعَا نّغ ذ ومْشَان-أَ نّغ! عَاوذ يسِيذف-د ييُوْنَانِيْين غَار ثمْزِيذَا ثَمقّْرَانْت، ئِسخْنَاز اَمْشَان-أَ مُقدّس."

ڒخذايم 9:20

ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 10:12

لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان.

أيث-ݣلاطيا 2:3

تِيتُوْس يدْجَان ذ اَمْعَاشَر ينُو، وَاخَّا نتَّا ذ اَيُوْنَانِي وَار خَاس زيَّارن شَا حمَا اَذ يݣّ طَّهَارث.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

2 تيموتاوس 3:11

ذ وعدّب ينُو ذ تَمَارَا ينُو. ثسّْنذ مِين ذَايِي يوقْعن ذِي ثنْدِينْت ن وَانْطَاكْيَا ذ إِكُوْنْيَا ذ لِيْسْتْرَا ذ مِين تْوَاعدّْبغ ذݣ يمُوْشَان نِّي. إِنَّمَا، ئِسفْڒث-اَيِي-د سِيذِيثْنغ زِي مَارَّا مَانَاينِّي.