ڒخذايم 13:43 - ثريفيث 2020

⁴³ وَامِي د تفّْغن زِي ثمْزِيذَا، ذْفَارن-ثن اَطَّاس ن يسْرَائِيلِيْين ذ يِنِّي يسڒْمن ذِي دِّين ن أَيث-إِسْرَائِيل إِي تݣّْوْذن أَربِّـي. بُوْلُس ذ بَرْنَابَا سِّيوْڒن اَكِذْسن شجّْعن-ثن حمَا اَذ ارْنِين ذي اَرْضَا ن أَربِّـي.

ڒخذايم 13:43 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:15

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تكّم مَارَّا ڒبْحَر ذ ڒْبَرّ حمَا اَذ تْجَرّم شَان يِجّن غَار دِّين نْوم. أُو خْمي إِي كِوم غَا يِيڒِي، تَارِّيم-ث يسْذَاهدْج ثِمسِّي مَارْثَاين كْتَار زِي مِين ثسْذَاهدْجم كنِّيو.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

ڒخذايم 13:50

وَلَكِن يسْرَائِيلِيْين سَامَرن ثِمْغَارِين إِي ذَايْسنْت دِّين غَارْسنْت لْمَرْتَبَا، عَاوذ سَامَرن يمقّْرَانن ن ثنْدِينْت. تݣّن سَّبَاب إِ يِوْذَان حمَا اَذ عدّْبن بُوْلُس ذ بَرْنَابَا أُوْشَا ؤُزّْڒن خَاسن زِي جِّهث نِّي.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 14:3

بُوْلُس ذ بَرْنَابَا قِّيمن ذِنِّي اَطَّاس ن ڒْوقْث تْبشَّارن س سِيذِيثْنغ س يِجّن ن زْعَامث. يݣَّا سِيذِيثْنغ لْمُعْجِيزَاث ذ لْبُرْهَانَاث خ يفَاسّن ن بُوْلُس ذ بَرْنَابَا بَاش اَذ يسْبيّن اَوَاڒن نِّي إِي تْبشَّارن خ اَرْضَا ن سِيذِيثْنغ ذ صَّح.

ڒخذايم 16:14

أَكِذْسنْت ذِنِّي يجّن ن ثمْغَارْث ثسْڒَا-يَانغ قَّارن-اَس لِيدْيَا. نتَّاث زِي ثنْدِينْت ن ثِيَاتْرَا ثزْنُوْزَا ثْشُوْقّت نِّي إِي يغْڒَان لُّوْن نّس ذ لِّيلَا، ثْعبّذ أَربِّـي. يرْزم-اَس سِيذِي أَربِّـي ؤُڒ نّس بَاش اَذ تْصنّط إِ وَاوَاڒ ن بُوْلُس.

ڒخذايم 17:17

ئِتمْنَاقَاش ذِي ثمْزِيذَا اَك يسْرَائِيلِيْين ذ ينّغْنِي يتݣّْوْذن أَربِّـي، ئِتمْنَاقَاش عَاوذ اَك يِنِّي إِي كذ يتمْسڒْقَا كُڒ نْهَار ذِي سَّاحَا ن ثنْدِينْت.

ڒخذايم 17:34

ڒبْعَاض زَّايْسن ؤُمْنن مُوْنن اَك بُوْلُس. زَّايْسن دِيُوْنِيسْيُوْس زِي لْمَجْلِس ن أَرْيُوْبَاݣُوْس ذ يِجّن ن ثمْغَارْث قَّارن-اَس دَامَارِيس ذ ينّغْنِي اَكِذْسن.

ڒخذايم 17:4

قْتَانْعن ڒبْعَاض زَّايْسن مُوْنن اَك بُوْلُس ذ سِيلَاس. أَكِذْسن خَربِّي ن ييُوْنَانِيْين إِي يتݣّْوْذن أَربِّـي. أَكِذْسن عَاوذ اَطَّاس ن ثمْغَارِين زِي ثِنِّي إِي غَار ثدْجَا لْمَرْتَبَا.

ڒخذايم 18:7

ئِفّغ-د سّنِّي يرُوْح غَار ثدَّارْث ن يِجّن ورْيَاز يعبّْذن أَربِّـي قَّارن-اَس تِيتُوْس يُوْسْتُوْس، ثَدَّارْث نّس اَقَات طَّارْف إِ ثمْزِيذَا نِّي.

ڒخذايم 2:10

ذ فْرِيْجْيَا ذ پَـامْفِيلْيَا، ذ مِصْرَا ذ جْوَايه ن لْقُرِينَا ذِي لِيبْـيَا، ذ يِنِّي يتْزُوْرَان زِي ثنْدِينْت ن رُوْمَا.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 6:5

ئِعْجب-اَسن ڒْحَاڒ إِ مَارَّا جْمَاعث. كَّرن يخْضَرن يجّن ن ورْيَاز قَّارن-اَس سْتِيفَان، نتَّا يشُّوْر س لْإِيمَان ذ أَرُّوْح يقدّْسن. ئِخْضَرن فِيلِيپَّـاس ذ بْرُوْكُوْرُس ذ نِيكَانُوْر ذ تِيمُوْن ذ پَـرْمِينَاس ذ نِيكُوْلَاس زݣ وَانْطَاكْيَا، تُوْغَا يسْڒم نتَّا ذِي دِّين ن أَيث-إِسْرَائِيل.

أيث-روما 11:6

مڒَا يخْضَر-يثن س اَرْضَا نّس، أَتَاف ڒخُّو وَار يدْجِي شَا س لْحَسَانَاث نْسن. مڒَا مَاشِي اَمنِّي، أَتَاف اَرْضَا وَار يتِيڒِي بُو ذ اَرْضَا.

أيث-روما 3:24

أَربِّـي، نتَّا يسمْصْڒَاح-يثن اَكِذس س اَرْضَا نّس بَاطڒ س وسنْجم إِي د يُوْسِين س عِيْسَى لْمَسِيح.

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

22 أيث-كورينث 5:11

فَلِهَاذَا وَامِي نسّن أَ نݣّْوذ زِي سِيذِيثْنغ، نْرزُّو يوْذَان اَذ قْتَنْعن. ئِي مِين نعْنَا نشِّين يسّن-يث أَربِّـي مْلِيح، أُو تْمنِّيغ عَاوذ ضَّمِير نْوم اَذ يسّن مَانَاينِّي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 5:1

غَار لْحُرِّيَا يضْڒق-اَنغ-د لْمَسِيح بَاش أَ نِيڒِي حُرّ ذ صَّح. بدّث نِيشَان بَعْدَا، وَار تجَّاث شَا اَخَاوم يبسّڒ عَاوذ يجّن ن دْقڒ ن ثْزَايْڒُوْت ن يسمْغَان.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

أيث-ؤفسوس 2:8

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي.

أيث-فيليـپـي 3:16

وَلَكِن مِين نسّن عَاذ نِيشَان لَابُد اَذَايس نطّف مْلِيح.

أيث-فيليـپـي 4:1

إِذن آي أَيثْمَا إِي خَافِي يعِيزّن إِي تْوحَّاشغ إِݣ يدْجَان ذ ڒفْرَاحث ينُو ذ تَّاج ينُو، أَمنِّي لَابُد يتْخصَّا اَذ تقِّيمم ثْبدّم ذِي سِيذِيثْنغ آي يمْعِيزّن ينُو.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

ثبرات غار تيتوس 2:11

شُوْف، أَرْضَا ن أَربِّـي يتْمظْهَار-اَسن-د إِ مَارَّا يوْذَان يتَاوِي-ثن غَار مَانِي غَا تْوَاسْنجْمن.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.