ڒخذايم 13:36 - ثريفيث 2020

³⁶ لِأَنَّا دَاود ذِي زْمَان نّس وَامِي يكمّڒ مِين يخس أَربِّـي صَافِي يمُّوْث، ئِتْوَانْضڒ طَّارف إِ ڒجْذُوْذ نّس صَافِي يكِيشّو.

ڒخذايم 13:36 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:16

ڒخْدّنِّي يكَّر ونِّي ؤُمِي يُوْشَا خمْسَاڒَاف ن ڒُوْزْنَاث يݣَّا زَّايْسنْت تِّجَارَا، يرْبح خمْسَاڒَاف نّغْنِي.

يوحنا 11:39

ينَّا عِيْسَى: "سْبعّْذث خَاس اَزْرُو-يَا." ثنَّا-ٱس مَرْثَا وتْشْمَاس ن ونِّي يمُّوْثن: "آ سِيذِي، قَا يُرْصُوْض ڒَاحقَّاش ثعْذُو خَاس اَرْبعِيَّام زݣ وَامِي يمُّوْث."

ڒخذايم 13:22

ثُمَّا يكّس-يث أَربِّـي، يَارَّا دَاود ذ اَزدْجِيذ خَاسن. ئِشْهذ خَاس ينَّا قَا ؤُفِيغ دَاود مِّيس ن يَسَّى نتَّا ذ يجّن ن ورْيَاز يقْبڒ ڒْخَاضَر ينُو اَذ يݣّ مَارَّا مِين خْسغ.

ڒخذايم 2:29

آي اَيثْمَا، أَذَاوم ينِيِغ صَّرَاحَا: دَاود زِي سَّلَف صَّالِحِين، نتَّا يمُّوْث يتْوَانْضڒ. أَنْضڒ نّس اَقَّاث اَكِذْنغ اَڒ نْهَارَا.

ڒخذايم 20:27

لِأَنَّا نش وَار زَّايْوم سْنُوْفَّرغ وَالُو زِي مَارَّا مِين ينوَّا أَربِّـي اَث يݣّ.

ڒخذايم 7:60

يوْضَا خ يفَادّن ينَّا-ٱس س جّْهذ: "آ سِيذِي، وَار خَاسن حسّب شَا ڒْمُعْصِيّث-أَ!" وَامِي ينَّا مَانَايَا صَافِي يفّغ-يث بُوْحْبڒ نّس.

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

1 أيث-كورينث 15:18

مَعْلِيك اَمنِّي، إِڒِي يِنِّي يطّْصن يعْنِي يِنِّي يمُّوْثن ذِي لْمَسِيح زَعْمَا صَافِي قَا فْنَان.

1 أيث-كورينث 15:6

منْبَعْد يمظْهَار-اَسن-د إِ كْتَار زِي خمْسْمِيَّا ن وَاوْمَاثن ذِي ثْوَاڒَا ذ يشْتن. نِثْنِي عَاذ دَّرن عْڒَاين مَارَّا إِذْسن، ڒبْعَاض زَّايْسن اَقَا طّْصن يعْنِي مُّوْثن.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.