ڒخذايم 13:23 - ثريفيث 2020

²³ ثُمَّا زِي دُوْرِّيث ن دَاود يسّكّ-د أَربِّـي عِيْسَى غَار أَيث-إِسْرَائِيل يعْنِي ونِّي إِي ثن غَا يسْنجْمن، مَامّش ثن يوْعذ زِي قْبڒ.

ڒخذايم 13:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:1

وَا ذ لْكِتَاب ن ڒجْذُوْذ ن عِيْسَى لْمَسِيح، ونِّي يدْجَان زِي دُّوْرِّيث ن دَاود ذ بْرَاهِيم.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:21

أَقَا اَذ د تجّ يجّن ن وحنْجِير اَث ثْسمِّيذ عِيْسَى ڒَاحقَّاش نتَّا إِي غَا يسْنجْمن ڒْقُوْم نّس زِي ڒْمُعْصِيَاث نْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:9

يِنِّي يݣُّوْرن زَّاثس ذ يِنِّي إِي ث يذفَّارن قَّارن: "لْعَظَمَا إِ مِّيس ن أَيث-دَاود! سَّعْذ ن ونِّي إِي د يُوْسِين عْلَاحْسَاب يسم ن سِيذِي أَربِّـي. لْحَمْدُ إِ أَربِّـي يُوْعْڒَان."

أَسڒْمذ ن سِيذِيثْنغ عِيْسَى لْكِتَاب ن مَتَّى 22:42

ينَّا-ٱسن: "مِين ذَاوم يمظْهَارن ذِي لْمَسِيح؟ ؤُو ث يِيڒَان؟" نَّان-اَس: "ذ مِّيس ن دَاود."

لوقا 1:69

ئِسْمظْهَار-اَنغ-د ونِّي ذݣ يدْجَا جّْهذ إِي ذَانغ غَا يسْنجْمن، يُوْسَا-د زِي دُّوْرِّيث ن دَاود ڒْعَبْذ ن أَربِّـي.

يوحنا 4:42

نَّان-اَس إِ ثمْغَارْث نِّي نشِّين وَار نْتِيمن شَا ڒخُّو غِير عْلَاحْسَاب مِين ذَانغ ثنِّيذ شم، مِينْزِي يسِّيوڒ اَكِذْنغ س يِيخف نّغ أُو نشِّين نسّن بلِّي ذ صَّح ذ وَا إِݣ يسنْجَامن دُّنشْت.

يوحنا 7:42

ينَّا لْكِتَاب اَقَا لْمَسِيح اَذ د يَاس زِي دُّوْرِّيث ن دَاود، يعْنِي زِي بَيْت لَحْم زِي دْشَار مَانِيس د يُوْسَا دَاود."

ڒخذايم 13:32

فَا نشِّين نتْبشَّار-يكنِّيو س مَانَايَا. يعْنِي أَربِّـي وَامِي د يسكَّر عِيْسَى زِي ڒْموْث صَافِي يكمّڒ مِين زِي تُوْغَا يوْعذ ڒجْذُوْذ نّغ، ئِكمّڒ-يث اَكِذْنغ نشِّين يدْجَان ذ ثَارْوَا نْسن. أَقَا يُوْرَا ذِي لْكِتَاب ن زَّابُوْر ذݣ يِزْڒِي وِيس ثْنَاين: أَقَا شك ذ مِّي، نْهَارَا نش ذوْڒغ ذ بَابَاش.

ڒخذايم 2:30

أَزدْجِيذ دَاود تُوْغَا ذ نَّبي يعْنِي يسّن بلِّي يوْعذ-يث أَربِّـي ينَّا-ٱس اَقَا اَذ سْغِيمغ يجّن زِي دُّوْرِّيث نّش خ لْعَرْش نّش.

ڒخذايم 3:26

وَامِي ذَاوم د يُوْشَا أَربِّـي اَخدَّام نّس عِيسَى، ذ اَمزْوَارُو يسّكّ-اَوم-ث-يذ إِ كنِّيو بَاش اَكنِّيو يبَرك، يعْنِي اَذ يسْبعّذ مْكُڒ يجّن زَّايْوم خ شَّرّْ نّس."

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

أيث-روما 1:3

أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

أيث-روما 11:26

أَمنِّي إِي غَا نجْمن مَارَّا أَيث-إِسْرَائِيل مَامّش يقَّار لْكِتَاب: <زِي لْقُدْس إِي د غَا يَاس ونِّي إِي ثن غَا يسْنجْمن، أَذ يسْبعّذ شَّرّْ خ ثَارْوَا ن يَعْقُوْب.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

2 بطرس 3:2

خْسغ اَذ تْعقْڒم خ وَاوَاڒن نِّي تُوْغَا نَّان ذِي زْمَان لْأَنْبِيَا صَّالِحِين؛ خْسغ اَذ تْعقْڒم عَاوذ خ ڒُوْصِيّث نِّي ن ومْسنْجم نّغ ذ سِيذِيثْنغ يعْنِي ثنِّي إِي ذَاوم د يمُّوْشن س ؤُقمُّوْم ن اَرُّسُل نْوم.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

ثبرات زي يهوذا 1:25

يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."