ڒخذايم 12:7 - ثريفيث 2020

⁷ ڒخْدّنِّي ثْمظْهَار-د ذِنِّي يجّن ن لْمَلَائِكَا ن سِيذِي أَربِّـي، ئِتْشعْشِيع-د يجّن ن نُّوْر ذِي ڒحْبس. لْمَلَائِكَا نِّي ثُوْوْثَا بُطْرُس غَار وغزْذِيس نّس، ثسْفَاق-يث-يذ ثنَّا-ٱس: "كَّر ذغْيَا!" أُوْشَا سْنَاسڒ نِّي فسْينْت زݣ يفَاسّن نّس.

ڒخذايم 12:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 2:13

وَامِي ؤُيُوْرن يِوْذَان نِّي يقَّارن لْعِلم ن يِثْرَان، ثْبدّ-د يجّن ن لْمَلَائِكَا ن سِيذِي أَربِّـي ذِي ثِيرْجِيث غَار يُوْسف ثنَّا-ٱس: "كَّر إِيْسِي اَحنْجِير ذ يمَّاس ارْوڒ غَار مِصْرَا، زذْغم ذِنِّي اَڒ ذَاش غَا ينِيغ ذْوڒ-د. أَقَا اَزدْجيذ هِيرُوْدُس يرزُّو خ وحنْجِير-أَ بَاش اَث ينغ."

لوقا 2:9

ثُوْسَا-د يجّن ن لْمَلَائِكَا ن سِيذ أَربِّـي ثبدّ-د غَارْسن، ئِتْشعْشِيع نُّوْر ن لْعَظَمَا ن سِيذ أَربِّـي ينّض-د خَاسن ݣّْوْذن اَطَّاس.

لوقا 24:4

نِثنْتِي وَامِي قِّيمنْت ذهّْشنْت ذِي مَانَاينِّي، بدّن-د غَارْسنْت ثْنَاين ن يثَرَّاسن ݣِّين اَرُّوْض يتْشعْشِع.

ڒخذايم 10:30

ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.

ڒخذايم 12:23

ڒخْدّنِّي يجّن ن لْمَلَائِكَا ن سِيذِي أَربِّـي ثْسهْڒش هِيرُدُوْس وَامِي وَار يحْمِيذ شَا أَربِّـي. غࢲّن-ث يمِيغْزِيْون يمُّوْث نتَّا.

ڒخذايم 12:6

دْجِيڒث نِّي إِي ذِي د غَا يصبّح هِيرُدُوْس اَذ يحْكم خ بُطْرُس زَّاث إِ شَّعْب، تُوْغَا بُطْرُس يطّص جَار ثْنَاين ن ڒْعَسْكَار يشدّ س ثْنَاين ن سْنَاسڒ. ڒْعَسْكَار نّغْنِي غَار ثوَّارْث تْعسَّاسن خ ڒحْبس.

ڒخذايم 12:8

ثنَّا-ٱس لْمَلَائِكَا نِّي: "كَّر حزّم، قّن ثِسِيڒَا نّش." ئِݣَّا بُطْرُس مِين ذَاس ثنَّا. ثنَّا-ٱس عَاوذ: "اݣّ اَزدْجَاب نّش، ذْفَار-اَيِي-د."

ڒخذايم 16:26

عْلَاغَفْلَا يوْقع يجّن ن زِّنْزَال ذ اَمقّْرَان اَڒ وَامِي نْهزّن ؤُڒَا ذ دْسَاسَاث ن ڒحْبس. نُوْرْزْمنْت ثوُّوْرَا نّس مَارَّا، عَاوذ نُوْفْسْڒنْت-اَسن سْنَاسڒ إِ يمحْبَاس مَارَّا.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

ڒخذايم 5:19

وَلَكِن س دْجِيرث يجّن ن لْمَلَائِكَا ن سِيذِي أَربِّـي ثرْزم-اَسن ثِوُّوْرَا ن ڒحْبس، ثْسُوْفغ-يثن ثنَّا-ٱسن:

ڒخذايم 9:3

وَامِي يݣُّوْر غَار دِمَشق يقِّيم-اَس شْوَايْت اَذ يَاوض، عْلَاغَفْلَا ينّض-اَس-د يجّن ن نُّوْر يتْشعْشِيع-د خَاس زݣ وجنَّا.

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

لواحي ن يوحنا 18:1

منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.