ڒخذايم 12:25 - ثريفيث 2020

²⁵ بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.

ڒخذايم 12:25 ပူးပေါင်းရင်းမြစ်များ

ڒخذايم 12:12

وَامِي يفْطن ذِي مَانَايَا، يرُوْح غَار ثدَّارْث ن مَرْيَم يمَّاس ن يُوْحَنَّا ؤُمِي قَّارن مَرْقُس، تْمُوْنن ذِنِّي اَطَّاس ن يِوْذَان تْࢲَادْجَان.

ڒخذايم 15:35

بُوْلُس ذ بَرْنَابَا قِّيمن ذِي ثنْدِينْت ن وَانْطَاكْيَا، سڒْمَاذن تْبشَّارن س وَاوَاڒ ن سِيذِي أَربِّـي، نِثْنِي ذ وَاطَّاس ن يِوْذَان.

ڒخذايم 15:37

بَرْنَابَا يخس اَكِذْسن يَاوِي يُوْحَنَّا ونِّي ؤُمِي قَّارن مَرْقُس.

ڒخذايم 4:36

ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص.

أيث-كولوس 4:10

ئِسَاوَّاض-اَوم-د سْڒَام أَرِسْتَارْخُوْس ونِّي إِي كِذِي يدْجَان ذِي ڒحْبس-أَ. ئِسَاوَّاض-اَوم-د سْڒَام ؤُڒَا ذ مَرْقُس مِّيس ن عْزِيزس ن بَرْنَابَاس. تُوْغَا وصِّيغ-كنِّيو خ مَرْقُس-أَ مڒَا يُوْسَا-د غَارْوم رحّْبث زَّايس.

2 تيموتاوس 4:11

ئِقِّيم اَكِذِي غِير لُوْقَا وَاهَا. أَوِي-د اَكِذش مَرْقُوْس مِينْزِي ينفّع-اَيِي ذِي ڒْخذْمث ينُو.

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.

1 بطرس 5:13

ثْسَاوَّاض-اَوم-د سْڒَام جْمَاعث إِي يدْجَان ذِي ثنْدِينْت ن بَابِل، نِثْنِي تْوَاخْضَرن اَم كنِّيو. وَاخَّا ؤُڒَا ذ مَرْقُس يسَاوَّاض-اَوم-د سْڒَام ونِّي يدْجَان اَم ممِّي.