ڒخذايم 11:24 - ثريفيث 2020

²⁴ بَرْنَابَا نتَّا ذ يجّن ن ورْيَاز ذ اَصبْحَان يشُّوْر س أَرُّوْح يقدّْسن يتَامن اَطَّاس، خَربِّي ن يِوْذَان ؤُمْنن زِي سِيذِيثْنغ.

ڒخذايم 11:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:35

بْنَاذم اَصبْحَان يسُوْفُوْغ-د مِين يدْجَان ذ اَصبْحَان زِي ڒْكنْز اَصبْحَان ن وُوْڒ نّس. بْنَاذم اَعفَّان يسُوْفُوْغ-د مِين يدْجَان ذ اَعفَّان زِي ڒْكنْز اَعفَّان ن وُوْڒ نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:17

ينَّا-ٱس عِيْسَى: "مَايمِّي إِي ذَايِي تسّقْسِيذ خ مِين يصبْحَان؟ غِير يجّن إِݣ يدْجَان ذ اَصبْحَان. مڒَا ثخْسذ اَذ تَاذْفذ ثُوْذَارْث ن ڒبْدَا، اݣّ اَرَّاي س ڒُوْصِيَاث."

لوقا 23:50

ذِنِّي يجّن ن ورْيَاز قَّارن-اَس يُوْسف زِي جْمَاعث ن لْحُكَّام ن أَيث-إِسْرَائِيل، نتَّا ذ يجّن ن ورْيَاز يصْبَاح يدْجَان نِيشَان.

يوحنا 7:12

أَطَّاس إِݣ يتْوشْوِيشن زِي ڒْغَاشِي خَاس قَّارن نتَّا ذ اَرْيَاز ن ڒْخِير. وَلَكِن ينّغْنِي زَّايْسن قَّارن لَّا، ئِسْخَرِّيق خَانغ وَاهَا.

ڒخذايم 11:21

سِيذِي أَربِّـي اَقَاث اَكِذْسن، اَطَّاس ن يِوْذَان ؤُمْنن ذوْڒن-د غَار سِيذِيثْنغ.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 2:47

حمّْذن أَربِّـي، رطَّان خَاسن يِوْذَان مَارَّا. كُڒ نْهَار يَرنِّي-يَاسن سِيذِي أَربِّـي ذِي لْعَدَد ن يِنِّي ينجّْمن.

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

ڒخذايم 5:14

مَارْنِين-د اَطَّاس ن يِوْذَان إِي يُوْمْنن زِي سِيذِيثْنغ، زَّايْسن يجّن ن لْعَدَد ن يرْيَازن ؤُڒَا ذ ثمْغَارِين.

ڒخذايم 6:3

آي اَيثْمَا، كَّرم اَوِيم-د سبْعَا ن يرْيَازن زَّايْوم اَذ تِيڒِي ثسّْنم-ثن اَقَاثن مْلِيح، أَذ يڒِين شُّوْرن س أَرُّوْح يقدّْسن ذ ڒفْهَامث. نشِّين اَثن نْكلّف س لْمُهِمَّا-يَا

ڒخذايم 6:5

ئِعْجب-اَسن ڒْحَاڒ إِ مَارَّا جْمَاعث. كَّرن يخْضَرن يجّن ن ورْيَاز قَّارن-اَس سْتِيفَان، نتَّا يشُّوْر س لْإِيمَان ذ أَرُّوْح يقدّْسن. ئِخْضَرن فِيلِيپَّـاس ذ بْرُوْكُوْرُس ذ نِيكَانُوْر ذ تِيمُوْن ذ پَـرْمِينَاس ذ نِيكُوْلَاس زݣ وَانْطَاكْيَا، تُوْغَا يسْڒم نتَّا ذِي دِّين ن أَيث-إِسْرَائِيل.

ڒخذايم 6:8

سْتِيفَان نِّي نتَّا يشُّوْر س لْبَرَكَا ن أَربِّـي ذ جّْهذ، ئِخدّم جَار يِوْذَان لْبُرْهَانَاث ذ لْمُعْجِيزَات ذ ثِمقّْرَانِين.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

أيث-روما 15:15

وَلَكِن زعْمغ ؤُرِيغ ثَبْرَات-أَ غَارْوم خ ڒبْعَاض ن ثْمسْڒَايِين حمَا وَار ثنْت تتُّوْم شَا. لِأَنَّا نش تݣّغ ڒْخذْمث ن ڒفْقِي تْبشَّارغ س وَاوَاڒ ن أَربِّـي س لْبَرَاكَا نِّي إِي ذَايِي يوْشَا بَاش اَذ يڒِيغ ذ اَخدَّام ن عِيْسَى لْمَسِيح إِ كنِّيو وَار يدْجِين شَا زِي أَيث-إِسْرَائِيل. حمَا اَكنِّيو قدّْمغ اَم يِجّن ن صّذْقث ثصْفَا س اَرُّوْح يقدّْسن حمَا اَت يقْبڒ أَربِّـي.

أيث-روما 5:7

مُوْحَاڒ اَذ يقْبڒ شَان يِجّن اَذ يمّث خ يِجّن ن بْنَاذم نّغْنِي ذ اَصبْحَان وَاهَا. مڒَا بْنَاذم اَقَاث ذ اَصبْحَان اَطَّاس، يمْكن شَان يِجّن اَخَاس يقْبڒ اَذ يمّث.