ڒخذايم 10:43 - ثريفيث 2020

⁴³ مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 10:43 ပူးပေါင်းရင်းမြစ်များ

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

لوقا 24:47

أَذ بشَّرن مَارَّا ڒݣْنُوْس حمَا اَذ تُوْبن اَذ تْوَاغْفَرنْت ڒْمُعْصِيَاث نْسن س يِيسم ن لْمَسِيح. أَذ يبْذَا مَانَايَا ذِي لْقُدْس.

يوحنا 1:45

فِيلِيپَّـاس يُوْفَا يجّن قَّارن-اَس نَاثْنَاهِيل ينَّا-ٱس: "نُوْفَا ونِّي إِي خف يُوْرَا مُوْسَى ذِي شَّرِيعَا، مِيخف ؤُرِين لْكُتُب ن لْأَنْبِيَا. نتَّا ذ عِيْسَى زݣ وبِيلَاج ن نَّاصِيرَا ذ مِّيس ن يُوْسف."

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

ڒخذايم 15:9

وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

ڒخذايم 26:22

وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.

ڒخذايم 3:16

ذݣ يِيسم ن عِيسى يعْنِي ذ لْإِيمَان س يِيسم نّس، أَقَا اَرْيَاز-أَ إِي تْوَاڒَام إِي ثسّْنم يذْوڒ يجْهذ. س لْإِيمَان نّس ذِي عِيْسَى إِي زِي يݣنْفَا قَاع مَامّش تْوَاڒَام مَارَّا كنِّيو.

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

أيث-روما 10:11

أَقَا لْكِتَاب يقَّار: <مَارَّا ونِّي زَّايس غَا يَامْنن وَار ث يتْخِيِّيب شَا.>

أيث-روما 3:21

فَا ڒخُّو أَربِّـي يسْمظْهَار-اَنغ-د مَامّش غَا نݣّ أَ نْمصْڒَاح اَكِذس بْڒَا شَّرِيعَا. مَانَايَا صَحّن-ث لْكُتُوْب ن لأَنبِيَاء ذ شَّرِيعَا ن مُوْسَى نِثْنِي س يِيخف نْسن.

أيث-روما 5:1

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

أيث-ݣلاطيا 3:22

وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-كولوس 1:14

زَّايس نتَّا يسنْجم-اَنغ يعْنِي يغْفَر-اَنغ ڒْمُعْصِيَاث نّغ.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

1 بطرس 1:11

تُوْغَا رزُّوْن خَاس بَاش اَذ سّْنن مڒْمِي د غَا يمظْهَار وسنْجم-أَ ذ ظُّرُوْف نّس. رزُّوْن اَذ سّْنن مِينْخف يسَّاوَاڒ أَرُّوْح ن لْمَسِيح إِي يدْجَان ذَايْسن وَامِي أَرُّوْح-أَ يعْڒم-اَسن زِي قْبڒ مشْحَاڒ إِي غَا يتْوَاعدّب لْمَسِيح، سّنِّي مشْحَاڒ إِي غَا يتْوَاسمْغَار منْبَعْد.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."