ڒخذايم 10:28 - ثريفيث 2020

²⁸ ينَّا-ٱسن: "قَا ثسّْنم بلِّي يسْرَائِيلِيْين غَارْسن حْرَام اَذ خلّْطن اَك ڒْبَارَّانِي نِغ اَذ اَذْفن ثَدَّارْث نْسن. وَلَكِن أَربِّـي يسْفَاهم-اَيِي-د قْبڒ وَار قَّارغ إِ حَدّ قَا شك حْرَام نِغ مكْرُوْه.

ڒخذايم 10:28 ပူးပေါင်းရင်းမြစ်များ

مرقس 7:2

ࢲْرِين شَان يمحْضَارن نّس تتّن اَغْرُوْم بْڒَا مَا ٱذ سِيرْذن يفَاسّن، يعْنِي بْڒَا مَا ٱذ ݣّن ڒُوْضُو نِّي.

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

يوحنا 18:28

ؤُوِين عِيْسَى زِي ثدَّارْث ن قِيَافَا غَار ڒقْصَر ن لْحَاكم، تُوْغَا زِيش. ئِسْرَائِيلِيْين وَار ؤُذِيفن شَا غَار ڒقْصَر حمَا وَار سْحرِّيم شَا ڒْعِيذ خ يِيخف نْسن.

يوحنا 4:27

وَامِي د عقْبن يمحْضَارن نّس، تْعجّْبن وَامِي ث ؤُفِين يسَّاوَاڒ اَك يِجّن ن ثمْغَارْث. وَلَكِن وَار ذَاس ينِّي ؤُڒَا ذ يجّن مِين غَارس ثْرزُّوذ غَار ثَا؟ نِغ، مَايمِّي إِي كِذس ثسَّاوَاڒذ؟

يوحنا 4:9

ثنَّا-ٱس ثمْغَارْث نِّي: "شك ذ اَئِسْرَائِيلِي، نش ذ ثَسَمَارِيث. مَامّش ذَاش ثخْڒق شك ثتَّارذ-اَيِي اَذ تسْوذ؟" (إِيوَا يسْرَائِيلِيْين قَا وَار تمْصُرُوْفن شَا اَك يِوْذَان ن سَمَارْيَا.)

ڒخذايم 10:29

وَامِي ذَايِي د ثْڒَاغِيم ؤُسِيغ-د بْڒَا مَا ٱذ ينِيغ لَّا. أَكنِّيو سّقْسِيغ، مَايمِّي غَارِي د ثسّكّم؟"

ڒخذايم 11:9

ثنْدق-د ثْمِيجَّا نِّي زݣ وجنَّا وِيس مَرّْثَاين ثنَّا-ٱيِي: شك وَار تْحَرَّام شَا مِين يحدْجڒ أَربِّـي يَارِّي-ث حَلَال!