ڒخذايم 10:2 - ثريفيث 2020

² ذَايس دِّين يتݣّْوذ أَربِّـي، نتَّا ذ مَارَّا اَيثْبَاب ن ثدَّارْث نّس. ئِتݣّ ڒْخِير اَطَّاس ذݣ يِنِّي يحْذَاجن، وَار يخطِّي شَا ثْࢲَادْجِيث نّس.

ڒخذايم 10:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:17

أَمنِّي يݣَّا ؤُڒَا ذ ونِّي ؤُمِي يُوْشَا اَڒفَاين، يرْبح اَڒفَاين نّغْنِي.

لوقا 18:1

ئِسِّيوڒ اَكِذْسن عِيْسَى س يِجّن ن ڒْمَعْنَا بَاش اَذ سّْنن بلِّي يتْخصَّا-يَاسن اَذ تْࢲَادْجن ڒبْدَا وَار تِيحْڒن شَا.

لوقا 2:25

تُوْغَا ذِنِّي ذِي ثنْدِينْت ن لْقُدْس يجّن ن بْنَاذم قَّارن-اَس شِمْعُوْن. ئِݣُّوْر نِيشَان، يتݣّْوذ أَربِّـي، ئِتْرَاجَا أَيث-إِسْرَائِيل اَذ نجْمن، أَرُّوْح يقدّْسن اَقَاث خَاس.

ڒخذايم 10:22

نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."

ڒخذايم 10:31

ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.

ڒخذايم 10:35

أَربِّـي يقبّڒ يوْذَان زِي مْكُڒ ڒْݣنْس يِنِّي إِي ث يتݣّْوْذن تݣّن مِين يدْجَان نِيشَان.

ڒخذايم 10:4

ئِخْزَر ذَايس كُوْرْنِينْيُوْس مْلِيح يݣّْوذ ينَّا-ٱس: "آ سِيذِي، مِين ثْرزُّوْذ؟" ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.

ڒخذايم 10:7

وَامِي يرُوْح لْمَلَاك نِّي إِي كِيس د يسِّيوْڒن، ئِڒَاغَا-د إِ ثْنَاين زݣ يخدَّامن نّس ذ يِجّن ن وعسْكَارِي ذَايس دِّين، يتِيڒِي ڒبْدَا اَكِذس.

ڒخذايم 11:14

أَذَاش يِينِي اَوَاڒن إِي زِي غَا ثْنجْمذ شك ذ مَارَّا اَيثْبَاب ن ثدَّارْث نّش.

ڒخذايم 13:16

ئِكَّر يشيَّر-اَسن بُوْلُس س ؤُفُوْس ينَّا-ٱسن: "آي يرْيَازن ن اَيث-إِسْرَائِيل آي يِنِّي يتݣّْوْذن أَربِّـي، صنّْطث.

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 13:50

وَلَكِن يسْرَائِيلِيْين سَامَرن ثِمْغَارِين إِي ذَايْسنْت دِّين غَارْسنْت لْمَرْتَبَا، عَاوذ سَامَرن يمقّْرَانن ن ثنْدِينْت. تݣّن سَّبَاب إِ يِوْذَان حمَا اَذ عدّْبن بُوْلُس ذ بَرْنَابَا أُوْشَا ؤُزّْڒن خَاسن زِي جِّهث نِّي.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

ڒخذايم 2:5

ذِنِّي شَان يرْيَازن زِي أَيث-إِسْرَائِيل تݣّْوْذن أَربِّـي تْزُوْرَان غَار لْقُدْس، نِثْنِي زِي مَارَّا ثِمُوْرَا ن دُّنشْت-أَ.

ڒخذايم 22:12

يُوْسَا-د غَارِي ذِنِّي يجّن قَّارن-اَس أَنَاس. نتَّا ذَايس دِّين، يتْطَاعَا إِ شَرِيعَا. سَّاوَاڒن خَاس مْلِيح مَارَّا يسْرَائِيلِيْين إِي زدّْغن ذِي دِمَشق. ئِبدّ-د زَّاثِي ينَّا-ٱيِي: آي ؤُمَا شَاوُل، ڒخُّو اَذ تْذوْڒذ اَذ تْوَاڒِيذ! ڒخْدّنِّي ݣنْفِيغ تْوَاڒِيغ نتَّا.

ڒخذايم 8:2

شَان ن يرْيَازن إِي تݣّْوْذن أَربِّـي نضْڒن سْتِيفَان حزْنن خَاس اَطَّاس.

ڒخذايم 9:11

ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

أيث-كولوس 4:2

تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.

1 أيث-سلونيك 5:17

تتَّارم إِ أَربِّـي بْڒَا مَا ٱذ تْبدّم،

ثبرات غار يعقوب 1:5

مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ.

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."