ڒخذايم 1:8 - ثريفيث 2020

⁸ وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 1:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

مرقس 16:15

ينَّا-ٱسن: "رُوْحم غَار مَارَّا دُّنشْت، بشَّرم مَارَّا ڒݣْنُوْس س لْإِنْجِيل.

لوقا 1:35

ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي.

لوقا 10:19

أَقَا تِيشّغ-اَوم جّْهذ إِي زِي غَا ثْعفّْسم خ يفِيغرَان ذ ثْغِرْذمِيوِين ذ مَارَّا جّْهذ ن ڒَعْذُو، وَار كنِّيو يتْضَرِّي وَالُو.

لوقا 24:29

وَلَكِن بْذَان نِثْنِي تحْشَامن-ث نَّان-اَس: "قِّيم اَكِذْنغ مِينْزِي عْڒَاين ذ ثَمدِّيث قَا يرُوْح ڒْحَاڒ." سّنِّي يُوْذف غَارْسن حمَا اَكِذْسن يسنْس.

يوحنا 15:27

أَذ تْشهْذم ؤُڒَا ذ كنِّيو عَاوذ مِينْزِي اَقَا كنِّيو اَكِذِي زݣ ومزْوَارُو."

ڒخذايم 1:22

يعْنِي زݣ وَامِي إِي ث يطهَّار يَحْيَى س وَامَان اَڒ وَامِي يتْوَارْفع خَانغ غَار وجنَّا. أَرْيَاز-أَ يتْخصَّا اَكِذْنغ يشْهذ قَا عِيْسَى يكَّر-د زِي ڒْموْث."

ڒخذايم 1:5

يعْنِي يَحْيَى يطهَّار إِ يِوْذَان س وَامَان، كنِّيو وَار ذَاوم يقِّيم شَا اَذ تْوَاطهَّارم س أَرُّوْح يقدّْسن."

ڒخذايم 13:31

ثُمَّا يمظهَّار-د عِيْسَى ذݣ وَاطَّاس ن نْهُوْرَاث إِ يِنِّي تُوْغَا يݣَعّْذن اَكِذس زِي ثْمُوْرْث ن لْجَلِيل غَار ثنْدِينْت ن لْقُدْس. ڒخُّو يِيْنَا يدْجَان ذ ڒشْهُوْذ نّس غَار شَّعْب.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

ڒخذايم 22:15

شك اَخَاس ثِيڒِيذ ذ شَّاهذ غَار مَارَّا يوْذَان عْلَاحْسَاب مِين ثࢲْرِيذ ذ مِين ثسْڒِيذ.

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

ڒخذايم 4:33

شهّْذن اَرُّسُل س يِجّن ن جّْهذ ذ اَمقّْرَان خ لْقِيَامَا إِي يݣَّا سِيذِيثْنغ عِيْسَى وَامِي يكَّر زِي ڒْموْث. أَربِّـي يݣَّا خَاسن مَارَّا يجّن ن لْبَرَكَا ثمْغَار.

ڒخذايم 5:32

خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."

ڒخذايم 6:8

سْتِيفَان نِّي نتَّا يشُّوْر س لْبَرَكَا ن أَربِّـي ذ جّْهذ، ئِخدّم جَار يِوْذَان لْبُرْهَانَاث ذ لْمُعْجِيزَات ذ ثِمقّْرَانِين.

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

أيث-روما 10:18

وَلَكِن نش تْسقْسِيغ، مَا وَار سْڒِين شَا؟ وَاه، سْڒِين. أَقَّا مِين يقَّار لْكِتَاب: <ذِي مَارَّا ثَمُوْرْث يفّغ-د صُّوْت نْسن، أَوَاڒن نْسن ؤُوْضن اَڒ ڒَاحدّ ن دُّنشْت.>

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.