ڒخذايم 1:4 - ثريفيث 2020

⁴ وَامِي تُوْغَا اَكِذْسن يتتّ، ئِوصَّا-ثن ينَّا-ٱسن: "وَار تفّْغم شَا زِي ثنْدِينْت ن لْقُدْس. رَاجَام اَڒ د غَا يَاس مِين يوْعذ بَابَا إِي خف ذَاوم تُوْغَا سِّيوْڒغ.

ڒخذايم 1:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:20

وَار يدْجِي بُو ذ كنِّيو إِي غَا يسِّيوْڒن؛ لَّا، ذ أَرُّوْح ن بَابَاثْوم إِي غَا يسِّيوْڒن ذݣ ومْشَان نْوم.

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

لوقا 12:12

مِينْزِي أَرُّوْح يقدّْسن اَذَاوم يُوْش مِين غَا ثِينِيم ذِي ثْسَعَّات نِّي."

لوقا 24:49

أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 20:22

وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

ڒخذايم 10:41

مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.