ڒخذايم 1:24 - ثريفيث 2020

²⁴ تَّارن-اَس إِ أَربِّـي، نَّان-اَس: "آ سِيذِي أَربِّـي قَا شك ثسّْنذ مِين يدْجَان ذݣ وُوْڒَاون ن يِوْذَان مَارَّا. سظْهَار-اَنغ-د ونِّي إِي ثِيخْضَرذ زِي ثْنَاين-أَ.

ڒخذايم 1:24 ပူးပေါင်းရင်းမြစ်များ

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 15:8

أَربِّـي ذ نتَّا إِݣ يسّْنن ؤُڒ ن بْنَاذم، يسظْهَار-د نتَّا بلِّي يقْبڒ-يثن يعْنِي يُوْشَا-ٱسن أَرُّوْح يقدّْسن مَامّش ذَانغ ث يُوْشَا إِ نشّْين.

ڒخذايم 6:6

سبْعَا-يَا ن صَّحَابَا قدّْمن-ثن غَار اَرُّسُل، ࢲُّوْدْجن خَاسن سرْسن خَاسن يفَاسّن نْسن بَرَكن-ثن.

أيث-روما 8:27

ثُمَّا أَربِّـي نتَّا يتْوَاڒَان مِين يدْجَان ذݣ وُوْڒَاون ن بْنَاذم، ئِسّن مِين يتخْس اَرُّوْح يقدّْسن. لِأَنَّا اَرُّوْح عْلَاحْسَاب ڒْخَاضَر ن أَربِّـي يتْطَلَاب خ ڒْمُوْمِنِين صَّالِحِين.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.