ڒخذايم 1:13 - ثريفيث 2020

¹³ وَامِي ؤُوْضن، ݣَعّْذن غَار ثْغُوْرْفَات مَانِي تِيڒِين: بُطْرُس ذ يُوْحَنَّا ذ يَعْقُوْب ذ أَنْدْرُوْس، ذ فِيلِيپَّـاس ذ تُوْمَا، ذ بَارْتُوْلُوْمَاي ذ مَتَّى، ذ يَعْقُوْب مِّيس ن حَلْفَى ذ سِمْعَان لْمُنَاضِل، ذ يَهُوْذَا مِّيس ن يَعْقُوْب.

ڒخذايم 1:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 9:9

وَامِي يُوْيُوْر سّنِّي عِيْسَى، يُوْفَا يجّن ن ورْيَاز قَّارن-اَس مَتَّى يقِّيم ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د!" أُوْشَا يكَّر مَتَّى يذْفَار-يث.

مرقس 14:15

أَكنِّيو يَاوِي غَار يِجّن ن ثْغُوْرْفَات ذ ثَمقّْرَانْت ثسُّو، ثعْذڒ. ذِنِّي إِي ذَانغ غَا ثسْوجْذم."

مرقس 14:33

يُوْوِي اَكِذس بُطْرُس ذ يَعْقُوْب ذ يُوْحَنَّا، ئِبْذَا يتْنخْڒع يتْخيَّاق.

مرقس 2:14

وَامِي يعْذُو سّنِّي، يُوْفَا لَاوِي مِّيس ن حَلْفَى يقِّيم غَار مِيسَّا ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د." أُوْشَا يكَّر يذْفَار-يث.

مرقس 5:37

سّنِّي وَار يجِّي ؤُڒَا ذ يجّن اَث يذْفَار، يذْفَار-يث غِير بُطْرُس ذ يَعْقُوْب ذ يُوْحَنَّا يدْجَان ذ ؤُمَاس ن يَعْقُوْب.

مرقس 9:2

ثعْذُو ستّييَّام، عِيْسَى يُوْوِي اَكِس بُطْرُس ذ يَعْقُوْب ذ يُوْحَنَّا يُوْوِي-ثن وَاحذْسن غَار يجّن ن وذْرَار يُوْعْڒَا. ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر.

لوقا 22:12

أَكنِّيو يَاوِي غَار يِجّن ن ثْغُوْرْفَات ذ ثَمقّْرَانْت ثسُّو، ثعْذڒ. ذِنِّي إِي ذَانغ غَا ثسْوجْذم."

يوحنا 11:16

تُوْمَا يعْنِي ونِّي ؤُمِي قَّارن أَشْنِيو ينَّا-ٱسن إِ يمحْضَارن إِي يدْجَان ذ يمدُّوْكَاڒ نّس: "أَكِس نُوْيُوْر ؤُڒَا ذ نشِّين اَكِس نمّث."

يوحنا 14:22

ينَّا-ٱس يَهُوْذَا (مَاشِي يَهُوْذَا إِسْخَرْيُوْطِي): "آ سِيذِي، مَايمِّي غَا د ثْسظْهَارذ يخف نّش إِ نشِّين، دُّنشْت لَّا؟"

يوحنا 18:17

ثَعسَّاسْت نِّي يحطَّان ذِي ثوَّارْث ثنَّا-ٱس إِ بُطْرُس: "مَا وَار ثدْجِيذ شك زݣ يمحْضَارن ن بْنَاذم-أَ؟" ينَّا-ٱس: "نش، لَّا!"

يوحنا 21:2

مُوْنن ذِنِّي ڒبْعَاض ن يمحْضَارن نّس: سِمْعَان بُطْرُس ذ تُوْمَا ونِّي ؤُمِي قَّارن <أَشْنِيو>، ذ نَاثْنَاهِيل نتَّا زݣ وبِيلَاج ن قَانَا ذِي ثْمُوْرْث ن لْجَالِيل، ذ ثَارْوَا ن زَبَادِي، ذ ثْنَاين نّغْنِي.

ڒخذايم 12:17

ئِقَّار-اَسن س وفُوْس سْتُوْكَاث، سّنِّي يعَاوذ-اَسن مَامّش إِي ث يسُوْفغ سِيذِي أَربِّـي زِي ڒحْبس. ينَّا-ٱسن: "خبَّرم يَعْقُوْب ذ اَيثْمَاثْنغ س مِين يوقْعن." ئِفّغ يرُوْح غَار يِجّن ن ومْشَان نّغْنِي.

ڒخذايم 15:13

وَامِي كمّْڒن اَوَاڒ نْسن، ئِنْدق-د يَعْقُوْب ينَّا-ٱسن: "آي اَيثْمَا، صنّْطم غَارِي مْلِيح!

ڒخذايم 2:14

بُطْرُس اَقَاث اَك حِيطَاش نِّي ن اَرُّسُل، ئِكَّر يسِّيوڒ س جّْهذ ينَّا-ٱسن: "آي يرْيَازن ن أَيث-إِسْرَائِيل ذ مَارَّا يمزْذَاغ ن لْقُدْس، ئِتْخصَّا اَذ تسّْنم اَذ تْصنّْطم مْلِيح إِ وَاوَاڒن ينُو.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 20:8

ذِنِّي اَطَّاس ن ڒقْنَاذڒ ذِي ثْغُوْرْفَات نِّي مَانِي نْمُوْن.

ڒخذايم 4:13

خْزَرن لْحُكَّام نِّي ذِي زْعَامث ن بُطْرُس ذ يُوْحَنَّا ؤُفِين-ثن وَار غْرِين شَا نِثْنِي ذ يوْذَان عَادِي. قِّيمن تْعجّْبن، عقْڒن-ثن تُوْغَاثن اَك عِيْسَى.

ڒخذايم 4:19

ئِنْدق-د بُطْرُس ذ يُوْحَنَّا نَّان-اَسن: "حكْمث كنِّيو، مَا مْلِيح زَّاث إِ أَربِّـي أَ نْطَاع إِ وَاوَاڒ نّس نِغ إِ وَاوَاڒ نْوم؟

1 أيث-كورينث 15:7

ثُمَّا يمظْهَار-اَس-د إِ يَعْقُوْب، منْبَعْد إِ مَارَّا اَرُّسُل.

أيث-ݣلاطيا 1:19

نش ذِنِّي وَار ࢲْرِيغ ؤُڒَا ذ يجّن ن اَرَّسُوْل نّغْنِي غِير يَعْقُوْب ؤُمَاس ن سِيذِيثْنغ.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

ثبرات غار يعقوب 1:1

نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.

2 يوحنا 1:1

نش ذ اَمْغَار، تَارِيغ ثَبْرَات-أَ إِ ثمْغَارْث يتْوَاخْضَرن ذ ثَارْوَا نّس إِي تخْسغ ذِي لْحَقِيقَا. مَاشِي ذ نش وَاهَا إِي ثن يتخْسن؛ لَّا، تخْسن-ثن قَاع يِنِّي يسّْنن لْحَقِيقَا.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.