3 يوحنا 1:10 - ثريفيث 2020

¹⁰ س مَانَايَا مڒَا ؤُسِيغ-د نش، أَذ فضْحغ مِين يتݣّ نتَّا يسَّاوَاڒ س وَاوَاڒ ن ثُوْبُّوْهْڒِيَا وَار يحْڒِين ضذ نّغ. وَار يقْنِيع شَا س مَانَاينِّي، نتَّا يتَاݣِي اَذ يتْرحَّاب س وَاوْمَاثن يسْبدَّا ؤُڒَا ذ يِنِّي يتْرحَّابن زَّايْسن يتَازّڒ خَاسن زِي جْمَاعث.

3 يوحنا 1:10 ပူးပေါင်းရင်းမြစ်များ

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

يوحنا 9:22

نَّان لْوَالِدِين نّس اَمنِّي مِينْزِي ݣّْوْذن زݣ يمقّْرَانن ن أَيث-إِسْرَائِيل. تُوْغَا يمقّْرَانن نِّي تَافْقن بلِّي ونِّي غَا يشهْذن عِيْسَى ذ لْمَسِيح، أَث طرْدن زِي ثمْزِيذَا.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

22 أيث-كورينث 13:2

نش ذِي زِّيَارَا إِي تُوْغَا د ݣِّيغ غَارْوم وِيس ثْنَاين عڒْمغ-اَسن إِ يِنِّي يعصَّان ذ يِوْذَان نّغْنِي مَارَّا. ڒخُّو خْمِي خَاوم تْغَابِيغ اَذَاوم عڒْمغ عَاوذ، يعْنِي خْمِي د غَا اَوْضغ ؤُڒَا ذ يجّن زݣ يِنِّي يعصَّان مَا اَخَاس حِينّغ.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

1 تيموتاوس 5:13

عَاوذ اَذ ذوْڒنْت ذ ثِمعْݣَازِين ݣُّوْرنْت زِي ثَدَّارْث غَار ثدَّارْث تݣّنْت فَرْق-شّْغڒ. مَاشِي ذ ثِمعْݣَازِين وَاهَا، تْعَاوَاذنْت ڒخْبُوْرَاث تَاذْفنْت ذِي شّْغُوْرَاث ن مِيدّن قَّارنْت ثِمسْڒَايِين وَار يتْخصَّا شَا اَذ تْوَانَّانْت.

2 يوحنا 1:10

ونِّي إِي غَارْوم د يتَاسن وَار د يتِيوِي اَكِذس تَّعْلِيم-أَ، ئِتْخصَّا-كنِّيو وَار ث ثْسِيذِيفم شَا غَار ثُوْذْرِين نْوم وَار ذَاس ثقَّارم شَا حتَّا ؤُڒَا ذ أَزُوْل.

2 يوحنا 1:12

عَاذ غَارِي اَطَّاس إِي خْسغ اَذَاوم ثِيذ اَرِيغ إِ كنِّيو وَلَكِن اَذ يِيڒِي حْسن مڒَا وَار سْتعْمِيڒغ شَا ذِي ثِوْڒِيقِين ذ سّْمخ. لَّا، تْمنِّييغ اَغَارْوم د اَسغ اَكِذْوم سِّيوْڒغ اَغمْبُوْب ذݣ وغمْبُوْب بَاش ڒفْرَاحث نّغ اَذ تجَّاون.

3 يوحنا 1:3

مِينْزِي نش فَرْحغ اَطَّاس وَامِي د ؤُسِين ڒبْعَاض ن وَاوْمَاثن شهْذن خَاك خ لْحَقِيقَا إِي ذَايش ذ مَامّش شك عَاذ ثݣُّوْرذ نِيْشَان ذِي لْحَقِيقَا.

3 يوحنا 1:5

آي ؤُمَا ينُو يعِيزّن، شك ذَايش تِّقث وَامِي تݣّذ لْمجْهُوْد نّش عْلَاحْسَاب اَوْمَاثن-أَ وَاخَّا نِثْنِي تَاسن-د غَارك ذ يبَرَّانِيْين.