3 يوحنا 1:1 - ثريفيث 2020

¹ نش ذ اَمْغَار، تَارِيغ ثَبْرَات-أَ إِ غَايُوْس ونِّي إِي خَافِي يعِيزّن ذِي لْحَقِيقَا.

3 يوحنا 1:1 ပူးပေါင်းရင်းမြစ်များ

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 20:4

ئِسَفَر اَكِذس سُوْپَـاتْرُوْس مِّيس ن پِـيْرُو زِي ثنْدِينْت ن بِيْرْيَا، ذ أَرِيسْتَارْخُوْس ذ سَاكُوْنْدُوْس نِثْنِي زِي ثنْدِينْت ن سَالُوْنِيك، ذ غَايُوْس زِي ثنْدِينْت ن دِرْبَا، ذ تِيْمُوْتَاوُس ذ تُوْشِيق ذ تْرِيْفُوْمُو نِثْنِي زِي لْإِقْلِيم ن آسْيَا.

أيث-روما 16:23

ئِسِّيوض-اَوم-د سْڒَام غَايُوْس، ذ نتَّا إِي زَّايِي يرحّْبن غَار ثدَّارْث نّس يرْزم-يت إِ مَارَّا جْمَاعْث ن ڒْمُوْمِنِين. ئِسِّيوض-اَوم-د سْڒَام أَرِيسْطُوْس لْأَمِين ن صّنْدُوْق ن ثنْدِينْت، ذ ؤُمَاثْنغ قَرْتُوْس.

1 أيث-كورينث 1:14

تْشكَّارغ أَربِّـي وَار طهِّيرغ ؤُڒَا ذ يجّن زَّايْوم س وَامَان إِلَّا كْرِيْسْبُوْس ذ غَايُوْس حمَا وَار يقَّار حَدّ قَا يتْوَاطهَّار س وَامَان عْلَاحْسَاب يسم ينُو.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

1 يوحنا 3:18

آ يحنْجِيرن، مَاشِي أَ نْتخْس بْنَاذم س وَاوَاڒن ذ يِيڒس وَاهَا؛ لَّا، ئِتْخصَّا اَث نخْس س ڒخْذَايم ذ ڒْحَقّ.

3 يوحنا 1:2

آي ؤُمَا ينُو يعِيزّن، تْࢲَادْجِيغ اَخَاك يسّقْسَا ڒْخِير اَغَارك ثِيڒِي صَّاحث نّش وَامِي ثدْجِيذ مْلِيح ذِي ڒَعْمَر نّش.