2 أيث-سلونيك 2:3 - ثريفيث 2020

³ لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.

2 أيث-سلونيك 2:3 ပူးပေါင်းရင်းမြစ်များ

يوحنا 17:12

وَامِي كِذْسن دْجِيغ، حفْضغ خَاسن س يِيسم نّش إِي ذَايِي ثُوْشِيذ. حْضِيغ-ثن، ؤُڒَا ذ يجّن مَا يودَّر غِير ونِّي تُوْغَا يودَّرن حمَا اَذ يكمّڒ مِين يقَّار لْكِتَاب.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 يوحنا 2:18

آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

1 يوحنا 4:3

أَرُّوْح نِّي وَار يشهّْذن شَا خ عِيْسَى اَتَاف وَار د يُوْسِي شَا زِي أَربِّـي. أَرُّوْح-أَ نتَّا ذ اَرُّوْح ن دّجَّال إِي خف ثسْڒِيم كنِّيو نتَّا يتَاس-د، ڒخُّو عَاوذ اَقَاث ذَا ذِي دُّنشْت-أَ.

لواحي ن يوحنا 17:11

ڒْوَحْش نِّي إِي تُوْغَا يدْجَان، ڒخُّو وَار يدْجِي شَا، نتَّا ذ وِيس ثْمنْيَا نتَّا عَاوذ ذ يجّن زِي سبْعَا نِّي قَا يݣُّوْر اَذ يتْوَاهْذم.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.